Aımaqtar • 20 Qazan, 2021

Tekeliniń granıti: tas ta tabys kózi

58 ret kórsetildi

О́tken 8 aı ishinde Almaty oblysyndaǵy óndiristiń tabysy edáýir artqan eken.

Iаǵnı óńirdegi qysqa merzimdi ekonomıkalyq ındıkator 110,4 paıyzǵa jetip otyr. Al aımaq ekonomıkasyna 370 mlrd teńge ınvestısııa tartylyp, ósim 2,3 paıyzdy qurady. Sonyń ishinde óńdeý sektoryna quıylǵan qarjy kólemi 40,5 mlrd teńge shamasynda bolyp, kórsetkish 124,5 paıyzdan asqan. Munan bólek oblys ekonomıkasynyń qozǵaýshy kúshi bolyp sanalatyn ónerkásip ósiminiń kólemi 13,8 paıyzǵa, aýyl sharýashylyǵyndaǵy ósim 1,1 paıyzǵa, saýda-sattyqtan túsken tabys 20 paıyzǵa jáne qurylys salasyndaǵy ósim 16,6 paıyzǵa artqan kórinedi.

Árıne, óńir ekonomıkasynyń bulaısha qarqyndy damýyna aımaqtaǵy irili-usaqty óndiristiń irkilissiz jumys isteýi múmkin­dik berip otyrǵany anyq. Máselen, Tekeli qala­synyń ózinde bul baǵytta eleýli is atqa­rylýda. Qazir shaǵyn qala 1 411 kásiporyn jumys istep, ónerkásip oryndary men sha­rýa qojalyqtarynda shaǵyn jáne orta bız­neste 4 myńdaı adam eńbek etedi eken. Sol irgeli kásiporyndar qatarynda «Tekeli granıt» kompanııasy da bar. Bul nysannyń otandyq naryqta júrgenine 15 jyldan asty. Tabıǵı tastardy óńdeýge, granıt pen mármárdan buıymdar jasaýǵa mamandanǵan kásiporyn qurylys materıaldaryn óndirý isine de eleýli úles qosyp keledi. «Tekeli Granıt» JShS zamanaýı tehnologııamen ekologııalyq talaptarǵa saı jumys isteıdi. Munda qoldanylatyn ıtalııalyq qural-jab­dyqtar men materıaldar ónim sapasynyń halyqaralyq standarttarǵa saı bolýyna múmkindik beredi.

Búginde ónerkásip alańynda ónimniń 35 túri shyǵarylady. Atap aıtqanda, modýldi jáne jyltyratylǵan plıtkalar, brýschatkanyń birneshe túri, jol jıektastary, baspaldaqtar, túrli sáýlettik pishinder, sonyń ishinde sýburqaqtar jáne basqa da kóptegen buıym bar. Zaýyttyń qýaty 24 myń sharshy metr granıt buıymdaryn, 20 myń sharshy metr jol jıektasyn, 40 myń sharshy metr jıektas óndirýge qaýqarly. Al «Tekeli granıt» óndiretin ónimder aımaqta ǵana emes, tutas elimizde úlken suranysqa ıe.

– Biz aı saıyn 2500 sharshy modýldik plıta shyǵara alamyz. Túrli tústegi jáne túrli kólemdegi ónimderdi óndirýge qajetti shıkizatty Qapal-Arasan, Kúrti, Qordaı, Jeltaý aımaqtarynan jetkizemiz. Biz úshin eń mańyzdysy – ónimderimizdiń sapasy. Son­dyqtan bastapqy materıalǵa erekshe mán beremiz. Bizdiń granıttik jyltyratylǵan buıymdarymyz oblys ortalyǵyndaǵy orta­­­lyq alańdy abattandyrý kezinde, Alma­ty qalasynyń 2 jol aıyryǵynyń qu­­ry­­­­­lysynda, astanadaǵy Sýly-jasyl býl­­­­vardy abattandyrý barysynda qol­da­­nyl­dy. О́ndiris prosesinde birinshi kezek­­te tuty­nýshylardyń suranysyn qanaǵattan­dyra­myz, daıyndalatyn ónimniń túsi men for­masy soǵan baıla­nysty. Zamanaýı jáne eko­lo­gııalyq talaptarǵa sáıkes bolýy bizdiń ónim­derimizdiń básekege qabilettiligin arttyryp, odan ári damýymyzǵa múmkindik beredi, – deıdi «Tekeli granıt» JShS Vladımır Strelsov.

Búginde kásiporynda 40 adam eńbek etedi. Olardyń ortasha aılyq jalaqysy 150 myń teńge shamasynda. Mundaǵy qyzmetkerler koronavırýs ınfeksııasyna qarsy ekpeni alǵashqylardyń biri bolyp salǵyzǵan. Bul óz qaýipsizdigimiz úshin qajet deıdi olar. Aldaǵy josparlary týraly aıta kele kásiporyn basshysy:

– Jańa tehnologııalardyń kómegimen óndiris kólemin arttyryp, naryqtaǵy ornymyzdy nyqtaı tússek deımiz. Qalanyń óndiristik sektoryn damytý úshin jas mamandardy tartýǵa nıettimiz. Memleket jasaǵan jaǵdaı arqyly kásipkerler óz isin ashyp, qalaǵan salada bıznesin júrgizýge múmkindigi bar. Bul tabysyńdy arttyrýǵa ǵana emes, kásibı jaǵynan ósýge, óz-ózińdi jetildirýge yqpal etedi. Bul el táýelsizdiginiń eń úlken jetistikteriniń biri dep esepteımin, – deıdi V.Strelsov.

Sońǵy jańalyqtar

Amanatqa adaldyq

Ádebıet • Keshe

Jantórın jańalyǵy

Kıno • Keshe

Azattyq úshin arpalysqan

Tarıh • Keshe

Dıllıan Ýaıt qaharyna mindi

Kásipqoı boks • Keshe

Uqsas jańalyqtar