Kitaphana jumysyn jetildirý kerek

Al kitaphana dırektory Shol­­pan Shahmetovanyń aıtýyn­sha, halyqaralyq mańyzdaǵy rý­hanı shara ótkizýdegi maqsat – eli­miz­degi kitaphana salasyna de­gen ja­ńasha kózqarasqa saı óńir­degi kitaphana qyzmetin zaman ózge­risine beıimdeý. Iаǵnı jańasha beıimdelý barysyn, aýyl-qala kitaphanalaryndaǵy ózgeris­ter­di basqa da áriptesterimizben bó­lisip, ózge elderdiń úlgili úrdis­terin úıre­nip, tájirıbe almasý.

О́ıtkeni kitaphanashylardy da tolǵandyrǵan máselelerdi or­taǵa salý, birlesip talqylaý qa­jet-aq. Búginde kitaphanalar ju­mysyn jańǵyrtý, biryńǵaı kitaphana qaýymdastyǵyna biri­gý, elektrondy kitaphana qoryn tolyqtyrý maqsatynda sıfrlandyrýdy engizýge baılanysty má­seleler jetkilikti.

Sonymen qatar qazir kitapha­nashy mamandyǵynyń ýaqy­ty ketip qalǵandaı, mysaly, ki­taphanashylardyń orta jasy 40-50-den asqan. Jastardy ki­taphanaǵa tartý qajettilgi de bar.

Búginde elimizde «Mádenıet týraly» zańǵa ózgerister men tolyq­tyrýlar engizilip, ki­taphana isiniń arnaıy tujy­rym­damasy da ázirlendi. Osy qu­jatta kitaphanaǵa qatysty bar­lyq má­sele qamtylǵan. Sala qalaı da­mıdy, strategııasy, mańyzy men mindetteri osy qujatqa engi­zil­gen.

– Zamanaýı kitapha­na­lar­dyń talaptary zaman aǵy­­myna qa­raı ózgerip ke­le­di, son­­dyqtan da kitaphana ki­tap qory retinde ǵa­na emes, áleý­­mettik sıpaty ba­sym rýha­nı ortalyq retinde qyz­met kór­se­týi qajet. Qazir oblys­tyq kitapha­nada Web-RABIS baǵ­darla­ma­sy­nyń 5 modýli de, ıaǵnı «Ki­­tap qoryn tolyqtyrý», «Kata­­logızator», «Izdeý jáne tap­sy­­rys berý», «Kitap berý» já­ne «Oqyrmandardy tirkeý» jú­ıeleri kópshilikke qyzmet kór­setýde. О́lketaný jaıyndaǵy áde­­bıetterdi sandyq júıege kel­ti­rip, sırek jáne baǵaly kitap­tar­dyń elektrondy kollek­sııa­­lary daıyndaldy, – deıdi kitaphana dırektory.

Sonymen birge ınternet jú­ıe­sin paıdalanyp, beıne­kon­fe­rensııalar, onlaın reji­minde vebınarlar ótkizý dás­túrge aınalýda. Respýblıka jáne elden tys jerde ótetin sharalarǵa qa­shyqtan qatysý arqyly oqyr­man­darǵa kerekti aqparattar aly­nýda.

Al L.Tolstoı atyndaǵy Qos­tanaı oblystyq kitaphanasy­nyń ǵylymı hatshysy Sholpan Sandybaevanyń aıýynsha, ne­giz­gi maqsat – tájirıbe almasý. Qazirgi tańda kitaphanalarǵa júk­telgen jumys óte aýqymdy. Kitaphana jumysyn zamanaýı turǵyda jan-jaqty jetil­dirý, kitaphanashylardyń bilik­tiligin arttyrý – zaman tala­by. Sondyqtan sıfrlandyrý qo­ǵamynda ómir súrip otyr­ǵan­dyq­­tan, kitaphanalar qaýym­das­tyǵynyń birigip jumys isteýi mańyzdy. Árbir óńir ózindik erek­shelikterin, qundylyqtaryn sandyq nusqaǵa aýdarýy kerek, uly esimderdi anyqtaýda sandyq júıeniń artyqshylyqtaryn paıdalanýymyz qajet.

Jıynda kitaphana qyzme­tin jetildirýde zamanaýı tehno­lo­gııalardyń áleýeti, kásibı ska­nerlerdiń jetkilikti bolýy, uıaly telefondar arqyly kitaphana qyzmetin paıdalaný tetikterin je­tildirýdiń, ıaǵnı onlaın ki­tapha­nalardy damytý jaıla­ry aı­tyldy. Ásirese, balalar­ǵa qa­­jetti kitaptardyń jetkilik­ti bo­lýy, aýdarma kitaptardyń aýyl, qalaǵa jetýi, sapaly bolýy qajet.

Máskeýdegi Eýrazııa kitapha­nalar qaýymdastyǵynyń bas dırek­tory M.Nerıýeva, Moń­ǵolııa elinen Aqtan Bábıuly atyn­daǵy Baıan-О́lgeı ortalyq kitaphanasynyń dırektory Al­tyngúl Dálelqyzy, Nur-Sul­tan qalasyndaǵy Ulttyq akade­mııalyq kitaphananyń bas dırektory Ú.Muńalbaeva, Almaty­daǵy ulttyq kitaphana bas dı­rek­to­ry B.Ospanova, oblystyq máde­nıet, tilderdi damytý jáne arhıv isi basqarmasynyń bas­shy­sy Samal Begalınova, Novo­sibir, Omby, Barnaýl qalalaryn­daǵy ortalyq kitaphana basshy­lary sóz sóılep, eki elge ortaq ­jal­­py kitaphana qyzmetindegi máse­le­ler­ge toqtaldy.

Qazir oblys boıynsha 231 ki­taphana bolsa, onyń 201-i aýyl­darda. Ortalyq kitaphananyń 23 myńnan astam oqyrmany bar. Kitaphana qyzmetin jańa zamanǵa saı jańartý jolyna túsirýdi aýyldardan bastaý qajettigi de túsinikti.

Jergilikti turǵyndarǵa ki­taphana qyzmeti tolyq qol­jetimdi, tıimdi bolý barysynda «Kitaphanaterapııa» joba­sy iske asty. Bul jobanyń ne­giz­gi maqsaty – kitapty ár oqyr­manǵa jetkizý. Qyzmettiń qol­jetimdiligi artady, suranys­tar­dy ýaqytynda jáne jedel oryndaý múmkindigi týady, aqpa­rattylyǵy jáne mazmunynyń tereńdigi artady degen senim bar.

Jastarǵa arnalǵan ZhaStar jobasy sheńberinde kitaphana barlyq toptaǵy jasty birik­tirip, olardyń ár saladaǵy, óner­degi, ǵylym jáne bıznestegi je­tis­tikterin kórsetýde. Qa­zir­gi ki­taphanalar túbegeıli ózge­ris­terge beıimdelýde. Aqpa­rat­­tyq za­man kitaphanaǵa da ja­ńa min­detter men maqsattar júk­teýde.

– S.Toraıǵyrov atyndaǵy ob­lystyq kitaphana úlken ma­ńyzǵa ıe tarıhı oryn. Biz ár óńirdegi kitaphanalardyń ju­mys sapasyn arttyrý arqyly má­denıet­ti, tárbıeli, bilimdi aza­­mattar tár­bıeleýge ún qo­sa­­myz. Sholpan Baıanqyzy bas­qaryp otyrǵan ob­lystyń bas ki­taphanasy jaq­sy qyzmet isteý­de, – dedi Ulttyq aka­­demııalyq kitapha­nanyń bas dırektory Úmit­han Muńalbaeva.

Halyqaralyq forým barysynda qatysýshylar sheberlik saǵattaryna, trenıngterge, ádebı kezdesýlerge, ártúrli baǵytta uıym­dastyrylatyn seksııalarǵa qatysýǵa múmkindik aldy.

Pavlodar oblysy