Aımaqtar • 01 Qarasha, 2021

Modýldik polısııa beketteriniń septigi

51 ret kórsetildi

Pavlodar oblystyq Polısııa departamentiniń málimetinshe, atalǵan oblys elimizdegi qylmys az jasalatyn óńirlerdiń birinen sanalady. Bıyl 9 aı ishinde polısııaǵa kelip túsken 90 myńnan astam habarlama qaralǵan. 4 myńnan astam quqyq buzýshylyq tirkeldi. Oblysta kisi óltirý, urlyq, buzaqylyq, densaýlyqqa aýyr zııan keltirý sııaqty qylmystar sany azaıǵan, 10 myń adamǵa shaqqandaǵy qylmys sany 75-ti qurady.

Bıyl óńirde 1 qyrkúıekten bastap «Ýchaske» profılaktıkalyq is-sharasy ótkizildi. Onyń barysynda ýchaskelik polısııa ınspektorlary sanıtarlyq talaptardy saqtaı otyryp, aýla jáne kópqabatty úılerdi tekserýde, ishki ister organdarynda profılaktıka­lyq esepte turǵan adamdar baqylaýǵa alyndy.

Oblysta «Servıstik modelge» kó­­shý isi júrgizilýde. Turǵyndardan habarlamalardy «102» mobıldik qosymshasy arqyly qabyldaý bastaldy. Bul júıe azamattardyń polı­sııaǵa áleýmettik jeliler, elek­trondy posh­ta jáne basqa da messend­jerler arqyly oryn alǵan qyl­mystar men quqyq buzýshylyqtar týraly aqparat jiberýge múmkindik beredi. Qazirdiń ózinde oblysta atal­ǵan qosymshany paıdalanýshylar qatary ósip keledi.

Pavlodar oblystyq Polısııa de­partamenti Jergilikti polısııa bas­qarmasy qyzmetiniń bastyǵy Ǵa­lym Sarǵulovtyń málimetinshe, ýchas­kelik ınspektorlar 186 myń pá­ter men jeke úılerdi aralap, 20 myń­nan astam saıajaı alqabyn, 990 sharýa qojalyǵyn, qaraýsyz qalǵan 773 ǵımarat pen qurylys nysa­nyn, káriz qudyqtaryn tekserdi. Túrli zań buzý­shylyqtar úshin 12 myń aza­mat ákim­shilik jaýapkershilikke tar­tylǵan.

Mysaly, polısııa qyzmeti janjal shyǵarǵan 365 otbasynyń otaǵasy­laryn tártipke shaqyrsa, turmystyq salada quqyq buzyp, otbasynyń ty­nysh­tyǵyn buzǵan 2 myńnan astam adam jaýap­kershilikke tartylǵan. Elimiz aýma­ǵynda tirkeýsiz nemese jeke basyn kýálandyratyn qujat­tarsyz júrgeni úshin quqyq buzýdyń 1204, kóshi-qon zańnamasyn buzýdyń 108 faktisi anyqtaldy. Sonymen birge 6 myń qarý ıesin tekserdi, olardan 40 buzýshylyq anyqtaldy, 46 qarý tárkilengen.

Qazirgi tańda qylmys sanynyń azaıýyna modýldik polısııa beketteri de kómekke kelmek. Mobıldi, arnaıy jaraqtanǵan beketter arqy­ly óńir turǵyndary polısııa qyzmet­kerlerine zań talaptarynyń buzylýy jaı­ly aryz-shaǵym jazýmen birge, óti­nish­terine sáıkes túrli qajetti zań keńest­erin de ala alady. Modýldik polı­sııa pýnktteriniń quramynda ýchas­kelik polıseıler, kámelettik jas­qa tolmaǵandardyń isimen aınaly­sa­tyn ınspektorlar jáne polısııa­nyń óńirlik jedel ýákilderi bar.

Oblys ákimdiginiń málimetinshe, modýldik polısııa pýnktteri óńirdegi krımınogendi oqıǵalar kóp tirkeletin qalalardaǵy shaǵyn aýdandarda, aýdan ortalyqtarynda qurylady. Maqsat – polısııa qyzmetkerleriniń turǵyndarǵa jaqyn bolýyn qam­ta­masyz etý jáne halyqtyń qaýip­siz­digin laıyqty qorǵaý. Beket­ter­diń árqaısysy turǵyndar tú­sir­­gen beıneni polısııanyń pýl­tine ji­beretin kameralarmen jabdyq­talǵan.

Bul beketter turǵyndardyń ýchas­kelik ınspektorlarǵa degen seni­min arttyrary sózsiz. Qazir oblys or­ta­lyǵyndaǵy birneshe shaǵyn aýdanda, aýdan ortalyǵy Baıanaýyl aýylynda tirek beketteri jumystaryn bastap ta ketti. Ýchaskelik ınspektorlardyń aıtýynsha, jumystyń osyndaı jańa formaty tıimdi, ózderine qarasty bó­limshede qyzmet etý turǵyndarmen baı­lanysta bolyp, jaǵdaıdyń bárin baqylap otyrýǵa múmkindik beredi.

Sondaı beketterdiń biri oblys or­ta­­­lyǵyndaǵy polısııaǵa «shaqyr­týlar» kóp túsetin Q.Qamzın kóshesi 164-úıdiń aýlasynda ashyldy. Aýlada polısııa beketi ornalasqanyna turǵyn­dar da qýanyshty.

– Bizdiń shaǵyn aýdandaǵy qaýip­sizdik máselesi qıyndaý edi. Alań­daıtynbyz. Endi, mine, polısııa bizge jaqyn keldi, – deıdi úı turǵyny Qalı Sársenuly.

Al ýchaskelik ınspektor Ersin Oma­rovtyń sózine qaraǵanda, osy jer­degi ýchaskede 23 myńnan astam adam turady. Buǵan deıin tirek beketter arnaıy bekitilgen jaýapty ýchaskeniń shekteýli bóliginde ornalasatyn edi. Qazir barlyq atqaratyn jedel qyzmet úshin jaǵdaı jasalǵan.

Oblys ákimi Ábilqaıyr Sqaqov Pav­lodar qalasyndaǵy Dıspetcher jáne ekin­shi Pavlodar shaǵyn aýdanda­rynda ornalasqan modýldik polısııa pýnk­tterimen tanysty. Beketterdiń ishinde turǵyndarǵa paıdaly aqparat­tar­dy ornalastyrýǵa keńes berip, polısııa qyzmetkerlerine jańa forma­t-­­
taǵy jumystaryna sáttilik tiledi.

– Basty mindet – polısııanyń tur­ǵyndarǵa jaqyn bolýyn qam­ta­masyz etý. Qala, aýdan turǵyndary óz­deriniń ýchaskelik ınspektorlaryn bilýi kerek. Jańadan qurylǵan beket­terdiń de – maqsaty osy. Polısııa ha­lyqqa jaqyn bolsa quqyq qorǵaý qyz­metiniń sapasy da jaqsarady, – deıdi Á.Sqaqov. Osy arada aıta keter jaıt, ob­lystaǵy quqyq qorǵaý sala­syn­da polısııa qyzmetkerleri jetis­peıdi. Bul kúnderi Polısııa depar­tamentinde 300-deı mamannyń orny bos. Sondyq­tan departament bas­shylyǵy áskerde mindetti boryshyn ótep kelgen jastardy polısııa qura­myna qyzmet etýge shaqyrýda.

 

Pavlodar oblysy

Sońǵy jańalyqtar

Almaty mańynda jer silkinisi boldy

Aımaqtar • Búgin, 12:57

Búgin - Ulttyq dombyra kúni

Qazaqstan • Búgin, 08:50

Uqsas jańalyqtar