Álem • 21 Qazan, 2021

Basqa basylymdarǵa sholý

25 ret kórsetildi

Facebook ataýyn ózgertýi múmkin

Facebook kelesi aptada kompanııa ataýyn ózgertýdi jos­parlap otyrǵany belgili boldy. Bul týraly The Verge osyǵan tikeleı qatysy bar derekkózge silteme jasaı otyryp málimdedi.

Bas dırektor Mark Sýkerberg bul jańalyqty 28 qazanda, kompanııasynyń jyl saıynǵy Connect konferensııasynda aıtýy múmkin. Bul ózgeris tehnologııalyq alyptyń tek áleýmettik jeliler men oǵan baılanysty týyndaǵan máseleler arqyly tanymal bolǵysy kelmeıtinin bildiredi.

Rebrendıng jospary boıynsha kók tústi Facebook qosymshasyn kompanııa basqaratyn Instagram, WhatsApp, Oculus sekildi ózge de ónimderdiń biri dep kórsetýi múmkin. Alaıda Facebook ókili bul týraly suraqqa jaýap berýden bas tartqan.

Facebook-te qazirdiń ózinde AR kózildirigi sııaq­ty tutyný­shylyq jabdyqty jasaıtyn 10 myńnan asa qyzmetker jumys isteıdi. Sýkerbergtiń pikirinshe, bul kózildirikter smartfondar sııaqty tanymal bolmaq.

Shilde aıynda ol The Verge-ge kelesi birneshe jyl ishinde «adamdardyń bizdi meta kompanııa retinde kóre bastaýyna jumys isteımiz» degen-di.

Facebook kompanııa baǵyty men maqsatynyń keńeıýine baılanysty óziniń ataýyn ózgertetin alǵashqy tanymal tehnologııalyq kompanııa emes.

 

Nıý-Iorkte Belarýstiń Bas konsýldyǵy jabyldy

Belarýstiń Nıý-Iorktegi Bas konsýldyǵy premer-mınıstr Roman Golov­chenko qol qoıǵan res­pýblıka Mınıstrler Keńesiniń Qaýlysyna sáıkes jabyldy.

Tıisti qujat sársenbide Ulttyq quqyqtyq ınternet-portalda jarııalanǵan. Qujatta «Belarýs Respýblıkasynyń Nıý-Iork qalasyndaǵy (Amerıka Qurama Shtattary) Bas konsýldyǵy 2021 jylǵy 20 qazanǵa deıin jabylsyn», delingen.

Bas konsýldyq buǵan deıin 21 qazanda amerıkalyq taraptyń ótinishi boıynsha jumysyn toqtatatynyn habarlaǵan. Bas konsýldyqtyń konsýldyq okrýginiń aýmaǵynda turatyn Belarýs azamattary, Kanadany qosa alǵanda, dıplomatııalyq mekeme jabylǵannan keıin respýblıkanyń AQSh-taǵy elshiligine júgine alady.

Mınskige qarsy AQSh sanksııalarynyń qaıta bastalǵanyna oraı Belarýs syrtqy ister mı­nıstrligi AQSh-qa 1 qyrkúıekke deıin Mınskidegi elshiligin bes adamǵa deıin qysqartýdy usyndy. Sondaı-aq Belarýs taraby Djýlı Fısherdi AQSh-tyń Belarýstegi elshisi etip taǵaıyndaýǵa buryn berilgen kelisimdi keri qaıtaryp aldy.

 

Glazgodaǵy klımat týraly jıynǵa barmaıtyn boldy

Kreml sársenbide Reseı prezıdenti Vla­dımır Pýtınniń Glazgo­daǵy COP26 klımat sammıtine qatys­paıtynyn habarlaǵan.

Jıynǵa qatyspaýynyń sebebi naqty kórsetilmegenimen, Kreml ókili klımattyń ózgerýi Reseı úshin mańyzdy másele ekenin atap ótti.

COP26 sammıti 31 qazannan 12 qarashaǵa deıin Shotlandııanyń eń iri qalasynda ótedi.

Reseı basshysynyń atalǵan sammıtke barmaýy kóshbasshylardyń jahandyq temperatýranyń kóterilýin toqtatý úshin jańa kelisimge kelýine baǵyttalǵan sheshim qabyldaýda qıyndyqtar týǵyzǵany aıtylýda.

«О́kinishke qaraı, Pýtın Glazgoǵa ushpaıdy»,  degen Kremldiń ókili Dmıtrıı Peskov jýrnalıs­terge klımattyń ózgerýi Reseıdiń syrtqy saıasaty­nyń mańyzdy basymdyqtarynyń biri dep atap ótken.

Vladımır Pýtın resmı málimdemege túsinik­teme bermedi. Alaıda ol 13 qazanda Máskeýde ótken Halyqaralyq energetıkalyq forýmda sóılegen sózinde koronavırýs pandemııasy Reseı basshysynyń sapar týraly sheshimine áser etkenin málimdedi.

Sońǵy jańalyqtar

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Uqsas jańalyqtar