Qoǵam • 02 Qarasha, 2021

Atajurttaǵy basqosý qandastardy sheksiz qýanyshqa bóledi

64 ret kórsetildi

Elimiz Táýelsizdik alǵan sátten bastap sheteldegi qandastardy qoldaý jáne otandastarymyzdy tarıhı atamekenimen tanystyrý jumystary júıeli túrde iske asyrylýda. Osy maqsatta «Otandastar qory» KeAQ pen Jas Qazaq halyqaralyq jastar klýby birneshe jyl qatarynan «Kıeli Qazaqstan» jobasyn uıymdastyryp keledi.

Sheteldegi qandastarymyzdy Qazaq­­stannyń tarıhı ári kórnekti jerle­­ri­men tanystyrýdy maqsat etken «Kıe­li Qazaqstan» jobasy aıasyndaǵy bas­qo­sý osyǵan deıin 3 ret ótkizilipti. Atap aıtsaq, qandastarymyz 2018 jy­ly kıeli Túrkistanda, 2019 jyly Mań­ǵystaý oblysynda, al 2020 jyly Shym­kent jáne Túrkistan qala­larynda bas qosqan. Bıyl atalǵan shara 11-14 qa­zan aralyǵynda Almaty qalasy men Almaty oblysynda ótti.

Jastar «Esik» memlekettik tarı­hı-mádenı qoryq murajaıynda bolyp, «Sharyn» memle­kettik ulttyq ta­bıǵı parkinde se­rýen­dep, Kólsaı men Qaıyńdy kólde­riniń kórkine tamsanyp qaıtty. Almaty ob­ly­syndaǵy kórikti oryndardy aralap bol­ǵannan keıin, Almaty shaharymen de tanysty. Raıymbek batyr kesenesin kó­rip, Respýblıka alańyna bardy.

«Otandastar qory» prezıdentiniń keńesshisi Bolat Dıdardyń aıtýynsha, bıyl halyqaralyq deńgeıdegi kezdesýge Túrkııa, Japonııa, Qytaı, Reseı, Iran, О́zbekstan, Mońǵolııa elderinen 21 qan­da­symyz kelgen. «4 kúndik ekskýrsııa barysynda qonaqtardy Almaty qalasy men Almaty oblysyndaǵy týrıstik oryndarǵa, tabıǵatyna kóz súısiner mekenderge alyp barýǵa tyrystyq. Sondyqtan bizdiń tańdaýymyz oblys boıynsha «Esik» memlekettik tarıhı-mádenı qoryq murajaıy men «Sharyn» memlekettik ulttyq tabıǵı parkine, Qa­ıyńdy men Kólsaı kólderine tústi. Jastarǵa ata qonysynyń tumsa tabı­ǵatyn kórsetip, tarıhyn túsindire al­dyq dep senemiz», deıdi ol.

Qatysýshylardyń qatarynda Qazaq­stanǵa alǵash ret kelgen jastar da bar. Olar óz sezimderi men alǵan áserlerin jetkizdi.

– Men Túrkııanyń Ystanbul qala­synan kelgen ózderińizdiń Orhýn baýyr­la­ryńyz bolamyn. О́zim – Túrkııada týyp-ósken qazaq balasymyn. Osy joba arqyly Otanyma, atamekenime kel­ge­nime óte qýanyshtymyn! Bul meniń Qazaqstanǵa alǵash kelýim. Zaman­dastarym, otandastarym dúnıeniń túk­pir-túkpirinen kelgen eken... Basqosý bary­synda árqaısysymyz «Elimizge ne bere alamyz? Qandaı qyzmet etemiz?» degen suraqtyń jaýabyn izdedik. Biz osy mekenniń balasymyz. Aldaǵy ýaqytta elge qaıtýdy josparlaımyz, – dedi Ystanbuldaǵy qazaq jastarynyń kóshbasshysy Orhýn Akdag.

