Álem • 14 Qazan, 2021

Kýba qazaqstandyq týrısterden PTR talap etpeıdi

77 ret kórsetildi

Bul týraly Kýba Prezıdenti Mıgel Dıas-Kanel Joǵary Eýrazııalyq ekonomıkalyq keńestiń otyrysynda aıtty, dep jazady Egemen.kz.

«Týrızm sektory birlesken qyzmet úshin úlken perspektıvalarǵa ıe. Ony Reseımen júzege asyrylǵan sońǵy tájirıbe rastaıdy. Biz odaqqa múshe elderden kelgen týrıster úshin qolaıly ári tartymdy jaǵdaı jasaýǵa daıynbyz. Ol úshin Kýbany ártúrli arnalar men aımaqaralyq radıo, teledıdar jáne mamandandyrylǵan BAQ platformalary arqyly týrıstik baǵyt retinde jyljytýdy jandandyrý qajet», dedi ol.

Ol atap ótkendeı, 15 qarashadan bastap Kýba halqynyń 90 paıyzdan astamy vaksınasııalanǵan kezde shekara birtindep ashylady.

«Shekara birtindep ashylyp, kelgen jolaýshylarǵa arnalǵan sanıtarlyq-gıgıenalyq hattamalar jeńildetiledi. Jolaýshylardan PTR-synamasy talap etilmeıdi. Vaksınasııa týraly sertıfıkat moıyndalady. Biz Reseı, Belarýs, Qazaqstan, Qyrǵyzstan jáne Armenııadan kelgen qonaqtarymyzdy, aǵa-inilerimizdi qarsy alamyz», dedi Kýba Prezıdenti.

Sońǵy jańalyqtar

Uqsas jańalyqtar