Aımaqtar • 20 Qazan, 2021

Iri ınvestorlar ilkimdi is bastaýynda

34 ret kórsetildi

Jaqynda Almaty oblysynyń ákimi Amandyq Batalov óńirde aýqymdy jobalaryn iske asyrýǵa nıetti jáne júzege asyra bastaǵan iri ınves­torlarmen kezdesti.

Kezdesý barysynda aımaq basshy­sy jańbyrlatyp sýarý júıesi qu­ryl­ǵylaryn óndiretin Valley Kusto GB BV kompanııasynyń, jylý oq­shaý­la­ǵysh qurylys materıal­da­ryn shy­ǵa­rýǵa mamandanǵan «Tehno­NIKOL» kom­panııasynyń, usaq mal etin óńdeıtin «Baýmann» nemis kom­pa­nııasynyń Zhetysu Koy JShS ókil­derimen jobany iske asyrý máselesin egjeı-tegjeıli talqylap, isti odan ári ilgeriletýge qa­tysty sala basshylaryna tıisti tapsyrmalar berdi.

Kezdesýge Premer-Mınıstrdiń ke­ńesshisi Gúlbaný Pazylhaırova qa­tysty. Oblys ákimi Amandyq Batalov Jetisý sýly ólke bolǵanymen ylǵal saqtaý tehnologııasynyń sharýashylyq pen óndiriske asa qajet ekenin aıtty. Sondyqtan jobany jan-jaqty qoldaýǵa, memleket tarapynan kórse­tilýge tıis járdemdi jasaýǵa ázir ekendigin bildirdi.

Valley Kusto GB BV kompa­nııa­synyń jobasy jaıly «Valmont Industries» kompanııasynyń TMD el­deri boıynsha bas dırektory Kevın Mısh qysqasha aıtyp berdi. Ol kom­panııanyń Qazaqstanǵa zaýyt salýǵa múddeli ekenin jetkizdi.

– Biz búginge deıin eldegi naryqty jan-jaqty zerttedik. Qazir bizdiń komanda osy zaýyt jobasynyń damý jos­paryn ázirlep jatyr. Zaýytty qaı ındýstrıaldy aımaqqa ornalastyr­ǵan tıimdi bolatyny ázirge qarastyry­lý­da. Jaqyn arada bir sheshimge kelemiz dep oılaımyn. Memleket tarapynan qarjylyq, lısenzııalyq máseleler­di sheshý jaǵynan qoldaý kórsetilip otyr, – dep atap ótken K.Mısh oblys basshysynyń jyly qabyldaýy men qoldaýyna nıetine rızashylyǵyn jetkizdi. Sol sııaqty kompanııa óz ma­man­darynyń biliktiligi joǵary bol­ǵanyn qalaıtyndyqtan, jergilikti azamattardy oqytyp, úıretip, jumysqa qabyldaıtyn bolady.

О́z kezeginde óńir basshysy Almaty oblysynyń ereksheligine toqta­lyp, res­pýblıka kólemindegi aýyl sharýa­shylyǵy óndirisiniń 18-20 paıyzy Jetisý óńirine tıesili ekenin aıtty. Irrıgasııalyq jeliler bul óńirde 17 myń shaqyrymǵa sozylyp jatqanyn tilge tıek etti.

– Máselen, qant qyzylshasy bıyl 16 myń ga jerge sebilse, aldaǵy ýaqyt­ta Prezıdenttiń tapsyrmasymen ony 52 myń gektarǵa jetkizip, 2 mln tonna qant qyzylshasyn óndirý mejelenip otyr. Osy jáne basqa da daqyldardy ósirýde sý qoryn únemdi paıdalanyp, jańa tehnologııalardy engizýimiz kerek. Sonda sý únemdep qana qoımaı, ónimdilik kólemin 3-4 ese kótere alamyz, – dedi oblys ákimi.

Sol sııaqty óńirdiń Qytaımen shek­tesip jatqany da logıstıkalyq ja­ǵynan mol múmkindik beretinin eske saldy. Jáne zaýytqa qajetti bar­lyq gaz, sý, elektr, jol sekildi ınfra­qurylymdardy nysanǵa deıin oblys tartyp beretinin aıtty. Sonymen jaqyn arada qos tarap jobany jan-jaqty talqylap, egjeı-tegjeıin naqtylaýǵa kirispek.