Al Tokıo qalasynda turatyn Ja­dyra Sembiqyzy «Kıeli Qazaqstan» joba­syna qatysyp jatqanyna óte qýa­­nyshty ekenin aıta kelip, «Bizge osyn­­daı múmkindik jasaǵan Qazaqstan mem­leketine, «Otandastar qoryna» alǵy­sym sheksiz. Joba aıasynda kózben kórgen keremet jerler meniń Otany­ma degen mahabbatymdy odan saıyn arttyrdy. Qazaqtyń kıeli jerleri kóp. Japonııa turǵyndary tabıǵatty qorǵaý degenge asqan jaýapkershi­lik­pen qaraıdy. Bizdiń de osyndaı áde­mi tabıǵatymyz, kórkem jerlerimiz laıyqty qorǵalsa deımin. Sebebi bul urpaqtan-urpaqqa qalatyn atameken, amanat. Bolashaqta men de Qazaqstannyń damýyna, ósip-órken­deýine óz úlesimdi qosýǵa nıettimin. Men elge kóp keshikpeı oralamyn»,  dep aǵy­nan jaryldy.

Aıta keteıik, joba aıasynda uıym­das­tyrylǵan dóńgelek ústelde qazaq jas­tary bilim, mádenıet pen sport baǵy­tyndaǵy óz oılarymen bólisip, ıdeıa­laryn ortaǵa saldy. Al merekelik kesh­ki as kezinde ulttyq taǵamdardan dám tatyp, qazaqtyń án-kúılerin oryndap, «Qara jorǵaǵa» bılep, bir-birimen jaqynyraq tanysty.

Joba qatysýshylary shetelde tura­tyn bilimdi, talantty jáne ónerli jas­tar. Máselen, Túrkııadan kelgen qan­da­symyz Orhýn Akdag Ystanbul qalasyn­daǵy jastar uıymynyń basshysy, Alııa Karbaeva men Súıinish Hasenov Ombynyń, Aıdana Myrzagýlova Oryn­bordyń, Jadyra Sembaı Japonııanyń, Mereke Boranbaev pen Súndet Israılov О́zbekstannyń qazaqtary jáne olar ózderi turyp jatqan eldegi jastar uıym­darynyń belsendileri.

«Otandastar qory» jáne Jas Qazaq jastar uıymy jyl boıy túrli baı­qaýlar uıymdastyryp, onyń je­ńim­pazdary­na «Kıeli Qazaqstan» jo­ba­syna jolda­ma bergen bolatyn. Bal­jan Rzahmeto­va Level Up baı­qaýy­nyń, Aıbolat Bazar­bek shahmat týr­nıriniń, Erhýlan Janat kıbersport týrnıriniń, Temirhan Sergazıev pen Azamat Júsipqalıev pikirsaıys týrnırleriniń jeńimpazy atanyp, joba qatysýǵa múmkindik aldy.

Joba qatysýshylarynyń arasynda qazaqstandyq joǵary oqý oryndarynda bilim alyp jatqan qandas stýdentter, olardyń ishinde jas IT maman, jýrnalıst, mýzykanttar men belsendi blogerler, magıstrantar bar.

Uıymdastyrýshylardyń aıtýynsha, jobanyń maqsaty – shetelde týyp-ósken, tarıhı Otany Qazaqstanda buryn-sońdy bolmaǵan otandastarymyzǵa elimizdiń kıeli jerlerine barýǵa múmkindik berý. Osy arqyly ultymyzdyń tarıhymen, qazirgi qalyptasqan jaǵdaıymen tanystyra otyryp, olardyń boıynda atamekenge degen mahabbatyn arttyrý. Olar áleýmettik jeliler arqyly Qazaq­stannyń kez kelgen jerin kórýi múmkin. Alaıda sol jerlerge barý múm­kindigi barlyǵyna berilmeıdi. Osy oraıda «Kıeli Qazaqstan» jobasynyń áleý­mettik-rýhanı mańyzyn erekshe atap ótken jón.

Sońǵy jańalyqtar

Almatynyń ońtústiginde jer silkindi

Aımaqtar • Búgin, 17:38

Almatyda qurylys krany qulady

Oqıǵa • Búgin, 14:21

Aýǵanstanda jarylys boldy

Álem • Búgin, 12:21

Álemdegi eń úlken muzdyq erip ketti

Ekologııa • Búgin, 11:05

Uqsas jańalyqtar