Aımaqtar • 14 Qazan, 2021

Qurylystyń qarqyny qýantady

37 ret kórsetildi

Qaraǵandy oblysynda bıyl jalpy kólemi 662 myń sharshy metr bolatyn turǵyn úı paıdalanýǵa berilmek. Mundaı kórsetkish keıingi 30 jyldyń ishinde bolyp kórmegen eken. «Bul – rekordtyq kórsetkish», deıdi qazirdiń ózinde oblys basshylyǵy senimdi túrde.

Oblystyq sáýlet jáne qala qurylysy basqarmasynyń basshysy Abzal Jaılybaev ótken jylmen salystyrǵanda óńirde turǵyn úı qurylysy 25%-ǵa óskenin aıtady.

– 2021 jyldyń 9 aıynda 400 myń sharshy metr turǵyn úı paıdalanýǵa berildi. Bıyl 662 myń sharshy metrdi paıdalanýǵa berý josparlanǵan, – dep málim­dedi ol.

Qaraǵandylyq qurylysshy­lar jumys barysynda negizinen otandyq ónimderdi paıdalanýǵa basymdyq beredi. Bul óńirdegi eńbek naryǵyn jáne qurylys mate­rıal­dary óndirisin jandan­dyrýǵa septigin tıgizýde. Qazir­diń ózinde qurylys sektorynda 5 myńnan astam adam jumys is­teıdi. Iаǵnı jergilikti óndi­ris­ti damytý oblys ákimdigi­niń bas­ty min­detteriniń biri bolyp otyr.

Jańa turǵyn úıler kóptep sa­lynǵannan keıin, baspana ke­zegine de oń ózgerister ene ba­s­taǵan. Mysaly, jyl saıyn «Nur­ly jer» baǵdarlamasy aıa­sy­n­da halyqtyń áleýmettik osal top­­taryna 2-2,5 myń páter bó­li­­nip keledi. Bul jerde aıta ke­t­e­­tin bir jaıt, jalǵa beriletin jáne ne­sıelik turǵyn úılerdiń bar­­­lyǵy kezekte turǵandardyń taby­­syna baılanysty bóliniske túsedi.

Bir ǵana mysal: kenshiler astanasynyń turǵyny Saıagúl Nııaz­bekova 13 jyl kezekte turyp kelip, bıyl Ońtústik-Shyǵys shaǵyn aýdanyndaǵy jańa úı­lerdiń birinen eki bólme­li pá­terdi satyp alý quqyǵynsyz jalǵa aldy. Qazir ol aıyna kom­mý­naldyq tólemderden basqa bar bolǵany 7 800 teńge ǵana tóleıdi.

– Qýanyshymyzdy aıtyp jetkize almaımyn. Buǵan deıin tórt balammen qala shetindegi barak úlgisindegi úıde turdyq. Sýdy syrttan tasyp ishtik, pesh jaqtyq. Endi jumystan sharshap kelgende, rahat boldy: shúmekten ystyq jáne sýyq sý aǵyp turady, úı jyly. Aıaldama men mektep týra janymyzda. Serýendeýge arnalǵan saıabaq ta úıge tıip tur, – deıdi ol máz-meıram bolyp.

Oblystyq sáýlet jáne qala qurylysy basqarmasynyń basshysy Abzal Jaılybaev aldaǵy ýaqytta 830 myń sharshy metr turǵyn úı salý josparda bar ekenin aıtady. Al jyl aıaǵyna deıin Qaraǵandy ob­lysynda kezekte turǵan 3 myń­ǵa jýyq adam baspanamen qam­tylmaqshy.

Álbette, qurylystyń mun­daı qarqyny qaraǵan­dylyq­tardy qýantady. Degen­men, sanmen birge sapaǵa da mán berýdi umytpaǵan jón. Máse­len, keıingi kezderi salyn­ǵan keıbir kópqabatty úıler­degi kemshilikterge degen turǵyn­dardyń ókpe-renishi barshylyq.

 

Sońǵy jańalyqtar

Atyraýda birqatar sheneýnik jazalandy

Aımaqtar • Búgin, 19:55

Dıllıan Ýaıt qaharyna mindi

Kásipqoı boks • Búgin, 19:10

Alvaresti Andrademen kezdespegeni úshin aıyptady

Kásipqoı boks • Búgin, 18:05

Sıngapýrdyń sońǵy aýyly

Álem • Búgin, 17:55

Ahmet Baıtursynulyna eskertkish ornatylady

Rýhanııat • Búgin, 17:20

Petr Iаn úzdikter qataryna endi

Jekpe-jek • Búgin, 16:05

Uqsas jańalyqtar