Táýelsizdiktiń 30 jyldyǵy • 08 Qarasha, 2021

Táýelsizdiktiń 30 jyldyǵyna oraı 30 grant berilmek

469 ret kórsetildi

«Ulttyq rýhanı jańǵyrý» ulttyq joba­synda jastar máselesine erekshe nazar aýdarylǵan. Osy oraıda Aq­pa­rat jáne qoǵamdyq damý mı­nıs­tr­ligi Jastar jáne otbasy isteri komıtetiniń tóraǵasy Shahmardan Baımanov atalǵan joba aıasyndaǵy jas­tar máselesi men olardyń ómir sapasyn, qoǵamdyq ómirdegi belsendiligin art­tyrýǵa qatysty sharalar týraly aıtyp berdi.

– «Ulttyq rýhanı jańǵyrý» ult­tyq jobasy týraly aıtyp ót­seńiz.

– Ulttyq joba – jan-jaqty vedom­stvo­aralyq ózara is-qımyldy jáne jalpyulttyq basymdyqtarǵa, Qa­zaqstan Respýblıkasynyń Ult­tyq damý, Eldiń aýmaqtyq damý jospar­la­rynyń maqsattaryna, mindetteri men strategııalyq kórsetkishterine jáne mem­leketimizdiń Ulttyq damý jos­pa­rynyń ındıkatorlaryna qol jet­ki­zýge, sondaı-aq Prezıdent aı­qyn­da­ǵan jekelegen mindetterdi belgi­len­gen merzimderde sheshýge baǵyt­tal­ǵan is-sharalar keshenin iske asyrýdy kózdeıdi.

Atap aıtqanda, jastar úshin jańa múmkindikterdi damytý, olardy áleý­met­­­tendirý jáne jumysqa ornalastyrý, qoǵamdyq paıdaly qyzmetke tartý sııaq­ty naqty mindetter belgilengen «Tá­ýelsizdik urpaqtary» baǵytyna basa nazar aýdarǵym keledi.

Birinshi mindette 2025 jylǵa deıin 800 myń jastyń turǵyn úı jınaqtary jú­ıesin jastarǵa turǵyn úı qurylys jı­naqtary júıesi boıynsha salymdardy tolyqtyrý jáne ákimdiktermen bir­lesip jeńildikti ıpotekalyq baǵdar­la­malardy engizý jáne «Otbasy bank» TQJB»-nyń óz ónimderin ázirleý úshin biryńǵaı zeınetaqy tólemderin paı­dalaný múmkindigin berý arqyly py­syq­taý kózdeledi.

Bú­gingi kúni beıindi memlekettik organ­dar osy tetikti zańnamalyq tur­ǵy­da bekitý boıynsha jumys júrgi­zýde, onyń qorytyndysynda jastar keıin­nen turǵyn úı satyp alý maq­sa­tynda «Ot­basy bank» shotyna eń tómen­gi jet­kiliktilik sheginen joǵary zeınet­aqy jınaqtarynyń bir bóligin aýdarý múm­k­indigine ıe bolady.

Sondaı-aq ákimdiktermen birle­sip je­ńil­detilgen ıpotekalyq baǵdarlama­lar­dy engizý jáne «Otbasy bank» TQJB»-nyń óz ónimderin ázirleý jos­par­­lanýda.

Budan basqa, turǵyn úı qurylysy baǵdarlamalarynda jas otbasylar úshin kvota engizý arqyly barlyq tur­ǵyn úı qurylysy baǵdarlamalary bo­ıyn­sha jas otbasylarǵa arnalǵan qa­ryz­­dar úlesin 2025 jylǵa qaraı 25%-ǵa deıin arttyrý kózdelip otyr.

Atalǵan turǵyn úı baǵdar­la­ma­la­ry­nyń biryńǵaı operatory «Otbasy bank» bolmaq. Atalǵan is-sharalardy iske asyrý búgingi kúni jastar arasynda ózek­ti máselelerdiń birin sheshýge múm­kin­dik beretinin atap ótken jón.

