Bilim • 19 Qazan, 2021

Ashyq sabaq Elbasynyń beıbit bastamalaryna arnaldy

44 ret kórsetildi

Taldyqorǵan qalasyndaǵy Nazarbaev zııatkerlik mektebinde «Jasampaz­dyq pen damý jyldary» taqyrybynda ashyq sabaq ótti. Ashyq sabaq Qazaqstan Respýblıkasy Táýelsizdiginiń 30 jyldyǵyn atap ótý maqsatynda uıym­das­tyryldy.

Sabaq barysynda zııatkerlik mektep oqýshylary Elbasynyń álem­dik arena­daǵy beıbit bastamalaryn talqy­lady. Onyń ishinde Eýrazııa­lyq ekono­mıkalyq odaqty qurýdaǵy Nursultan Nazarbaevtyń tarıhı róli­ne qatysty málimetterge qanyqty. Iаǵnı oqýshylar sabaqta Eýrazııalyq eko­nomıkalyq odaq qurýdyń saıası, eko­no­mıkalyq, tehnologııalyq mańyz­dylyǵyn, sonymen qatar onyń áleý­mettik sıpatyn da taldaı otyryp, zerdeledi. Atap aıtqanda, jas zııat­kerler EAEO qurý maqsaty, odaq ishindegi jetistikter jáne qatysýshylar sanynyń ósý sebepteri týraly kóbirek bildi.

– «Táýelsizdik» sabaǵynan biz kóp­­tegen qajetti aqparat aldyq. Qa­zaq­stannyń eko­nomıkalyq da­­mýy­nyń bolashaǵy týraly su­raq­tardy talqyladyq jáne álem­dik eko­nomı­kadaǵy ulttyq ekonomı­kalardyń bá­sekege qabilettiligin arttyrý úshin ne usyna alatynymyzdy aıttyq. Sony­men qatar qosymsha energııa alýdyń joldary, bilim salasynyń damýy, qoljetimdi medısına, resýrs­tardy oń­taıly paıdalaný máselelerin qoz­ǵadyq, – deıdi 12-synyp oqýshysy Ámir Qýatuly.

Ashyq sabaqta Táýelsizdiktiń tól qur­dasy, Taldyqorǵan qalasyndaǵy Nazar­baev zııatkerlik mektebi fızıka páni­­niń muǵalimi Qaısar Nurbek oqýshy­lar­ǵa memleket pen jeke adam damýyn­daǵy tabysqa jetý formýlasy týraly áńgimelep berdi.

– Tabysqa jetý úshin adam ózin únemi damytyp otyrýy kerek dep oılaımyn. О́ıtkeni progress bir orynda tu­rmaıdy. Buǵan keıingi otyz jyl ishindegi memlekettiń damýy men ósip-óngen tutas býynnyń ómir tarıhy dálel bola alady. Jalpy, qazir adamǵa jańa nárselerdi úırený qajet, onyń ishinde meılinshe kóp til meńgerý zaman talabyna aınaldy. Sonan keıin júrek qalaýyna saı tańdaǵan jumysyńyzǵa kúsh-jigerińizdi aıamaı jumsaý ǵana nátıje beredi, – dedi Q.Nurbek.

Sońǵy jańalyqtar

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Uqsas jańalyqtar