Aımaqtar • 19 Qazan, 2021

Ortalyqtandyrylǵan jylý júıesine qosyldy

42 ret kórsetildi

Balqash qalasynyń irgesindegi Qońyrat shaǵyn aýdanynyń ejelden kele jatqan ózekti máselesi bar-tyn. Búginge deıin atalǵan eldi mekenniń turǵyndary úılerin eskirgen qazandyqpen jylytyp kelgen edi. Qazandyq qýatynyń jetispeýshiligine baılanysty ár jylytý maýsymynda qońyrattyqtar sýyqtan qatty zardap shegetin.

Endi bul shaǵyn aýdan jylýdy Balqash jylý-elektr stansasynan tikeleı alady. Bul maq­sat­ta bıyl atalǵan JEO-dan uzyn­dyǵy 17 shaqyrym bolatyn jańa jylý magıstrali tartylyp, qazirdiń ózinde áleýmettik nysan­dar men alǵashqy 145 úı orta­lyq­tandyrylǵan jylý jú­ıe­­sine qosyldy.

Jylý magıstraliniń «Ju­mys­pen qamtýdyń jol kartasy» memlekettik baǵdarlamasy bo­ıynsha salynǵanyn aıta ketken jón. Mundaǵy tórt sorǵy stan­sasynda 20-ǵa jýyq jańa ju­mys orny ashylǵan.

Jalpy, jylýmen birge Qo­ńyrat­qa áleýmettik turǵy­da­ǵy basqa da ıgilikterdiń kele bas­ta­ǵany ras. Mysaly, eldi mekende aldaǵy ýaqytta jańa turǵyn úıler salyna bastaıdy. Naqtyraq aıtqanda, 300 pá­terden turatyn alty úı boı kó­termek.

Budan bólek, Qońyratta qazirdiń ózinde «Nurly jer» baǵdarlamasy boıynsha jeke ınvestısııalar esebinen árqaı­sy­sy eki páterden turatyn to­ǵyz úıdiń qurylysy júrip ja­tyr. Sonymen qatar 20 pát­erlik on úıdiń qurylysy da aıaq­­talýǵa taıaý. Jergilikti bılik bul páterlerdiń kezekte turǵan­dar­ǵa jalǵa alý shartymen beri­le­tinin aıtady.

Qońyrat shaǵyn aýdanynyń ortalyqtandyrylǵan jylý jú­ıe­sine qosylýy aýmaqtyń eko­lo­gı­ıasyna da oń áserin aıtar­lyqtaı tıgizedi degen boljam bar. Máselen, buryn jylytý maý­symynda kómir jaǵatyn jerg­i­likti qazandyqtardan qyz­met kórsetý kezinde atmosferaǵa sha­mamen 51 tonna zalaldy shyǵa­ryndylar taraıtyn. Endi jaǵdaı múlde basqasha sıpat alyp, aýa ýly qaldyqtarmen lastanbaıtyn bolady degendi aıta­dy jergilikti bıliktiń jaýapty ókilderi.

Qońyrat eldi mekeniniń qa­byr­­ǵasy 1928 jyly osy mań­nan iri mys kenishi ashyl­ǵan­nan keıin ile-shala qalanǵan. Al 2013 jyly ol Balqash qalasynyń quramyna qosylyp, shaǵyn aýdan retinde atala bastady. Eki jyl burynǵy sanaq málimetine saı munda 2 753 adam turady.

Sońǵy jańalyqtar

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Bek pen Aıdos jattyǵýǵa kiristi

Kásipqoı boks • Keshe

Uqsas jańalyqtar