Qyzmetkerlerdiń 75 paıyzy ekpe aldy

Osy jyldyń 11 qyrkúıe­gindegi jaǵdaı boıynsha vak­sı­nanyń birinshi komponentin Qor kompanııalarynda eńbek etetin 203 853 qyzmetker alǵan. Bul – barlyq jumysshylardyń 74,5 paıyzy. 182 272 qyzmetker tolyq egildi – 66,6 paıyz.

Qordyń korporatıvtik basqarý jáne áleýmettik-eńbek qatynastary jónindegi basqarýshy dırektory Muhtar Mankeevtiń aıtýynsha, egi­lý tek erikti túrde júrgizilýde. Zań sheńberinde jumysshynyń tolyq kelisimi alynǵan soń ǵana ekpe salynady.   

– «Samuryq-Qazynaǵa» qarasty kompanııalar kóptegen salada qyzmet etedi. Olardyń turaqty ári múltiksiz jumys isteýi el ekonomıkasy úshin óte mańyzdy. Sondyqtan jumyskerlerdiń koronavırýs ınfeksııasyna qarsy egilýi olardyń den­saýlyǵyn saqtaýǵa jáne elimiz­diń ekonomıkalyq turaq­tylyǵy men ál-aýqatyn arttyrýǵa yqpalyn tıgizedi, – dedi M.Mankeev.  

Basqarýshy dırektordyń aıtýyn­sha, Qorǵa qarasty kompanııa­larda vaksınalaý durys jol­ǵa qoıylǵan. О́ndiristik nysan­darǵa arnaıy jyljymaly toptar da baryp, egý sharalaryn júrgizedi. Árbir jumyskerge elimiz­de maquldanǵan vaksına túr­leri usynylady. Sonymen qatar Qorda COVID-19-ǵa qarsy is-qı­myl jónindegi Jedel shtab quryl­ǵanyn atap ótken jón. Onda pande­mııaǵa qarsy jańa sharalar ázirlenip, vaksına salýdy yntalandyrý tetikteri usynylǵan.

– El bıliginiń vaksına egý qajet­tiligi týraly tapsyrmasyna sáıkes, 270 myńnan astam qyzmetkeri bar «Samuryq-Qazyna» Qory ujymdyq ımmýnıtet qalyptastyrýǵa bel­sendi atsalysty. Áleýmettik jeli­ler, salalyq buqaralyq aqparat quraldary men beınerolıkter arqyly turaqty túrde túsindirý jumystary júrgiziledi. #menekpealdym #ıavaksınırovalsıa chellendji uıymdastyryldy. Qor­ǵa qarasty kompanııalardyń bas­shylyǵy alǵashqylardyń sanatynda ekpe alyp, ózgelerge úlgi kórsetti, – dedi M.Mankeev.

Osy oraıda, Memleket basshy­synyń tapsyrmalaryn oryndaý maqsatynda halyqqa egý prepa­rattaryn qoljetimdi etý úshin Qor Birikken Arab Ámirlik­terinde óndirilgen Hayat Vax vak­sı­nasynyń 1 mln dozasyn satyp alýǵa qarjy bóldi. Ony osy jyldyń mamyr aıynda «SQ-Farmasııa» kompanııasy jetkizip, Densaýlyq saqtaý mınıstrliginiń jelisi boıynsha taratty. 

Qor kompanııalarynda qyz­met­kerlerdi koronavırýsqa qarsy egilýge yntalandyrý úshin jyl saıynǵy aqyly eńbek demalysyna qosymsha demalys kúnderin qosý, kezekten tys aqyly demalys kúnderin berý, vaksına salǵyzǵan qyzmetkerler arasynda utys oıyndaryn uıymdastyrý sııaqty sharalar qolǵa alynǵan. Vaksına salǵyzǵandar sanyn ulǵaıtý maqsa­tynda qosymsha sharalardy júzege asyrý kózdelip otyr. Sonyń ishinde psıhologtermen, qoǵam belsendilerimen, medısına qyzmetkerlerimen kezdesýler, lanch-bokstar uıymdastyrý josparlanǵan. 

Aıta keteıik, Qordyń resmı saı­tynda «Samuryq-Qazyna» AQ kompa­nııalar tobynda vaksına salǵyz­ǵan qyzmetkerler sanyn kórse­tetin arnaıy esep kestesi jumys isteıdi

«Samuryq-Qazyna» vaksı­na­laýǵa qatysty jańa quraldardy da en­gizýde. Máselen, endigi jerde vok­zaldar men poıyzdarda ekpe alý pýnktteriniń jumysyn uıym­das­tyrý qarastyrylyp otyr.