Koronavırýs • 28 Qazan, 2021

«Jasyl» aımaqtaǵy Jetisýda indet juqtyrý azaıǵan joq

34 ret kórsetildi

Jetisýda juqpaly indettiń taralýy báseńdegendeı bolǵanymen, qaýip áli seıilgen joq. Derek boıynsha oblysta ótken táýlik aralyǵynda 137 adamnan koronavırýs belgisi anyqtaldy. Al pandemııa kezeńinen beri derttiń quryǵyna ilingen naýqas sany 54 759 adamǵa jetip otyr.

Osynsha adamnyń koronavırýspen aýyrǵany zerthanalyq tekserý arqyly rastalǵan. Qazir oblys – indet taralýy kórsetkishi boıynsha «jasyl» aımaq sanatynda. Sońǵy kúnderi aýrý asqynyp, medısınalyq kómekke júgingen naýqastar sany jóninen oblys ortalyǵy ozyp tur. Taldyqorǵanda 40 adam aýyrǵan. Munan bólek, Tekeli qalasynda – 17, Alakól aýdanynda – 16, Talǵar aýdanynda – 15, Qarasaı men Panfılov aýdandarynda – 11, Qaratal aýdanynda – 10, Uıǵyr aýdanynda – 7 naýqas, Eńbekshiqazaq, Kóksý, Balqash, Eskeldi aýdandarynda – 2 naýqastan, al Jambyl aýdanynda 1 naýqas dáriger kómegine júgingen. Sondaı-aq barlyǵy
1 100 adam stasıonarlyq em qabyldaýda. Aýrýhanalarǵa bir táýlikte 73 adam túsip, 50 adam shyǵaryldy. Aımaqtaǵy ınfeksııalyq tósektik oryn júktemesi 46,5 paıyz shamasynda jáne jan­saq­taý bóliminde 42 pasıent jatsa, onyń 4-eýi ókpeni jasandy tynystandyrý apparatyna qosylǵan kórinedi.

Oblysta indetke qarsy ekpe salý qarqyndy júrip jatyr. Máselen, vaksınanyń 1-komponentin 798 671 adam alyp úlgergen. Al ekpeniń 2-komponentin 719 775 adam saldyrypty.

Aıtpaqshy, Almaty oblysynda alǵash ret aýdandyq aýrýhana deńgeıinde ókpesi tolyq zaqymdanǵan júkti áıel emdelip shyqty. Em-shara ekstrakorporaldy membranalyq oksıgenasııa apparatyn paıdalana otyryp júzege asyryldy. Ile aýdandyq ortalyq aýrýhanasyna júkti kelinshek COVID-19 dıagnozymen, ókpesiniń 90 paıyzy zaqymdanǵan kúıinde jetkizilgen edi.

– 9 tamyz kúni júktiliktiń 38-39 aptasyndaǵy áıel óte aýyr jaǵdaıda aýrýhanaǵa túsken bolatyn. Aýyr halde túsken áıelge dereý ota jasalyp, bala aman-esen dúnıege keldi. Biraq naýqastyń jaǵdaıy nasharlap, qan quramyn ottegimen qanyqtyratyn EKMO apparatyna qosýǵa týra keldi. Naýqas 31 kúnnen keıin ǵana ózdiginen dem ala bas­­­ta­dy, – deıdi Ile aýdany aýrýhanasynyń bas dárigeri Baýyrjan Ysqaq.

Al tórt balanyń anasy Baıansulý Amangeldıeva jansaqtaý bóliminde medısına qyzmetkerleriniń kómegimen qaıta aıaqqa turyp, ózdiginen dem alýdy, qozǵalýdy úırengenin aıtady.

– Men jansaqtaý bóliminde 47 kún jattym. Eki aı boıy balalarymdy kórý arman boldy. О́kinishke qaraı, buryn kópshilik jınalǵan jerde betperde taqqan emespin. Bul meniń basty qateligim boldy. О́ıtkeni maska taqqan kezde ózimdi jaısyz sezinip, aýa jetpeı turǵandaı bolatyn. Alaıda bir jutym aýany ózdigimnen juta almaı qınalǵanda qatty ókindim. Qateligimniń saldarynan otbasymdy, týǵan-týystarymdy, meniń ómirim úshin eki aı boıy kúresken dárigerlerdi áýrege saldym. Qazir aman-esen jazylyp, otbasyma oraldym. Dárigerlerge alǵysym sheksiz, – deıdi ol.

Juqpaly indetpen kúreste jeńiske jetken Baıansulý aýrýhanada 58 kún jatsa, sonyń 47 kúnin jansaqtaý bólimshesinde ótkizgen eken. Jalpy, Ile aýdandyq aýrýhanasynyń dárigerleri emhanaǵa COVID-19 dıagnozymen jetkizilip, ókpesi 80 paıyzǵa deıin qabynǵan taǵy da bes júkti áıeldiń janyn aman saqtap, emdep shyǵardy.

 

Almaty oblysy

 

Sońǵy jańalyqtar

Hattonnyń uly Attılany atynan túsirdi

Kásipqoı boks • Búgin, 10:35

Jekpe-jeksiz ótken alǵashqy jyl

Kásipqoı boks • Búgin, 09:08

«Dınamodan» jeńildi

Hokkeı • Búgin, 07:34

Kreatıvti kitap dúkeni

Aımaqtar • Búgin, 07:33

Janbota jarap tur

Sport • Búgin, 07:27

Aqyn tutynǵan kese

Tarıh • Búgin, 07:24

Jekpe-jek keıinge shegerildi

Boks • Búgin, 07:22

Bes belestiń bıigin baǵyndyrǵan...

Qoǵam • Búgin, 00:44

Uly Jambyl murasy ulyqtaldy

Rýhanııat • Búgin, 00:33

Uqsas jańalyqtar