Ekinshi mindet sheńberinde 2025 jyl­­­ǵa qaraı jastarǵa áleýmettik qyz­met kórsetýdi 1 mıllıon adamǵa deıin jáne Eljastary ınfonavıgatoryna qa­ty­sý deńgeıin 2 mıllıon adamǵa de­ıin arttyrý kózdelýde.

Osylaısha, jastar ınfonavıgatory men Eljastary mobıldi qosymshasyn ja­saý jastarǵa memlekettik qoldaýdyń bar­lyq sharasyn biryńǵaı platformaǵa jı­naýǵa múmkindik beredi, bul óz keze­gin­de memlekettik jastar saıasaty­nyń strategııalyq baǵyttaryn sapaly ilge­ri­­letýge, taldamalyq súıemeldeýge jol ashady jáne tutastaı alǵanda jas­tar­­dyń memlekettik qoldaý sharala­ry týra­ly habardar bolý deńgeıin artty­ra­dy.

Sondaı-aq jyl saıyn «Táýelsizdik urpaqtary» 30 grantyn berý arqyly jastardy jańa startap-jobalarǵa tartý josparlanýda.

Úshinshi mindette erikti qyzmetke tar­tylǵan oqýshylardyń úlesin arttyrý, jastardy ekologııalyq jobalarmen jáne sportpen qamtý boıynsha sharalar josparlanǵan.

Osylaısha, barlyq mindet ındıka­tıv­ti nátıjelerge qol jetkizýge jáne jo­balyq basqarý erejelerin engizýge ba­ǵyttalǵan.

– Siz ekologııalyq jobalar týraly aıtyp óttińiz. Sońǵy ýaqytta eko­lo­gııa máselesi ózekti bolyp otyr. «Ult­tyq rýhanı jańǵyrý» ult­tyq j­o­basynda jastardyń ekologııa­lyq mádenıetin arttyrýǵa baǵyt­tal­ǵan qandaı da bir is-sharalar qaras­ty­ryl­ǵan ba?

– Iá, kelisemin. Ekologııalyq bilim berý máseleleri, ókinishke qaraı, soń­ǵy jyldary ózekti bolyp otyr. Búgin qo­ǵam ekologııalyq bilim men tárbıeni da­mytý kerek degen pikirde ekenin kórip otyrmyz. Bul máseleni sheshý úshin keshendi jáne júıeli tásil qajet. So­nymen qatar júrgizilgen áleý­met­tik zertteýler ekologııalyq máde­nıet jas­tardyń otbasy, azamattyq bel­sen­dilik, eriktilik jáne salamatty ómir sal­ty sııaqty qundylyqtar qataryna kire­ti­nin kórsetti.

Ulttyq joba sheńberinde 2025 jylǵa qaraı jastardy ekologııalyq jo­balarmen qamtý deńgeıin 800 myń adamǵa deıin arttyrýǵa múmkindik be­re­tin is-sharalar qarastyrylǵan.

Bul – mektepter men joǵary oqý oryn­darynda óskeleń urpaqqa ekolo­gııa­­lyq tárbıe berý maqsatynda ekolo­gııa­­lyq mádenıetti qalyptastyrý j­ónin­­degi is-sharalar keshenin ótkizý jó­­nin­degi jumystar.

Sondaı-aq qazaq folkloryndaǵy tabıǵatqa qatysty qyzyq ańyzdaryn dá­ripteý arqyly qorshaǵan ortany qorǵaý jáne oǵan qurmetpen qaraý jó­nindegi «Kıeli tabıǵat» ǵylymı-aǵar­týshylyq beıne-jobasyn jasaý kózdelip otyr.

Budan basqa «Jasyl el» jobasy sheńberinde 2025 jylǵa deıin jyl saıyn 30 myń jasty jumysqa tur­ǵyzý kózdelip otyr, bul elimizdi kógal­dan­dyrý maqsatynda Memleket bas­shysynyń eldi mekenderde 15 mln aǵash otyr­ǵyzý bastamasyn iske asyrýǵa múm­kindik beredi.

Tutastaı alǵanda, jastardy ekolo­gııa­lyq aǵartý jónindegi qyzmetti Aq­pa­rat jáne qoǵamdyq damý mınıstr­ligi júıeli túrde júrgizetin bolady.

– «Táýelsizdik urpaqtary» granty týraly tolyǵyraq aıtyp berseńiz.

– Bul grant «Egemen Qazaqstan» ga­ze­tinde 2021 jylǵy 5 qańtarda jarııa­lan­ǵan «Táýelsizdik bárinen qymbat» maqalasynda aıtylǵan Memleket basshysynyń tapsyrmasyn oryndaý maqsatynda taǵaıyndaldy.

Grantty taǵaıyndaýdyń maqsaty – bel­sendi shyǵarmashyl jastar qa­ýymdastyǵyn qalyptastyrýǵa baǵyt­tal­ǵan jastardyń jańa jáne qolda­nys­taǵy bastamalaryn qoldaý.

3 mıllıon teńge kólemindegi 30 grant konkýrstyq negizde Qazaqstan Res­pýb­lıkasynyń 14 pen 29 jas ara­ly­ǵyndaǵy azamattaryna mynadaı ba­ǵyt­tar boıynsha beriledi:

«Ǵylym» – ǵylymnyń basym sektorlarynda jańa ǵylymı jobalar men zertteýlerdi iske asyrý úshin;

«Mádenıet» – Qazaqstannyń mádenı murasyn tanymal etýge, halyq­tyq má­denı dástúrler men ónerdi ilgeri­letýge baǵyttalǵan jobalardy iske asyrý úshin;

«Aqparattyq tehnologııalar» – jańa IT-sheshimder men jobalardy, onyń ishinde bastaýshy startap-jobalardy iske asyrý jáne ázirleý úshin;

«Bıznes» – ekonomıkanyń basym sektorlarynda jańa bıznes-ıdeıalardy iske asyrý úshin.

«Medıa» – jańa medıa-jobalardy, onyń ishinde jastar úshin tanymdyq, paıdaly, qyzyq kontent jasaý jónin­de­gi jobalardy iske asyrý úshin.

Táýelsizdiktiń 30 jyldyǵyn merekeleý qarsańynda 30 jeńimpazdy saltanatty marapattaý josparlanǵan.

– NEET sanatyndaǵy jastardyń sa­­nyn azaıtý – memlekettik saıa­sat­tyń basymdyqtarynyń biri.  Jas­tar­­­dyń osy sanatymen jumys is­teý úshin qan­daı sharalar qaras­ty­ryl­ǵan?

– Aqparat jáne qoǵamdyq damý mınıstrligi Memleket basshysynyń tapsyrmasyna sáıkes jastar saıasaty salasyndaǵy zańnamany jetildirý bo­­ıynsha jumys júrgizýde. Jalpy, elde jastardyń osy sanatymen jumys isteý úshin ınstıtýsıonaldyq baza qurylyp, ony áleýmettendirý jáne jumyspen qamtý jónindegi baǵdarlamalar men jo­balar iske asyrylýda.

Atap aıtqanda, 2021 jyly NEET sanatyndaǵy jastarmen jumys jónin­de­gi respýblıkalyq jobalyq keńse quryldy. Sondaı-aq óńirlerdegi jas­tar resýrstyq ortalyqtarynda NEET sana­tyndaǵy jastarmen jumys jónin­de­gi arnaıy bólimder ashyldy.

Qazirgi ýaqytta óńirlerde NEET sanatyndaǵy jastardyń derekter bazasyn ózektendirý boıynsha jumys júr­gizilýde.

Atap aıtqanda, Ulttyq statıstıka bıýrosynyń derekteri boıynsha, bıylǵy 2 toqsannyń qorytyndysynda NEET jastarynyń úlesi 6,6%-dy qu­ra­ǵan. 2020 jylǵy 2-toqsanmen sa­lys­­tyrǵanda 1%-ǵa tómendeý baı­qalady.

«Ulttyq rýhanı jańǵyrý» ulttyq jobasynda «Táýelsizdik urpaqtary» baǵyty sheńberinde 2025 jylǵa qaraı NEET sanatyndaǵy jastardy 5%-ǵa deıin tómendetý kózdelgen.

 

Áńgimelesken Svetlana ǴALYMJANQYZY,

«Egemen Qazaqstan»

Sońǵy jańalyqtar

Uqsas jańalyqtar