Álem • 21 Qyrkúıek, 2021

Pıngvınderdi ara shaǵyp óltirdi

27 ret kórsetildi

Afrıkada joıylyp ketý qaýpi bar dep tirkelgen 63 pıngvın óldi. Qustar Keıp­taý­nǵa jaqyn jerde múlde kút­pegen sebepten qyrylǵan deıdi Ońtústik Afrı­ka­daǵy qustardy qorǵaýshylar.

Sımonstaýndaǵy kolonııada tirkelip, sol jaqta baǵylǵan qustardy teńiz jaǵasynda eshqandaı dene jaraqatynsyz tapqan. Olardyń ólimine sebepshi – aralar.

«Bul – óte sırek kezdesetin jaǵdaı. Mundaıdy tipti oılap ta kórmeppiz, kezdeısoqtyq dep qa­byl­daý­dan basqa shara joq», dedi jergilikti veterınar Devıd Roberts. Ońtústik Afrıkanyń jaǵalaýdaǵy qustardy saqtaý qorynda (Sanccob) jumys isteıtin maman oqıǵa ornynda óli aralar da tabylǵanyn aıtty.

Ońtústik Afrıka ulttyq parki agenttigi (SANParks) mundaı oqıǵa qaıtalanbaýy úshin tekse­ris júrgizilip jatqanyn málimdedi.

Afrıka pıngvınderi kishkentaı bolyp ke­le­di jáne Ońtústik Afrıkanyń, Namıbııanyń jaǵalaýlary men araldaryn mekendeıdi. Degenmen olardyń Gabonnyń soltústiginde de baıqalǵany týraly aqparat bar.

Halyqaralyq tabıǵatty qorǵaý odaǵynyń má­lim­­­demesine súıensek, pıngvınderdiń bul túriniń sany jyldan-jylǵa azaıyp barady. Uıym buǵan sebep retinde, negizinen, kommersııalyq balyq aýlaý men qorshaǵan ortanyń lastanýyn alǵa tartady. Al bal aralary – jergilikti ekojúıeniń aınymas bóligi.

Ulttyq park óz málimdemesinde jaǵdaıdy baqy­laý­dy jalǵastyratynyn habarlady.

Sońǵy jańalyqtar

Qyzylordada esirtkige qarsy aksııa ótti

Aımaqtar • Búgin, 16:52

Almaty mańynda jer silkindi

Aımaqtar • Búgin, 16:18

Dollar 9 teńgege arzandady

Qarjy • Búgin, 16:10

Qazaqstanda qus eti qymbattady

Qoǵam • Búgin, 15:43

Munaı baǵasy 1 dollarǵa arzandady

Ekonomıka • Búgin, 12:30

Erteń Úkimet otyrysy ótedi

Úkimet • Búgin, 12:12

«Kanelo»: Golovkındi nokaýtpen jeńemin

Kásipqoı boks • Búgin, 12:08

Aldaǵy kúnderi aýa raıy qandaı bolady

Aýa raıy • Búgin, 11:46

Bir aptada 3 myńǵa jýyq qylmys jasaldy

Qazaqstan • Búgin, 11:18

Uqsas jańalyqtar