Aımaqtar • 21 Qazan, 2021

Taǵy bir sport nysanynyń tusaýy kesildi

30 ret kórsetildi

Tarıhı Taraz qalasynyń sáýlettik kelbetin arttyrý maqsatynda «Tarazǵa tartý» jobasy qolǵa alynǵan bolatyn. Atalǵan joba aıasynda oblys ortalyǵynda gımnastıka jáne ústel tennısi sport kesheni paıdalanýǵa berildi. Jambyl oblysynyń ákimi Berdibek Saparbaev tarazdyqtardy keshenniń ashylýymen quttyqtap, Memleket basshysynyń Joldaýyn iske asyrý sheńberinde óńirde buqaralyq sportty damytý maqsatynda aýqymdy sharalar atqarylyp jatqanyn aıtty.

«Árbir memleketti, ultty álemge tanytatyn, abyroıyn arttyratyn birden-bir dúnıe – sport. Táýelsizdik jyldary Qazaqstannan talaı Olımpıada, Álem, Azııa chempıondary shyq­ty. Memleket basshysynyń tap­syrmasyna sáıkes, óńirde buqa­ralyq sportpen júıeli túr­de shuǵyldanatyndardyń kór­setkishi artyp keledi. Búginde olardyń sany 400 myńǵa jýyq­tap, 34,4 paıyzdy qurasa, biz bul kórsetkishti 40 paıyzǵa jetkizýdi kózdep otyrmyz. Jastarymyz sportpen aınalysyp, jat ádetterden aýlaq bolýy tıis. Ol úshin jergilikti bılik jaǵdaı jasaý qajet. Jyl saıyn jańadan sport keshenderi boı kóterip, halyq ıgiligine berilýde. О́tken jyly 14 dene shynyqtyrý-saýyqtyrý kesheni jáne 92 sport alańy qoldanysqa berildi. Oblysymyzda alǵash ret ashylyp otyrǵan gımnas­tıka jáne ústel tennısi sport keshenin salyp bergen jeke ınvestor «TarazStroı2004» JShS basshysy Meıirbek Júnisovke alǵysymyzdy bil­di­remiz. Mundaı zamanaýı nysanda jattyqqan balalar erteń chempıon atanatynyna senemdimiz», dedi B.Saparbaev. Al, ústel tennısiniń ardageri Anatolıı Goncharov búginde elimizde sporttyń bul túri jaqsy qolǵa alynyp, damyp kele jatqanyn aıta kelip, jańa ǵımarattyń jabdyqtalýyn joǵa­ry baǵalady. «Ústel tennısi – bul álemdegi eń tanymal jáne 850 mln-nan astam jankúıeri bar olımpıadalyq sport túri. Oblysymyzda áýesqoı deńgeıde ústel tennısimen  9 734 sportshy, kásibı deńgeıde 640 sportshy jáne 21 jattyqtyrýshy aınalysady. Búgingi ashylyp otyrǵan keshen sportshylardyń kásibı ósýine jáne shuǵyldanýshylar kontıngentin arttyrýǵa jaǵdaı jasaıdy dep senemiz», dedi ol. Sonymen qatar akrobatıka jáne batýttaǵy gımnastıkadan sport ardageri Olga Nazarova keń ári joǵary deńgeıde jabdyqtalǵan zal gımnastıkany tıisti deńgeıde damytýǵa jáne balalardy dene shynyqtyrý men sportqa jappaı tartýǵa múmkindik beretinin jetkizdi.

Aıta keteıik, munda oqý-jat­tyǵý sabaqtaryn, sheber­lik sy­nyptaryn ótkizý úshin kásibı sportshylar men jattyq­ty­rý­shylardy tartý josparlanýda. Al syıymdylyǵy 600 adamdy quraıtyn keshen eki úlken sport zaldan turady. Jalpy quny 1,5 mlrd teńge bolatyn joba qu­ry­lysy bıyl naýryz aıynda bas­talyp, búginde tolyǵymen aıaqtalǵan.

Sońǵy jańalyqtar

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Bek pen Aıdos jattyǵýǵa kiristi

Kásipqoı boks • Keshe

Uqsas jańalyqtar