Aımaqtar • 19 Qazan, 2021

Biligin shyńdaǵan isten jańylmas

35 ret kórsetildi

Gaz salasy buqara ómirinde qanshalyqty mańyzǵa ıe bolsa, onymen tikeleı jumys isteýdiń qaýiptiligi men táýekeli de joǵary. Osyny eskergen kompanııa basshylyǵy óz mamandarynyń kásibı biligin shyńdaý maqsatynda «Úzdik maman» baıqaýyn ótkizip keledi. Baıqaýdyń bıylǵy syny da ujym qyzmetkerlerin bir arnada toǵystyryp, ózara tájirıbe almasýǵa taǵy da bir taptyrmas múmkindik týdyrdy.

Bıylǵy baıqaý Túrkistan oblysyna qarasty Saıram aýdany Aqbulaq aýylynyń mańynda ornalasqan oqý-kýrstyq kombınatynyń jańa polıgony alańynda ótti. Epıdemııalyq talaptardy saqtaı otyryp, ashyq aspan astynda ótken biliktiler básekesiniń sońǵy synynda buǵan deıingi ózara irikteýlerden súrinbeı ótken qyzmetkerler baq synady. Atap aıtqanda, fınaldyq baıqaýda 15 konkýrstyq mamandyq boıynsha 92 úmitker synǵa tústi.

Saıysqa qatysýshylar tartysty bá­seke­de tabandylyq tanytyp, óz tá­jirı­belerin kórsetti. Baıqaýdy baǵalaý­shylar alqasy mamandardyń kásibı mashyqqa beıimdiligin, komandalyq ju­mys isteý taktıkasyn, teorııa men táji­rı­beni qatar meńgerýin, jyldamdyq pen tózim­diligin – jarystyń negizgi talaby re­tinde baǵalady.

Baıqaý komıssııasyna tóraǵalyq etken «Intergaz Ortalyq Azııa» AQ Bas dırektorynyń birinshi orynbasary Bahtııar Izbasarov jumysshylardy yntalandyrýǵa arnalǵan «Úzdik maman» baıqaýy jyl saıyn aýqymyn keńeıtip, jas mamandarǵa tájirıbelik turǵydan tolysýǵa sep bolǵanyn atap ótti.

– Dástúrli baıqaý pandemııaǵa baılanysty byltyr ótken joq. Jobany bıyl qaıta jandandyrǵan jaıymyz bar. Bul el aımaqtaryndaǵy mamandardy bir alańǵa jınap biligin shyńdaýǵa jeteleıtin, óz kásibin súıýge yntalandyratyn erekshe bastama. Gazshylar qaýipti nysandarǵa qyzmet kórsetetindikten ár qyzmetkerdiń biliktiligi biz úshin óte mańyzdy. Baıqaý arqyly mamandardyń sheberlik deńgeıi arta túsedi. Al olardyń jumys sapasy tutynýshylarǵa gazdy úzdiksiz tasymaldaýdy qamtamasyz etýge múmkindik beredi. Konkýrs bizge eń myqty mamandarymyzdy jáne soǵan qaraı álsiz tustarymyzdy da saralap berdi. Máselen, Qaraǵandy oqý-kombınatynyń mamandarynyń tehnıkalyq qaýipsizdik boıynsha kóbirek úırenýi qajettigin bil­dik. Endi onda kásipodaq komıteti tara­pynan jattyǵý quraldary alynyp beriledi. Munda jumysshylar jıi jattyǵyp, kelesi baıqaýda úzdik nátı­je kórsetedi dep senemiz. Baıqaý bary­synda qatysýshylardyń yntasy men belsendiligin baıqadym. Olar tá­jirıbede ózderiniń jaqsy daıyn­dyq­ta­ryn kórsetti, – deıdi baıqaý tóraǵasy.

«Elektr gazben dánekerleýshi» «Teh­no­lo­gııalyq kompressorlar mashınısi», «Jelilik qubyr júrgizýshisi», «Gaz taratý stansasynyń operatory» syndy jalpy sany 15 atalym boıynsha órbigen baıqaýda úzdik dep tanylǵandar qomaqty syılyqtarǵa ıe bolyp, ár atalymda úsh júldeger anyqtalyp otyrdy.

Jeńimpazdardy marapattaý rásiminde «Elektr gazben dánekerleýshi» atalymynda kósh basynan kóringen tarazdyq Serik Eshqalovty áńgimege tarttyq. Bul jarysqa alǵash ret qatysqanyn aıtqan Serik alǵan áserimen bólisti. «Halyqqa tikeleı qyzmet etetin bolǵandyqtan bizdiń qyzmetimiz árdaıym minsiz bolýǵa tıis. Kez kelgen tosyn jaıǵa daıyn bolý, óz isimizdi búge-shúgesine deıin bilý basty talap. Kompanııa basshylyǵy osyny únemi nazarymyzǵa salyp otyrady. Osy mekemede jumys istep jat­qanyma úsh jyldan asty. Búgingi baı­qaý­da jıǵan tájirıbemdi sarapqa salyp, elimizdiń túkpir-túkpirinen kelgen árip­testerimmen tanystym. Mundaı jo­ba­lar bizdi qanattandyrady», deıdi úz­dik maman.

Sóz oraıy kelgende, «Úzdik maman» baı­qaýy ótken oqý kýrstyq kom­bı­na­ty­nyń jańa bazasy týraly aı­ryqsha ataı ketken jón. At shaptyrym aýmaqty alyp jatqan nysan ýaqyt talabyna saı jabdyqtalǵan. Polıgon aýmaǵynda avtomatty gaz taratý stansasy, shkaftyq gaz retteý toraby, gaz qudyǵy bar óńir­lik gaz sharýashylyǵynyń alańy, tipti, dá­ne­kerleý beketteri de bar. Bir sózben aıt­qanda, munda naǵyz kásibı mamandardy daıarlaýǵa barlyq qolaıly jaǵdaı jasalǵan. Keń tynysty oqý bólmeleri, tájirıbege qajetti maketter, trenajerlar men qımadaǵy jabdyqtyń tabıǵı úlgileri nysannyń ajaryn ashyp tur. Jyl saıyn 48 laýazym jáne túrli mamandyq boıynsha 10 myń qyzmetker oqytylady dep josparlanǵan.

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar