06 Aqpan, 2014

О́nerdiń óshpeıtin izderi

170 ret kórsetildi

«Astana Opera» teatrynyń alǵashqy qadamynan bastap búgingi kúnge deıingi

tarıhy baıandalatyn fotokórmeden almatylyqtar umytylmas áser alary sózsiz.

13

Dál osy kezde Alataýdyń bókteri alabóten kúı keship jatyr. «Astana Opera» teatrynyń trýppasy óz baǵdarlamasyn pash etýde. Abaı atyndaǵy memlekettik akademııalyq opera jáne balet teatryn betke alyp aǵylǵan jurttyń bar maqsaty mundaǵy fotokórmeden elordalyq jas teatrdyń arman bolǵan ishki, syrtqy symbatyn tamashalap súısiný. Buryn tek Úlken teatrǵa, La Skalaǵa adamdar qanshama kúni buryn bılet satyp alyp, ázer degende kiredi degende, mundaı aty adamzatqa arman bolǵan ǵajaıyp mádenıet oshaqtaryna syrttaı súısinip, «shirkin, bizde qashan sondaı tamasha teatrlar paıda bolar eken?» dep, aldaǵy kúnderge úmit artqannan basqa túk amalymyz qalmaıtyn. «Astana Opera» teatry kóp­tiń kókeıindegi úmit otyn úrle­gen sol jaryq sáýle sııaqty. Qurylǵanyna az ýaqyt bolǵanyna qaramastan, onyń sahnasynda ataǵynan at úrketin nebir tanymal tulǵalar óner kórsetip úlgerdi. Jańadan qanshama týyndylar sahnalandy. Osy jetistikter teatrdyń áli-aq álemdik deńgeıge kóteriletinine sendiretindeı. Abaı atyndaǵy memlekettik opera jáne balet teatrynyń ekinshi qabatyna jaıylǵan fotokórme osyndaı jarqyn oıǵa jeteleıdi. Jańa teatrdyń qalaı dúnıege kelgeni qyzyqty oqıǵalarǵa toly. Qulaqqa bir sarqylmas saryn quıylady. Álgi saryn sálden soń qııal qanatyna aınalyp, jazyq dalaǵa qaraı alyp ushady. Munda jarqyrap boı kótergen aq shaǵala tárizdes appaq otaý aldyńyzdan ushyrasady. Ár foto tirshiliktiń naǵyz býyrqanǵan bulaǵyna bastaıdy. Kórmede árqaısysy tórt fotodan turatyn 12 stend ornalasqan, onda «Astana Opera» MOBT tarıhynyń alǵashqy betteri týraly syr shertiledi. Posterdegi aqparat pen sýretter «Astana Operada» sahnalanǵan alǵashqy qoıylymdar jaıynda, atap aıtqanda, qazaq operasynyń injý-marjany sanalatyn Muqan Tólebaevtyń «Birjan-Sara», zamanymyzdyń kórnekti qoıýshy horeografy Iý. Grıgorevıch qoıǵan P. I. Chaıkovskııdiń «Uıqydaǵy arý» baleti, ıtalııalyq Per Lýıdjı Pıssı sahnalaǵan «Attıla» operasy jáne de álemdik tusaýkeser týraly tartymdy baıandaıdy. «Roden» jáne «Romeo men Djýletta» baletteri beınelengen sýretter kórermen nazarynan tys qalmasy anyq. Sebebi, munda spektaklderdiń dekorasııasy men kostıýmderi túgel qamtylǵan. «Astana Operanyń» úlken za­lyn, kameralyq mýzyka konsert­terin jáne halyqaralyq konferensııa ótkizýge arnalǵan ka­me­ralyq, sondaı-aq tolyq­qan­dy jumys is­teýge kóshken ki­shi zaldardy kóz­ben kórgendeı áser túıdiretin foto­shejireler «Klas­sıkanyń jańa jasy», «Hor mýzy­kasynyń ke­shi», «Petıa jáne qasqyr», «Uly esimder: I. Gaıdn jáne V. Mo­sart», «Jańajyldyq ser­pantın» sııaqty basqa da kóp­te­gen taqy­ryp­tardy alǵa tartady. Negizin Elbasynyń ózi qalaǵan alǵashqy zamanaýı teatr tarıhy túgel qamtylǵan «Astana Ope­ra» at­ty kórme nebári bir apta, aq­pan­­nyń 3-i men 10-y aralyǵynda ótpek. «Egemen-aqparat».
Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar