Sport • 19 Qazan, 2021

Bárekeldi, Vıktorııa!

55 ret kórsetildi

Túrkistan qalasynda ústel tennısinen 2008 jyly týǵan jáne odan kishi sportshylar arasynda ótken Qazaqstan chempıonatynda Qaraǵandy oblysynyń namysyn qorǵaǵan Vıktorııa Mochalkına absolıýtti jeńimpaz atandy.

Atap aıtqanda 12 jastaǵy daryndy sportshy qyzdar komandasy sapynda, jekeleı bi­rinshilikte, qyzdar juby jáne aralas jup boıynsha ótken sa­ıystarda jeńiske jetip, tórt birdeı altyn júldege ıe boldy.

Vıktorııa Mochalkına jeti jyldan beri ústel tennısimen aınalysady. Qazirdiń ózinde onyń qol jetkizgen tabysy aı­tarlyqtaı. Mysaly, ol óz jas sanaty boıynsha elimizdiń birneshe dúrkin chempıony atan­ǵan, 21 jasqa deıingiler ara­syndaǵy komandalyq esepte Qazaqstannyń chempıony bolǵan.

Vıktorııa ústel tennısiniń ózine qatty unaıtynyn aıtady.

–  Bul óte qyzyqty sport túri. Adamdy ózine baýrap alady, sonan keıin, reaksııa­ny qatty damytatyn oıyn. О́tken chempıonatqa kelsek, ol maǵan sonshalyqty qıyn bol­ǵan joq. Qarsylastarymnyń barlyǵymen buryn kúsh sy­nasqanmyn. Bul jerde esh qo­baljymaý kerek. Sonda ǵana jeńis seniń jaǵyńda bolady, – deıdi balǵyn chempıon.

Vıktorııa syndy talantty sportshyny ústel tennısinen Ulttyq qurama komandanyń bas bapkeri Elmıra Álıeva jattyqtyrady.

Qazirgi ýaqytta elimizdiń sý jańa chempıony Almaty qala­synda 28 qazan men 3 qarasha aralyǵynda jasóspirimder arasynda ótetin halyqaralyq «Altyn kúz» týrnırine daıyndalyp júr.

Sońǵy jańalyqtar

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Uqsas jańalyqtar