Bas júlde ekeý boldy

El Táýelsizdiginiń 30 jyldyǵyna arnalǵan óner baıqaýynda túrli janr­daǵy úzdik qoıylymdaryn usynǵan 15 teatr baq synaǵan bolatyn.

Uıymdastyrýshylar Arqa tósinde alǵash ótken bul óner baıqaýynda eki birdeı bas júldeni taǵaıyndady. Sony­men, Áshirbek Syǵaı atyndaǵy birinshi Gran-prı júldesin Ilııas Jansúgirovtiń «Qulager» poemasy boıynsha qoıyl­ǵan spektaklmen kórermenniń jáne qazyl­ardyń yqylasyna bólengen Ǵabıt Músirepov atyndaǵy Qazaq memleket­tik akademııalyq balalar men jasóspirim­der teatry jeńip aldy.

Al ekinshi Bas júlde – Táýelsizdik­tiń 30 jyldyǵy atyndaǵy Gran-prı syı­lyǵy Sáken Seıfýllın atyndaǵy Qaraǵandy oblystyq akademııalyq qa­zaq drama teatryna buıyrdy. О́ner ujymy bul baıqaýda Laslo Dıýrkonyń «Elektra» tragedııasyn kórermenniń nazaryna, qazy­lardyń talqysyna usynǵan bolatyn.

Birinshi júldege «Romeo men Djýlet­ta» qoıylymy úshin Almatydaǵy Mem­lek­ettik qýyrshaq teatry laıyqty dep ta­nyldy. Jumat Shanın atyndaǵy Shym­kent qalalyq teatry QoraZ tragıkomedııasy úshin ekinshi júldeni jeńip alsa, úshinshi oryn «Ǵajaıyp tragedııasy» psı­hologııalyq dramasyn sahnalaǵan Semeı qalalyq «Darıǵa-aı!» jastar teat­ryna berildi.

Festıvaldiń «Úzdik rejısseri» ata­ǵyn «Naızaǵaı» spektaklin sátti shy­ǵarǵan Dına Jumabaeva jeńip aldy. Al osy spektakldegi Tıhon róli úshin «Úz­dik er adam beınesi» syılyǵy N.Jan­tórın atyndaǵy Mańǵystaý oblystyq mýzykalyq drama teatrynyń ártisi Abzal Rátbekke berildi.

Úzdik áıel róline beriletin syılyqqa S.Seıfýllın atyndaǵy Qaraǵandy ob­lys­tyq akademııalyq qazaq drama teatry­nyń ókili Amıra Omarova laıyqty dep tanyldy. Aktrısaǵa bul syılyq «Elektra» tragedııasyndaǵy Elektra ró­lin sátti somdaǵany úshin berildi.

Bıken Rımova atyndaǵy Taldyqorǵan oblystyq teatrynyń «Qorǵansyzdyń kúni» spektakli «Úzdik ssenografııa» júl­desin alsa, «Úzdik akterlik ansambl» syılyǵy «Na vstrechý k mechte» spektakli úshin K.Stanıslavskıı atyndaǵy Qara­ǵandy oblystyq orys drama teatryna buıyrdy.

Festıvalde Kókshetaý orys teatry­nyń akteri Maksım Mıheev «Ekinshi plandaǵy úzdik akter» atansa, «Ekin­shi plandaǵy úzdik aktrısa» júldesin Á.Mám­betov atyndaǵy memlekettik ­dra­ma jáne komedııa teatrynyń aktrısa­sy Ajar Shákirjanova ıemdendi.

Sondaı-aq J.Aımaýytov atyndaǵy Pavlodar oblystyq qazaq mýzykalyq drama teatrynyń aktrısasy Erkejan Tóleýbekke «Úzdik epızodtyq ról» syı­lyǵy, al erler arasyndaǵy dál osyndaı júlde I.Omarov atyndaǵy Qostanaı oblystyq qazaq drama teatrynyń akteri Oljas Bekaıdarovqa tabys etildi. Budan bólek, J.Shanın atyndaǵy Shymkent qalalyq teatryna Áshirbek Syǵaıdyń bir top shákirtteri atynan taǵaıyndalǵan júlde berildi.

Arqa tósinde alty kúnge sozylǵan fes­tıvaldiń jabylý keshinde Qaraǵandy oblysy ákiminiń mádenıet máseleleri jónindegi keńesshisi Rymbala Omarbekova baıqaýǵa qatysqan teatr ujymdarynyń barlyǵyna óńir basshysy atynan «Alǵys hattar» men estelik syılyqtar tabys etti.