Prezıdent • 17 Qyrkúıek, 2021

Halyqqa arnalǵan basymdyqtar kóp

48 ret kórsetildi

Qasym-Jomart Toqaevtyń bıylǵy Joldaýynyń ereksheligi – onyń áleýmettik baǵytta bolýy. Memleket basshysy Qazaqstan azamattarynyń edáýir bóliginiń ómirine áser etetin birqatar bastamalardy atap ótti.

Birinshi bastama aıasynda eń tómengi jalaqy mólsherin 42500 teńgeden 60000 teńgege deıin ulǵaıtý usynyldy. Eń tómengi jalaqy, bul – kez kelgen jumys isteıtin qazaqstandyqqa, onyń eńbegi úshin múmkin bolatyn, memleket tarapynan áleýmettik kepili. Sonymen qatar memleket tarapynan eńbekaqy tóleýdiń tómengi deńgeıin belgileý jáne barlyq jumys berýshilerdiń bul talapty oryndaýyn baqylaý ju­mys­shylardyń eńbekke aqy tóleýdiń konstıtýsııalyq quqy­ǵyn qorǵaýǵa, sondaı-aq adal emes jumys berýshilerdiń qyzmetkerlerdiń eńbegin tıisti tólemsiz paıdalaný nıetteriniń bol­dyrmaýǵa arnalǵan. Eń tómengi jalaqynyń ósýi Qazaq­stannyń ishki tutyný kólemin ulǵaıtady jáne IJО́ ósýine yqpal etedi.

Ekinshi jáne úshinshi bas­tamalar aıasynda Memleket bas­shysy bıznesti óz qyzmet­kerleriniń jalaqysyn ósirýge yntalandyrýdyń «utymdy» sharalaryn ázirleýdi, sondaı-aq bızneske jıyntyq júkte­meni 34%-dan 25%-ǵa deıin tó­mendete otyryp, eńbekaqy tóleý qorynan biryńǵaı tólem en­gizýdi tapsyrdy. Aıta ketý kerek, qazirgi ýaqytta qazaq­stan­dyq bıznes óz qyzmet­ker­leri úshin aı saıyn bes tólem tóleýge mindetti, olar árbir jalaqynyń 34%-yn qu­raıdy. Atap aıtqanda, tólemder tizimine jeke tabys salyǵy, zeınetaqy jarnasy, áleýmettik salyq, Memlekettik áleýmettik saqtandyrý qoryna jarna, áleý­mettik medısınalyq saqtan­dyrý qoryna aýdarymdar kiredi. О́z kezeginde, Qazaqstan Prezıdentiniń eńbekaqy tóleý qorynan júktemeni azaıtý jónindegi usynysy jumys berýshilerdiń «kóleńkeden shyǵýyna» yqpal etetin bolady. Sonymen birge, barlyq tólemderdi biryńǵaı tólemge biriktirý qajetti aýdarymdardy júzege asyrý boıynsha mindetti aıtarlyqtaı jeńildetedi.

Tórtinshi bastama aıasynda Memleket basshysy azamat­tyq qyzmetshilerdiń jalaqy­syn júıeli túrde arttyrýdy tapsyrdy. Aıta ketý kerek, Qazaqstanda barlyǵy 1,2 mln-ǵa jýyq azamattyq qyzmetshi bar. Onyń ishinde 600 myń, bul – pedagogter, dárigerler, áleýmettik qyzmetkerler sanaty. Taǵy 600 myńǵa jýyq adam – osy ýaqytqa deıin jalaqy kóterilmegen bar­lyq qyz­met sa­lalaryna or­taq jumys­shy­lar. Aıta ketý kerek, jol kartasyn júzege asy­rý aıasynda búgingi tańda peda­gog­terdiń or­tasha aılyq jalaqysy 234 myń teńgege, dáriger­ler­diń 320 myń teńgesine, áleý­­mettik qyzmetkerlerdiń 180 myń teń­gesine, memleket­tik qyz­met­shilerdiń 267 myń teńgesine jetti. Endi Prezıdenttiń tap­syr­masyna sáıkes, jalaqy­ny kóterý mádenıet salasy­nyń qyzmetkerlerine, muraǵatshy­larǵa, kitaphanashylarǵa, teh­nı­ka­lyq qyzmetkerlerge, qo­ryq­­shylarǵa, júrgizýshilerge jáne basqalarǵa da qatysty bola­dy. Qyzmetkerlerdiń osy sana­ty úshin jalaqynyń 2022 jyl­dan 2025 jylǵa deıin 20%-ǵa ósýi olardyń qarjylyq jaǵ­da­ıyn jaqsartýǵa múmkindik beredi.

Besinshi bastama aıasynda Memleket basshysy turǵyn úı satyp alý boıynsha halyqqa jeńil nusqalar berý baǵytyndaǵy jumysty jal­ǵastyrýdy tapsyrdy. Atap aıtqanda, halyqtyń turǵyn úı máselesin sheshý maqsatynda kredıt berý baǵdarlamasyn kúsheıtý júrgiziledi. Aıta ketý kerek, «Otbasy banktiń» jınaq mehanızmderi azamattardy túpki maqsatqa – turǵyn úı nesıesin alý úshin depozıtke únemi jarnalar aýdarýǵa yntalandyrady. Keń maǵynada, «Otbasy bank» júıesi arqyly turǵyn úı nesıesin berý turǵyndarǵa aldyn ala josparlaý mádenıe­tin qalyptastyrýǵa múmkindik beredi.

Jalpy, Memleket bas­shysynyń Joldaý barysynda aıtylǵan bastamalaryn iske asyrý ekonomıkanyń teńge­rim­di ósýin qamtamasyz etýge, adam kapıtalynyń deńgeıin arttyrýǵa, azamattardyń ál-aýqatyn jaqsartýǵa jáne al­daǵy kezeńde Qazaqstannyń jú­ıeli damýy úshin basqa da ma­ńyzdy maqsattarǵa qol jet­kizýge múmkindik beredi. Búgingi tańda el Úkimetiniń aldynda Prezıdenttiń Joldaýyn iske asyrý boıynsha qadamdyq jáne egjeı-tegjeıli is-qımyl jos­paryn júzege asyrý min­deti tur. О́z kezeginde Parla­ment jáne máslıhat depýtattary, sondaı-aq jurtshylyq Joldaý tarmaqtarynyń oryn­dalýyn baqylaýdy júzege asyrý qajet.

 

Slıamjar AHMETJAROV,

Prezıdent janyndaǵy QSZI áleýmettik-saıası zertteýler bóliminiń aǵa ǵylymı qyzmetkeri

 

Sońǵy jańalyqtar

Almatynyń 199 turǵyny koronavırýs juqtyrǵan

Koronavırýs • Búgin, 16:43

Úkimette KQK-daǵy jaǵdaı talqylandy

Úkimet • Búgin, 14:40

Nur-Sultan «sary» aımaqqa ótýi múmkin

Koronavırýs • Búgin, 14:10

OPEK-tiń bas hatshysy kóz jumdy

Álem • Búgin, 13:59

6 shildege arnalǵan aýa raıy boljamy

Aýa raıy • Búgin, 09:43

Shabyt shaqyratyn shahar

Elorda • Búgin, 08:23

Aqjaınaq astana

Elorda • Búgin, 08:22

Ozyq óndiris ornynda boldy

Aımaqtar • Búgin, 08:20

Ult saýlyǵyn ulyqtaǵan megapolıs

Elorda • Búgin, 08:18

Baǵdaryń qalaı, bas qala?

Elorda • Búgin, 08:17

«Astana Operamen» dos bolaıyq

Teatr • Búgin, 08:15

Dımash pen Djekson

О́ner • Búgin, 08:10

Utqanymyz shamaly bolyp tur

Qoǵam • Búgin, 08:05

Irikteýdiń ekinshi kezeńine ótti

Sport • Búgin, 08:02

Egizder festıvali

Qoǵam • Búgin, 08:00

Elordanyń damý dańǵyly

Elorda • Keshe

Uqsas jańalyqtar