Úkimet • 16 Qyrkúıek, 2021

Senat azamattardy áleýmettik qorǵaýdy kúsheıtý jónindegi zań jobasyn maquldady

27 ret kórsetildi

Búgin Senat Tóraǵasy Máýlen Áshimbaevtyń tóraǵalyq etýimen Palata otyrysy ótti, dep habarlaıdy Egemen.kz.

Depýtattar «Qazaqstan Respýblıkasynyń keıbir zańnamalyq aktilerine azamattardyń jekelegen sanattaryn áleýmettik qorǵaý máseleleri boıynsha ózgerister men tolyqtyrýlar engizý týraly» zań jobasyn birinshi oqylymda mmaquldady.

Múgedek azamattardyń jáne olarǵa kútim jasaıtyn adamdardyń quqyqtaryn qorǵaýdy kúsheıtýge jáne ómir súrý sapasyn jaqsartýǵa osy zań jobasynyń arnalýy onyń mańyzyn aıǵaqtap otyr. Onda erekshe qajettilikteri bar balalar men olardyń otbasylaryna erekshe nazar aýdarylady. Atap aıtqanda, I toptaǵy múgedekterge kútim jasaıtyn adamdarǵa járdemaqy alǵash ret engizildi. Zań jobasynda sondaı-aq qamqorshylardyń eńbek ótilinde eskeriletin merzimdi uzartý da usynyldy.

«Búgingi kúni «Qazaqstan Respýblıkasynda zeınetaqymen qamsyzdandyrý týraly» Zańǵa sáıkes jasyna baılanysty zeınetaqy tólemderin taǵaıyndaý úshin eńbek ótilin esepteý kezinde 16 jasqa deıingi múgedek balany baǵyp-kútken ýaqyt esepke alynady. Zań jobasynda eńbek ótilin esepteý ýaqytyn 18 jasqa deıin uzartý kózdelgen. Bul shara, zeınetkerlik jasqa kelgen adamdarǵa memlekettik bazalyq zeınetaqysyn jáne jasyna baılanysty zeınetaqy tólemin alý kezinde eńbek ótilin tolyq eskerýge múmkindik beredi», dep atap ótti senator Narıman Tóreǵalıev óz baıandamasynda.

Búgin senatorlar maquldaǵan ári ekinshi oqylymda qaraýǵa jiberilgen zań jobasy elimizdegi 400 myńǵa jýyq azamattyń quqyqtaryn qorǵaýdy jaqsartýǵa múmkindik beredi.

Sońǵy jańalyqtar

Altaı úzdikteri anyqtaldy

Aımaqtar • Keshe

Bir oblys «qyzyl» aımaqta tur

Koronavırýs • Keshe

Uly dala muralary

Elorda • Keshe

Eki júlde – «egemendikterde»

Egemen Qazaqstan • Keshe

Tbılısıde top jardy

Sport • Keshe

Kardıng shabýyly

Qoǵam • Keshe

Uqsas jańalyqtar