Álem • 27 Qyrkúıek, 2021

Somalıde terrorıstik top 8 adamdy óltirdi

14 ret kórsetildi

Somalı astanasyndaǵy prezıdent saraıynyń janynda kólik jarylyp, 8 adam qaza boldy. Ál-Kaıdaǵa baılanysy bar ál-Shabab terrorlyq toby jaýapker­shi­likti ózine alyp, jarylystyń qasaqana uıym­das­tyrylǵanyn moıyndady.

Jarylys bolǵan aımaq prezıdent saraıy men áýejaıdy baılanystyratyn jol eken. Somalı polısııasy ókili Abdıfatah Aden Hasan jaralylar men qaza bolǵandar sany áli de artýy múmkin degen boljam aıtty. О́ıtkeni jarylystan keıin kóp ýaqyt ótpeı, jaralanǵandardy týystary oqıǵa ornynan úılerine alyp ketken. Qazir zardap shekkenderdiń naqty sany anyqtalyp jatyr.

«Ál-Shabab uıymdastyrǵan shabýyl kem degende 8 adamnyń ólimine sebep bolyp otyr. Olardyń qatarynda áskerı qyzmetshi, ana men kishkentaı 2 sábı bar. Ál-Shabab beıbit halyqty óltirdi», dedi polısııa ókili.

Sodyrlar prezıdent saraıyna ótetin negizgi b­a­qy­­laý beketin kózdegen degen aqparat bar. Jer­gi­­likti BAQ «ál-Shabab teorrorıstik toby bı­lik­ti óz qolyna alyp, óz tártibin ornatqysy keledi» dep jaz­­dy.

Atalǵan top 2011 jylǵa deıin eldiń bas qa­la­syn baqylaýda ustaǵan. Odan keıin Afrıka oda­ǵy­nyń qarýly kúshinen jeńilip, keıin sheginýge májbúr bolǵan. Degenmen, aýyldyq jerlerdi áli de baqylaýda ustap, memlekettik jáne azamattyq nysandarǵa shabýyl jasap turady.

Oqıǵa kýágerleriniń aıtýynsha, polısııa qyz­met­keri kólikti toqtatqan. Ile mashına birneshe sekýnd­tiń ishinde jarylyp úlgergen.

«Polısııa kólikti tekserý úshin toqtatty. Bul qalypty tekseris qoı. Kólik toqtaı salysymen jaryldy. Al janynda beıkúná adamdar otyrǵan basqa da kólikter boldy», deıdi oqıǵa ornynda bolǵan Muhammed Hasan.

Úkimettiń baspasóz qyzmeti mert bolǵandar ara­synda Premer-mınıstrdiń adam quqyqtary bo­ıynsha keńesshisi Hıbak Abýkar baryn habarlady.

Premer-mınıstr Hýseın Roble keńesshisiniń úlken úmit kúttiretin jas maman bolǵanyn, adal ári shynshyl adam ekenin aıtyp, jaqyndaryna kóńil bildirdi. Odan bólek, Somalı halqyna terrorızmmen birlesip kúresýimiz kerek degen úndeý joldady.

 

Sońǵy jańalyqtar

Bir kúnde 3907 adam koronavırýstan aıyqty

Koronavırýs • Búgin, 09:45

15169 adam koronavırýs juqtyrdy

Koronavırýs • Búgin, 09:17

Uqsas jańalyqtar