Álem • 19 Qazan, 2021

Sıngapýr týrıster úshin shekarasyn ashty

45 ret kórsetildi

Sıngapýr bıligi seısenbiden bastap Eýropanyń birqatar elinen, sondaı-aq Kanada men AQSh-tan keletin vaksınalanǵan saıahatshylarǵa arnalǵan dálizdi iske qosty, dep habarlaıdy Egemen.kz.

Buǵan deıin kelý kezinde karantındi alyp tastaıtyn jeńildetilgen kirý erejelerin kólik mınıstri S.Isvaran aıtqan bolatyn.

«Bul baǵdarlama Ulybrıtanııa, Danııa, Ispanııa, Italııa, Kanada, Nıderlandy, AQSh jáne Fransııa turǵyndary úshin jaramdy, olar Dúnıejúzilik densaýlyq saqtaý uıymy maquldaǵan vaksınalardyń eki dozasyn alǵandar bolýy kerek, karantınde bolýdan bosatylady, elge kirýge ruqsat beriledi», dedi vedomstvo basshysy.

Bul rette Sıngapýr vaksınasııa týraly sıfrlyq sertıfıkatty ǵana tanıdy. Bılik sonymen qatar 19 qazannan bastap Sıngapýrǵa kirý úshin talap etiletin PTR testileriniń sanyn tórtten ekige deıin qysqartty. Birinshi test shekaradan ótkenge deıin 48 saǵat buryn, al ekinshisi respýblıkaǵa kelgennen keıin birden tapsyrylýy tıis. Sıngapýr bıligi ótken jyldyń naýryz aıynda sheteldikter úshin shekarany tolyǵymen japqan bolatyn.

Keıinnen epıdemıologııalyq jaǵdaıǵa baılanysty jekelegen elder men aýmaqtar úshin shekteýler alynyp tastaldy. Qazir respýblıkaǵa mindetti karantınsiz jáne vaksınasyz kirýge tek materıktik Qytaı, sondaı-aq Gonkong, Makao jáne Taıvan turǵyndaryna ruqsat etilgen.

Sońǵy jańalyqtar

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Bek pen Aıdos jattyǵýǵa kiristi

Kásipqoı boks • Keshe

Uqsas jańalyqtar