Aımaqtar • 20 Qazan, 2021

«Demeý» jobasy aýyldy demeıdi

83 ret kórsetildi

ÚEU men bastamashyl toptarǵa arnalǵan 60 shaǵyn grantty berý boıynsha konkýrstyń sarapshylar komıssııasy aýyldarda zańgerlerdiń, terapevterdiń jáne psıhologterdiń konsýltasııasyn ótkizýde jeńimpazdardy anyqtady.

«Demeý» áleýmettik jobasy den­saýlyq saqtaý, quqyqtyq jáne psı­holo­gııalyq kómek salasynda ha­lyq­­ty qoldaýǵa baǵyttalǵan. Ony júze­ge asyrý barysynda psıhologterden, dáriger-terapevterden jáne zańger­lerden turatyn 60 bas­ta­mashyl top aýyl turǵyndaryn mem­lekettik baǵ­dar­lamalar jó­nind­e aq­pa­rat­tan­dy­ryp, árbiri úsh nemese odan da kóp aýyl­darda 300 konsýltasııa ótki­zedi. Azamattyq bastamalar­dy qol­daý or­ta­ly­ǵynyń mem­l­e­kettik granttyq qarjy­lan­dyrý jónindegi Joba­lyq keń­se­siniń dırektory Jasulan Bısem­baev­tyń aıtýyn­sha, bul rette eń aldymen, ÚEU-nyń áleýetin memle­kettik baǵ­darlamalardy aýyl­dyq­tar­ǵa túsinikti tilde jet­kizý naýqanyna tartýǵa basa na­zar aýdary­lyp otyr. Ol sonymen birge aýyl-aı­maq­­tarda kásipkerlikti damytýǵa ser­pin beretin bolady.

«Bul – óte mańyzdy joba. Mem­leket basshysynyń Qazaqs­tan halqyna sońǵy Jol­daýyn­da qoıǵan mindet­ter­men úılesedi. Jobanyń ıdeıasy nede? Mem­le­ket eń birinshi kezekte ha­­lyq­ty áleýmettik turǵyda qol­daý­ǵa mindettelgen ártúrli mem­­lekettik baǵdarlamalardy iske asyryp jatyr. Alaıda is júzinde halyq, ókinishke qa­raı, belgili bir memlekettik baǵ­darlamaǵa qatysa alarlyq múmkindikteri týraly bilmeıdi. Kóp jaǵdaıda baǵdarlamalar «bıýrokratııalyq», iskerlik tilde ja­zylatyndyqtan kóp adam túsine bermeıdi. Sol sebep­ti kommýnıkasııany jaq­sar­­týda, uǵymdyq aqpa­rat­ty kó­terýde úkimettik emes sek­tor­dyń áleýetin tartýdyń úlken múmkindigi baryna kóz jet­kiz­dik. Sebebi ÚEU – dál sol adamdar men qoǵamdyq uıymdar, biraq olar belsendirek, azamattar belgili bir memlekettik baǵ­dar­lamanyń áleýetin túsi­nik­ti tilde túsin­di­rip bere alady. Sebebi memlekettik baǵ­dar­lamalardyń orasan kóp bóligi aýyl sharýashylyǵyn damytýǵa, agrosektordy qol­daý­ǵa, sýbsıdııa alýǵa, aýyl­da ártúrli jobalardy qosymsha qar­jylandyrýǵa baǵyttalǵan. «Demeý» aýyldaǵy kásipkerlik bastamalardyń tıimdi ári ońdy ósimine aınalar degen senim­de­miz», deıdi J.Bısembaev.

Sonymen qatar, Azamattyq bas­ta­ma­lar­dy qoldaý orta­ly­ǵy­nyń memle­ket­tik granttyq qar­jy­landyrý jónindegi Jobalyq keńse dırektorynyń aıtýynsha, «Demeý» jobasy densaýlyq deń­ge­ıine jáne aýyl halqynyń jal­py psı­ho­lo­gııalyq kórset­kish­terine oń áser etýi múmkin.

«Jobanyń ekinshi kom­po­nen­ti medısınamen baılanysty. Koronavırýs ınfeksııasy taraǵan qazirgi kúrdeli kezeńde adamdar qorǵaný, vaksınalaý, shekteý sharalaryna baılanysty máseleler bóliginde qa­jet­ti konsýltasııa­lardy alý arqyly óz-ózderin qaýipten qor­ǵaı alady. Bul konsýltasııalar halyq­tyń densaýlyǵyna oń áser etedi. Taǵy bir mańyzdy baǵyttardyń biri – psı­ho­logııalyq den­saý­lyq. Búgingi tańda memleket te, úkimettik emes sek­tor da halyq­tyń psıhologııalyq den­saý­ly­ǵyna kóbirek nazar aýda­ra­dy. Bul – teh­nologııalyq ja­handyq damýda óte mańyzdy sát. Áńgimeniń bári áleý­met­tik jelilerde aıtylady, offlaın kommýnıkasııa azaıyp ketti, munyń arty jaqsylyqqa aparmaýy múmkin. Sýısıdtiń, atap aıtqanda, bala­lar­dyń óz-ózine qol jumsaýynyń eldegi qylmystyń jıileýi de sodan. Munyń bári psıhologııa máselelerimen baı­l­a­nysty tulǵaaralyq qaty­nas­tar­ǵa baılanysty. Bul joba óziniń oń áserin tıgizedi dep úmittenemiz», deıdi ol.

«Demeý» jobasymen az qam­tyl­ǵan azamat­tar­ǵa ma­te­rıaldyq jáne gýma­­­­nı­­tar­lyq kómek kór­se­tý úshin ká­sip­­ker­lerdi, qaıy­rymdylyq qor­la­ryn tartý kóz­deledi. Joba 2021 jyl­dyń sońyna deıin júzege asyrylady. J.Bısembaevtyń aıtýynsha, tabysty nátı­jelerge qol jetken jaǵdaıda jobany jalǵastyrýǵa múmkindik bar.

«Bul jobamen elimizdiń barlyq óńirin qamtımyz. Kem degende 180 eldi­meken qam­ty­la­dy. «Demeý» iske asy­rý­dyń belgili bir nysany bolady. Eger sátti bolsa, ony júzege asy­rýdy ABQO qyzmeti sheń­be­rinde jalǵastyrýǵa nemese óńirlik deńgeılerde iske asyrýǵa usy­nýǵa bolady. Bul jobany qoldaýǵa múd­de­li basqa da uıymdar bolýy múm­kin», dedi memlekettik granttyq qar­jy­lan­dyrý jónindegi Jobalyq keń­seniń dırektory.

Sońǵy jańalyqtar

Mektep oqýshysy mert boldy

Aımaqtar • Búgin, 13:16

Hattonnyń uly Attılany atynan túsirdi

Kásipqoı boks • Búgin, 10:35

Jekpe-jeksiz ótken alǵashqy jyl

Kásipqoı boks • Búgin, 09:08

«Dınamodan» jeńildi

Hokkeı • Búgin, 07:34

Kreatıvti kitap dúkeni

Aımaqtar • Búgin, 07:33

Janbota jarap tur

Sport • Búgin, 07:27

Aqyn tutynǵan kese

Tarıh • Búgin, 07:24

Jekpe-jek keıinge shegerildi

Boks • Búgin, 07:22

Bes belestiń bıigin baǵyndyrǵan...

Qoǵam • Búgin, 00:44

Uly Jambyl murasy ulyqtaldy

Rýhanııat • Búgin, 00:33

Uqsas jańalyqtar