Elorda • 17 Qarasha, 2021

Quqyqtyq mádenıet keleshegi

85 ret kórsetildi

Elordada «Qazirgi jastardyń quqyqtyq mádenıeti: qazirgi jaǵdaıy jáne ony jetil­dirý joldary» atty dóńgelek ústel ótti.

Is-sharany Aqparattyq jáne áleýmettik damý mınıstrligi men «Azamattyq bastamalardy qol­daý ortalyǵy» KeAQ qoldaýymen «Jas­tardyń qu­qyqtyq saýattylyǵyn arttyrý» áleýmettik jobasy aıasynda «Partııalyq emes baıqaý ortalyǵy» uıymdastyrdy.

Talqylaýǵa Qazaqstannyń jastar uıym­dary­nyń jetekshileri, belgili qoǵam qaıratkerleri qatysty.

Jıynǵa qatysýshylar jastardyń quqyqtyq saýattylyǵyn arttyrý múmkindikterin jáne olardyń belsendi azamattyq pozısııasyn, quqyq buzý­shylyqtarǵa tózbeýshilik qaǵıdatyn jáne jastar arasynda quqyqtyq mádenıetti qalyp­tastyrý, sondaı-aq óz bilimi men bolashaǵy úshin jaýapkershilikti yntalandyrýdy nasıhattaý joldaryn talqylady.

Spıkerler jastar qoǵamdastyǵyn damytýǵa baǵyttalǵan jobalar men baǵdarlamalar týraly aıtyp, jastardyń áleýmettik ósý múmkindikteri týraly óz oılaryn ortaǵa salady.

Dóńgelek ústeldiń qorytyndysy boıynsha jas qazaq­standyqtardyń quqyqtyq sanasyn odan ári art­tyrýǵa baǵyttalǵan praktıkalyq usy­nystar qabyldandy.

Sońǵy jańalyqtar

Uqsas jańalyqtar