Medısına • 12 Qarasha, 2021

Ulǵaıǵan isikti sylyp tastady

34 ret kórsetildi

«Ulttyq neırohırýrgııa ortalyǵynda óte kúrdeli neıro­hı­rýr­gııa­lyq otalar kúndelikti jasalady. Osyndaı ota­la­rdyń biri mıynda kólemi 7h7 sm glıaldy isigi bar 44 jastaǵy er adamǵa jasaldy. Bul operasııa joǵary tehnologııalyq medısınalyq qyz­metke kiredi. Ota MÁMS sheń­berinde kvota boıynsha pa­sıentke tegin jasaldy. Mundaı hırýrgııalyq aralasý kezinde oń nátıjege tek zamanaýı dıagnostıkalyq jáne ope­rasııalyq jabdyqtary, bilikti mamandary bar joǵary maman­dan­dyrylǵan ortalyqtarda ǵana qol jetkizýge bolady» dep atap ótti «Áleýmettik medısınalyq saqtandyrý qory» KeAQ Nur-Sultan qalasy boıynsha fılıalynyń baspasóz qyzmeti.

Otadan buryn naýqasta bas aýrýy, bas aınalý, kórý qabi­le­tiniń tómendeýi, este saqtaý qabi­letiniń tómendeýi, sol jaq aıaq-qoldardaǵy álsizdik, son­daı-aq konvýlsııalyq usta­ma­lar týraly shaǵymdar bolǵan. Dárigerlerdiń aıtýynsha, isiktiń mundaı mólsheri óte úlken jáne naýqastyń densaýlyǵyna zor qaýip tóndiredi. Naýqasqa klı­nıkalyq dekompensasııa saty­syn­da múıizdi denege ósýi­men oń jaq mańdaı bóli­gi­niń alyp glıaldy isigi dıag­no­zy qoıyldy. Mı patolo­gııa­la­rynyń neırohırýrgııasy bólimshesiniń dárigerleri «Oń jaq mańdaı-tóbe-samaı súıeginiń kranıotomııasy, MRT-traktografııa jáne neıronavıgasııany qoldana otyryp, glıal­dy isikti mıkrohırýrgııalyq jol­men alyp tastaý» otasyn ja­­sa­dy. Alty saǵattyq ota sátti ótti, isik tolyǵymen alynyp tas­­taldy.

«Isiktiń mólsheri úlken boldy, ol mıdy qatty qysqan. Bizge saý tinderdi mıllımetr bo­ıynsha bólýge týra keldi. Sony­men qatar  biz mıdyń ómir­lik mańyzdy tamyr­la­ryn zaqymdamaýǵa mán ber­dik. Bul jerde osy aımaq­tar­ǵa zııan keltirmeý asa ma­ńyz­­dy. Isikke na­zar aýdara oty­ryp, qımyl-qoz­ǵalysqa ja­ýap beretin aýmaq­tardy, son­daı-aq úlken ar­te­rııalardy asa saqtyqpen aı­na­lyp óttik. Sondaı-aq isikti joıý dál­di­gi MRT – trak­to­gra­fııanyń kóme­gimen aldyn ala jasalǵan koor­dı­nat­tar­ǵa baılanysty boldy. Bul mıdyń ótkizgish joldarynyń (aq zat traktileri) barysy men qurylymdyq ózgeristerin kór­se­tetin jańa ádis, sonymen qatar aeronavıgasııalyq júıe de qoldanyldy. Osyndaı teh­no­­logııalyq jabdyq arqyly joǵa­ryda atalǵan qurylymdar men aýmaqtarǵa qol tıgizbedik jáne isikti keıinnen pasıentke nevrologııalyq muqtajdyq týyndatpaıtyndaı etip alyp tastaı aldyq», dedi pasıentti emdeýshi dáriger Muratbek Tileýbergenov.

Aıta ketý kerek, bul operasııa joǵary tehnologııalyq me­dısınalyq qyzmetke kiredi. Ota MÁMS sheńberinde kvota boıynsha pasıentke tegin jasaldy. Mundaı hırýrgııalyq aralasý kezinde oń nátıjege tek zamanaýı dıagnostıkalyq jáne operasııalyq jabdyqtary, bilikti mamandary bar joǵa­ry mamandandyrylǵan orta­lyq­tarda ǵana qol jetkizýge bo­­la­dy. Otany kóp jyldyq tá­­ji­rı­besi bar dárigerler júr­gizdi. Atap aıtqanda, Mı pato­lo­­gııalarynyń neırohırýrgııa­sy bólimshesiniń meńgerýshisi, medısına ǵylymdarynyń kandıdaty, «UNO» AQ professory Nurjan Ryskeldıev jáne neırohırýrg-dáriger Muratbek Tileýbergenov, sondaı-aq anes­tezıolog-reanımatolog dá­ri­ger Mars Nurdınov jáne ota meıirgeri Roza Shaýetova qa­tys­ty.

Ulttyq neırohırýrgııa or­ta­­ly­ǵynyń kásibı maman­da­ry­nyń tizimin budan ári de jal­ǵastyrýǵa bolady. Buǵan klı­nı­kanyń áleýmettik jelidegi pa­raqshalarynda pasıentter qal­dyrǵan alǵys pen lebizder de dálel.

Eske sala ketelik, MÁMS engi­zilgeli beri medısınalyq qyz­metterdiń barlyq túrin, sonyń ishinde qymbat turatyn jo­ǵary tehnologııalyq medı­sı­nalyq qyzmetterdi alýdyń qoljetimdiligi men múmkindigi artty. MÁMS júıesi, jarna kólemine qaramastan, saqtan­dy­ryl­ǵan azamattardyń barlyǵyna birdeı, teń dárejede qyzmetter paketine qol jetkizýine negiz­del­gen. Bul rette mindetti me­­­dı­­sınalyq saqtandyrý bo­ıyn­­sha kómekke júgingen kezde pasıentke medısınalyq qyz­met­terdiń kólemi men qunyna shek­teý qoıylmaıdy.

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar