Medısına • 25 Qazan, 2021

Saqtanǵan saý qalady

49 ret kórsetildi

Birese báseńdep, birese qatańdaǵan jaman indet sońǵy kezde Soltústik Qazaqstanda qaıtadan kúsheıip ketti. Qazir oblys – «qyzyl aımaqta».

Oblystyq sanıtarlyq-epıde­mıo­lo­­gııalyq baqylaý depar­ta­men­ti­niń bas­shysy Áset Jumataevtyń aıtýyna qaraǵanda, qazir barlyq tirkelgen naýqastyń sany 27 279 adamǵa jetken. Sonyń 1 999-y – 8 qazan men 21 qazan aralyǵyndaǵy eki aptada tirkelgender. Onyń aldyndaǵy eki aptada, ıaǵnı 24 qyrkúıek pen 7 qazan aralyǵynda 1 167 naýqas tir­kel­gen. Demek naýqastar sany bir aıdyń aralyǵynda 1,7 esege artqan. Osy aralyqta naýqastar sanynyń kúrt ósimi ásirese, Aqqaıyń (2,5 ese), Aıyrtaý (2 ese), M.Jumabaev pen Mamlıýtte (2 ese) baıqalǵan. Ta­ıyn­sha, Qyzyljar, Aqjar, Jam­byl, Esil aýdandaryndaǵy ósim de eki esege jaqyndap qalǵan. Shal aqyn aýdany men Qyzyljar qala­syn­daǵy ósim 1,5 eseden bolyp otyr.

Sońǵy 7 kúnde 100 myń turǵynǵa shaq­qanda syrqattanýshylyq kórset­ki­shi 189,8-di quraıdy, bul – Qazaqstan óńirlerindegi epıdemııalyq jaǵdaıdy ba­ǵalaý matrısasyna sáıkes el bo­ıyn­­sha eń joǵary kórsetkish. Osy­ǵan baılanysty óńirlik komıssııa ka­rantındik sharalardy qatańdatý jó­­ninde sheshim qabyldap, 25 qazan­nan bastap shekteýler engiziletinin málimdedi.

Oblys aýmaǵyna 2020 jyldyń 6 qazanynan 2021 jyldyń 20 qaza­nyn­a deıin shekaralyq baqylaý pýnkt­teri arqyly avtomobıl joldary­men 281 392 adam ótken. Sonyń ishinde PTR anyqtamalarymen 146 558 jolaýshy kelgen. Al PTR anyq­ta­masynsyz kelgen 5 623 adam COVID-19-ǵa zerthanalyq tekserý úshin karantındik stasıonarlarǵa ornalas­­­­tyryldy. Olardyń arasynan jaman indeti bar 315 adam anyqtalyp, onyń 41-i ınfeksııalyq stasıonarǵa ornalastyrylǵan, qalǵan 274 adam ambýlatorlyq emdelýge jiberilgen. Qolynda merzimi 72 saǵattan erte emes zerttelgen anyqtama bolmaǵan 1 525 shetel azamatyna Qazaqstanǵa kirýge tyıym salyndy.

Bıyl qazan aıynyń basynan bú­gin­ge deıin 23 monıtorıngtik top 680 nysandy qamtyǵan 120 reıd júrgizdi. Nátıjesinde, 15 tulǵa 948 myń teńgege jaýapkershilikke tartyldy. Ashyq jo­ba­syn buzýshylarǵa 3 mln teńgeden asa somaǵa 93 aıyppul salyndy. Bu­qaralyq aqparat quraldarynda ákim­­shilik aıyppuldardy tólegen 88 shek­teý is-sharasyn buzýshylar jarııa­lan­dy.

Oblysta vaksınanyń birinshi komponentimen 248 299 adam egildi, bul – táýligine 330 adam degen sóz. Onyń ishinde QazVac – 7 880, HayatVax – 25 674, Spýtnık-V – 193 236, CoronaVac – 7 895, Vero Cell 13 589 adamǵa egilgen. Egilýge tıisti barlyq turǵynnyń 66,9%-y birinshi komponentpen qamtyldy. Vaksınanyń ekinshi komponentimen 230 928 egildi, bul – táýligine 469 adam degen sóz. Turǵyndardyń 62,3%-y ekinshi komponentpen qamtyldy.

Oblystyq jáne qalalyq ardagerler keńesi soltústikqazaqstandyqtarǵa úndeý jarııalap, vaksınany to­lyq alýǵa shaqyrdy. Úndeýde: «Qor­qy­nyshty aýrý myńdaǵan otan­da­­symyzdyń ómirin qıdy jáne den­saý­lyǵyna aıtarlyqtaı zııan keltirdi. Qabyldanǵan shekteýler bizge búgin tolyqqandy ómir sú­rý­ge múmkindik bermeıdi. Bizdiń eli­mizde 2021 jyl­dyń aqpan aıynd­a azamattardy jap­paı, erikti vaksınalaý bastaldy. Onyń tegin ótýi úshin barlyq jaǵdaı jasalǵan. Alaıda bizdiń aımaqta vaksınalaý qarqyny óte tómen bolyp qalýda. Búginde óńirdegi ınfeksııalyq stasıonarlarda 787 naýqas jatyr. Onyń 65%-y – 61 jastan asqan adamdar. Pandemııa bastalǵannan beri bizdiń oblysta 266 adam qaıtys boldy. Osy sannyń ishinde 61 jastan asqan adamdar 78%-dy quraıdy. Vaksınanyń qaýipsizdigi men tıim­di­ligi búgingi tańda bultart­pas fak­ti­lermen dáleldengen: ınfek­sııa­lyq stasıonarlarda emdelip jatqan pa­sıentterdiń 99%-y – vaksına al­maǵandar. Vaksınalanǵan adamdar aýrýdy jeńil túrde ótkizedi jáne basqalarǵa qaraǵanda juqtyrý qaýpi az. Álbette, bárimiz qalypty ómirge tezirek oralǵymyz keledi. Aǵa býyn ókilderi retinde biz sizderdi ǵalymdar men medısına qyzmetkerleriniń piki­rine qulaq asýǵa, vaksına alýdy ke­shiktirmeý arqyly ózińizdi jáne ja­qyn­daryńyzdy aýyr qaýipten aman alyp qalýǵa shaqyramyz» delingen.

 

Soltústik Qazaqstan oblysy

Sońǵy jańalyqtar

Hattonnyń uly Attılany atynan túsirdi

Kásipqoı boks • Búgin, 10:35

Jekpe-jeksiz ótken alǵashqy jyl

Kásipqoı boks • Búgin, 09:08

«Dınamodan» jeńildi

Hokkeı • Búgin, 07:34

Kreatıvti kitap dúkeni

Aımaqtar • Búgin, 07:33

Janbota jarap tur

Sport • Búgin, 07:27

Aqyn tutynǵan kese

Tarıh • Búgin, 07:24

Jekpe-jek keıinge shegerildi

Boks • Búgin, 07:22

Bes belestiń bıigin baǵyndyrǵan...

Qoǵam • Búgin, 00:44

Uly Jambyl murasy ulyqtaldy

Rýhanııat • Búgin, 00:33

Uqsas jańalyqtar