Munan keıin oblys basshysy re­seı­lik «TehnoNIKOL» kompanııa­synyń ókilderimen birneshe máseleni talqylady. «TehnoNIKOL-Orta­lyq Azııa» JShS bas dırekory Nııaz Sýleımanov jobany iske asyrý ba­rysyndaǵy sheshimin kútken máseleler jaıly baıandady. Jylý oqshaýlaıtyn qurylys materıaldaryn óndiretin zaýyt jobasyna 43 mlrd teńge ınvestısııa salynyp otyr, munda 200 jumys orny qurylady. Talǵar aýda­nyndaǵy «Qaırat» ındýstrıaldy aıma­ǵynda ornalasatyn jobanyń iske asy­rylýy barysynda ınvestor «Jetisý» ÁKK-men tyǵyz baılanys ornatý tilegin jetkizdi. Memlekettik sarap­­tamadan ótkizý merziminiń jyldam júrýi de jo­bany iske asyrýda mańyzdy. Son­dyq­tan oǵan da mán berilmek. О́ner­kásip gaz kólemin kóp tuty­natyn­dyqtan, gaz aýqymyn mol alýǵa, elektr jeli­sine ruqsat qaǵazdaryn retteýge de jer­gilikti ákimdiktiń qoldaýy qajet.

О́z kezeginde oblys ákimi A.Batalov zaýyttyń aınalasyn abattandyrý, kógal­dandyrý isin nazardan tys qal­dyrmaý kerektigin aıtty. Sonymen qa­tar oblys ákiminiń birinshi orynbasary L.Turlashovqa aldaǵy aptada sý, gaz, elektr, baılanys, temir jol sııaqty ma­ńyzdy salalardaǵy monopolısterdi jınap jıyn ótkizýdi jáne olardy «bir tereze» qaǵıdaty boıynsha ınves­tordyń barlyq máselelerin sheship berýge jumyldyrýdy tapsyrdy.

Kelesi kezekte oblys ákimimen kezdesýge «Baýmann» kompanııasynyń Zhetysu Koy jobasyna qatysty ınves­torlar keldi. Prezıdent Qasym-Jomart Toqaevtyń tapsyrmasymen jo­bany iske asyrýǵa barlyq múm­kin­dik jasalýda. Zaýyttyń ornalasatyn je­rine qatysty týyndaǵan keıbir máse­leler osy arada birden sheshimin tapty. Ile aýdany aýmaǵynda ornalasatyn, usaq mal etin óńdeıtin, jańa tehnologııamen jumys isteıtin bul teńdessiz kásiporynnyń oblys, tipti el ekonomıkasy úshin mańyzy erekshe bolmaq.

Sol sııaqty Eskeldi aýdanynan «Dúı­­senbınov» jáne «Nam» sharýa qo­­ja­­­lyqtarynyń jetekshileri Aıdyn Dúı­senbınov pen Nıkolaı Ger­man eki joba usynyp, memleket tara­py­nan qoldaý bolsa, biri 200 bas­qa ar­nalǵan iri taýarly sút fer­ma­syn, ekin­shisi maýsymaralyq mer­zimde kó­kó­nisterdi saqtaıtyn jańa teh­nolo­gııany qoldana otyryp, qoıma ashýǵa nıetti ekenderin aıtty. Bul iste olar «Jetisý» áleýmettik kásipkerlik kor­porasııasynyń qoldaýyna júgin­bek.

Osy jıynda A.Batalov 2014 jyly oblysta sút óndirý nebary 14-15 pa­ıyz shamasynda bolǵanyn, qazir osyndaı sharýashylyqtardy qoldaý arqyly onyń kólemi 30 paıyzǵa jetkenin atap ótti. Maýsymaralyq kezeńde kókónis baǵasyn yryqtandyrýǵa jáne ónim tapshylyǵyn boldyrmaýǵa yqpal ete­tin zamanaýı qoıma salý isi de qoldaýǵa turarlyq ekenin jetkizdi. Panfılov aýdanynda júgerige arnap eki qyrman salyp, ónimniń tóbesi jabyq orynda saqtalýyna múmkindik jasalǵany qazir sharýashylyqqa óziniń oń áserin tıgizgenin eske saldy.

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar