Aımaqtar • 20 Qazan, 2021

«Batagóı» baıqaýy ótti

53 ret kórsetildi

Almaty oblysynyń tilderdi damytý jónindegi basqarmasy aımaqtaǵy ardagerler keńesimen birlese bata berý dástúrin dáripteý, batanyń tárbıelik mánin nasıhattaý, ataly sózden ǵıbrat alýǵa tárbıeleý maqsatynda oblystyq «Batagóı» baıqaýyn uıymdastyrýdy dástúrge aınaldyrǵan bolatyn.

Jýyrda Til saraıynda bıylǵy baıqaýdyń jeńim­paz­daryn marapattaý saltanaty boldy. Jıynda bas­qarma basshysy Bolat Kerimbek marapatqa ıe bolǵan batagóı qarııa­lardy quttyqtady.

– Ǵasyrlar boıy aýyzdan aýyzǵa tarap, kóshpeli ómirdiń kelbetine aınalǵan, qazaq salt-dástúriniń ishinde áli kúnge deıin qoldanysqa ıe bolyp, eskirmeı kele jatqan salttyń biri – bata berý. Bata berý dástúri – tárbıeniń bastaýy. Sebebi qazaq qandaı da bir isti bastamas buryn úlkenderdiń alǵysy men batasyn alǵan, jaqsy sózdi jarym yrys, jan azyǵy dep baǵalap sheshen adamǵa sóz, kósem adamǵa el bastatqan halyq. Batagóı qarııalar el arasyndaǵy jaqsy iske rýhanı demeý bolyp, bir aýyz sózben toqtam aıtyp, halyqqa baǵyt-baǵdar berip, tárbıelep otyrǵany anyq, – dedi basqarma basshysy.

Saltanatty is-sharada sóz kezegin alǵan oblystyq ardagerler keńe­siniń tóraǵasy E. Kelimseıit «ataly sóz – bataly sóz» dep, bir aýyz sózge toqtaǵan halyqtyń bata berý ádebi jóninde aıtty. Al Taldyqorǵan qala­lyq ardagerler keńesiniń tór­aǵasy A.Kerimbekov erteden kele jatqan ulttyq dástúrimizdiń biri – batanyń túrlerine toqtaldy.

Jalpy, onlaın baıqaý el ara­synda keń taralǵan jáne úmit­kerlerdiń ózderi jazǵan batalary boıynsha eki baǵytta ótti. Baıqaý­dyń birinshi kezeńi boıyn­sha aýdandar men qalalardan irikteýden ótip, úzdik dep tanylǵan qatysýshylar ekinshi kezeńge – oblystyq synǵa joldama aldy. Baıqaýǵa barlyǵy 174 úmitker usynys bildirse, 37 úmit­­kerdiń beınerolıkteri oblys­tyq kezeńge ótti. Al «Bata­góı» ob­lys­tyq baıqaýyna qatysýshy­lar­dyń eń jasy 37 jasta bolsa, eń úl­ken batagóı 85 jastaǵy qarııa eken.

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar