Álem • 15 Qarasha, 2021

Uıym ataýy ózgerdi

56 ret kórsetildi

Ortalyq  Azııa jańalyq jar­shysy The Times of Central Asia agenttigi 12 qarashada Túr­kııanyń Ystanbul qala­synda Túrkııa Prezıdenti Rejep Taıyp Er­doǵannyń uıymdastyrýymen Túrki­til­des memleketterdiń yntymaqtastyq keńe­siniń (Túrki keńesi) VIII sammıti ótke­nin habarlaıdy.

Sammıtte sóz sóılegen Prezıdent R.Erdoǵan: «Biz óziniń ınstıtýsıonaldyq qurylymyn damytyp, óz aımaǵynda jáne odan tys jerlerde túrki mem­le­ketteriniń bedelin arttyrǵan Keńesi­miz­diń ataýyn ózgertemiz. Álbette, bul tarıhı ózgeris rıtorıkamen shek­tel­meýi kerek, ony da júzege asyrý kerek. Hatshylyqtyń qurylymy men ju­mys tártibi, sondaı-aq bizdiń saıası, ekonomıkalyq jáne áleýmettik yntymaqtastyǵymyz otbasylyq Assam­bleıa­nyń ınstıtýsıonaldyq sapasyn kórsetýge tıis», dedi.

Saıası jáne áleýmettik ynty­maq­tas­tyq jaǵ­daıynda múshe elder eko­no­mı­ka men saýda sa­lasyndaǵy ynty­maq­tastyqty ártaraptandyryp, nyǵaı­tý­y kerek ekenin basa aıtqan Prezıdent Erdoǵan: «Biz saýda men ózara ınvestısııany tez arada arttyrýymyz kerek. Biz elderimiz arasyndaǵy saýdadaǵy barlyq tarıftik emes tosqaýyldy alyp tastaýymyz kerek. Bul turǵyda men saýdany jyljytý strategııasy týraly qujatqa qol qoıýǵa erekshe mán beremin. Alaıda eger biz bir-birimizben qurlyq, áýe jáne teńiz joldarymen baılanyspasaq, biz qa­jetti nátıjelerge qol jetkize almaımyz», dedi.

Sammıt qorytyndysy boıynsha «Túrki áleminiń keleshegi-2040» jáne Tú­rikmenstannyń uıymǵa baqylaýshy mem­leket retinde kirýi týraly sheshim ma­quldandy.

Sońǵy jańalyqtar

Uqsas jańalyqtar