Qazaqstan • 16 Qarasha, 2021

Azamattyq forým óz deńgeıinde uıymdastyrylýy tıis

65 ret kórsetildi

Qazaqstan Táýelsizdiginiń 30 jyldyǵyn merekeleý aıasynda H Azamattyq forým uıymdastyrylmaq. Ony uıymdastyrý jáne ótkizý týraly Prezıdent janyn­daǵy Ortalyq kommýnıkasııalar qyzmeti alańynda Qazaq­stannyń Azamattyq alıansynyń prezıdenti Baný Nurǵa­zıeva men Azamattyq qoǵam isteri komıtetiniń tóraǵasy Madııar Qojahmet aıtty.

«Qoǵam men memlekettiń turaqty damýy múddesindegi árip­testiktiń 30 jyldyǵy» me­reı­toılyq X Azamattyq fo­rýmy 2021 jylǵy 22-26 qara­sha aralyǵynda ótedi. Fo­rým­nyń is-sharalary demo­kra­tııalyq prosesterdi damytý, Qazaqstanda BUU-nyń Turaqty damý maqsattaryn iske asyrý má­selelerine, sondaı-aq sosı­ým­nyń, memleket pen bız­nestiń olarǵa qol jet­kizýdegi negizgi min­detterine arnalady. Fo­rým baǵdarlamasy kóptegen taqy­ryp­ty, sarapshylar men qaty­sýshylardy qam­tıdy. Sondaı-aq forým aıasynda 30-dan astam pi­kirtalas alańy, saraptamalyq tal­qylaý, fasılıtasııalyq jáne pa­neldik sessııa uıym­das­tyrylady.

Forým qarsańynda jáne apta boıy mınıstrlerdiń aza­mat­tyq qoǵam ókil­derimen kezde­sý­leri, ákimderdiń óńir­ler­degi ÚEU ókilderimen kez­desýleri, sha­ǵyn granttar joba­larynyń ta­nys­tyrylymy, son­daı-aq «ÚEU syılyǵy» men «Tań­daý» syı­ly­ǵyn salta­natty túrde tapsyrý rásimi uıymdastyrylady.

Madııar Qojahmettiń aı­tý­yn­sha, forýmnyń mazmundy baǵ­­darlamasy aza­mattyq qoǵamda týyndaǵan barlyq prob­­lemalyq máseleni: qoǵam­dyq ba­qylaý tetikterin jetil­dirýden bas­tap, áleýmettik sala­nyń, sıfr­landyrýdyń, bilim berý jáne densaýlyq saqtaý júıeleriniń ózekti máselelerin she­shýge deıin qamtýǵa múmkindik beredi. Ol: «2003 jyly Elba­sy­nyń bastamasymen ótken qa­zir­gi Azamattyq forým Táýelsizdigimizdiń 30 jyl­dyǵy bel­gisimen ótýde», dedi.

Qazaqstannyń Azamattyq alıan­synyń prezıdenti Baný Nurǵazıeva: «Memleket pen úki­mettik emes sektordyń ózara is-qı­myly salasyndaǵy el­diń eń iri oqıǵasynyń negizgi ıdeıasy – Qazaqstannyń azamat­tyq qoǵa­myna jahandyq kózqa­ras. Biz azamattyq qoǵamdy damy­tý­dyń ózekti máselelerin eskere oty­ryp, tarıhqa, búginge jáne bola­shaqqa taldaý jasaǵymyz keledi. X Azamattyq forýmnyń maz­mundy baǵdarlamasy barlyq qaty­sý­shyǵa memlekettik or­gandar men ÚEU birlesken koo­pera­sııa­synyń júıeli máse­leleri men she­shimderi týraly aıtýǵa múmkindik beredi», dedi.

Sondaı-aq brıfıng spı­ker­leri sanı­tarlyq-epıdemııalyq nor­malardy saqtaý qajettigin es­kere otyryp, forým oflaın já­ne onlaın, ıaǵnı gıbrıdti formatta óte­tinin aıtty. Mysaly, Alma­tyda ótetin is-sharalarǵa 150 de­legat qatysady. So­nymen qatar is-sharalardy ótkizý múm­kin­­dikteri men onlaın forma­tynyń arqa­synda X Azamat­tyq forým jumysyna Qazaq­­stan­nyń túkpir-túkpirinen ÚEU, memle­kettik organdar, sa­rap­shylar qoǵam­dastyǵy men BAQ-tyń barlyǵy 20 myńnan astam ókili qatysady dep kúti­lýde.

Forým aptalyǵynyń on­laın-trans­lıasııasy Facebook pa­raq­shasynda jáne YouTube ar­nasynda júrgiziledi. Forým saıtynda mereıtoılyq H Azamattyq forýmǵa tirkeý ashyldy.

Sońǵy jańalyqtar

Uqsas jańalyqtar