Mańyzdy mindetter júkteldi

Bul turǵyda Memleket bas­­shysy qazynadan qomaqty qarjy qaralatynyn atap kór­setti. «Medısına salasyna qo­maqty qarjy quıý kerek. Bul qarajat ınfraqurylymǵa, maman daıarlaýǵa jáne halyqty dári-dármekpen qamtamasyz etýge jumsalýǵa tıis. Farma­sevtıka ónerkásibine erekshe kóńil bólý qajet. Vırýspen kúres kezinde dál osy sala eli­mizdiń básekege qabileti men qaýip­sizdigi úshin mańyzdy ekeni­ne kózimiz jetti. Sondyqtan medısına ónimderin Zerthana­lyq jáne tehnıkalyq synaq­tan ótkizetin ortalyq qurýy­myz kerek. Jahandyq farma­sev­tıkalyq korporasııalar­men yntymaqtastyqty jandan­dyrǵan jón. Investorlardy tartyp, ozyq tehnologııany jáne osy saladaǵy jańa zert­teý jumystaryn ıgerýdi qol­ǵa alý kerek. Otandyq ta­ýar ón­­dirý­shilermen jasalatyn off­­teık kelisim sharttarynyń kólemin arttyryp, ónim túrin kóbeıtý qajet.

Bizdegi dári-dármek pen medısınalyq qural-jabdyq­tyń 17 paıyzy ǵana – otandyq ónim. 2025 jyly ony 50 pa­ıyzǵa jetkizý qajet.

Densaýlyq kepili – dene shynyq­tyrý. Jurttyń jáne balalardyń sportpen shuǵyl­danýyna jaǵdaı jasalýy qajet ekenin taǵy da qaıtalap aıtamyn. Oblys ákimderi sport ınfraqurylymyn birtindep salýdy qamtamasyz etýge tıis», dedi Prezıdent.

Koronavırýs ınfeksııasy­nyń aldyn alýdyń basty joly ekpe saldyrý ekenin Mem­le­ket basshysy buǵan deıin de aıtqan bolatyn. Jyldyń bas­­ty qujatynda da osy máse­lege aıryqsha toqtaldy. «Biz­de vaksına qory jetkilikti, azamattardyń tańdaý quqyǵy bar. Elimizde jappaı ekpe egý naýqany júrip jatqanymen, qoǵamda vaksınaǵa qarsy azamattar áli de kóp. Olar ózderi bas tartyp qana qoımaı, óz­ge aza­mattardy adastyrady. Jap­paı vaksınalaý qarqyn­dy júrgende ǵana, biz qaýipti indetke tosqaýyl qoıa alamyz», dedi Prezıdent.

Prezıdent sóziniń jany bar. О́ıtkeni áleýmettik jeli arqyly jalǵan aqparat tarata­tyn­dar az emes. Olar ózin ǵana emes, ózgeni de adastyra­tyn­dyǵy sózsiz. Sonymen qatar otan­dyq QazVac vaksınasynyń qaýipsiz ekendigine kúmán bolmaýy tıis. Tipti, ózge memleket­ter tarapynan da suranys tú­sip jatqanyn qaperden shy­ǵar­maýymyz kerek. Osy oraıda Qasym-Jomart Kemel­uly: «Ko­ronavırýs densaýlyq saq­taý salasy úshin úlken sy­naq bol­dy. Álemdi jaılaǵan indet­tiń beti áli qaıtar emes. Kún sa­ıyn myńdaǵan azamatymyz dert­ke shaldyǵyp, talaı adam ómir­den ótýde. Biz ýaqytty ut­tyr­maı indetpen kúresý is-sha­ra­­laryn dereý qolǵa aldyq. Qazaq­stan – koronavırýsqa qar­sy vak­sına jasap shyǵarǵan álem­degi sanaýly memlekettiń biri. Bizdiń vaksınamyzdyń tıim­­di ári qaýipsiz ekendigine esh kú­­mán joq. Qazir QazVac vak­­sı­­na­syna ózge memleketter de sur­an­ys bildirýde», dep atap ótti.

Joldaý júktegen mindetter júıeli júzege asýy tıis. Bul baǵytta densaýlyq saqtaý salasynyń qyzmetkerleri de aıanyp qalmaıdy.

Gýlam ÝMAROV,

Jambyl oblystyq Qan ortalyǵynyń dırektory, oblystyq máslıhattyń depýtaty, oblystyq О́zbek etnomádenı birlestiginiń ókili