Medısına • 18 Qarasha, 2021

ÁMSQ: KT/MRT arqyly kórsetilgen qyzmet kólemi artty

49 ret kórsetildi

«Qazirgi tańda MÁMS júıesi arqyly kóptegen medısınalyq qyzmet­ti alý qoljetimdi. Elimizde onkologııalyq jáne júrek-qan tamyrlary aýrýlarynyń aıtarlyqtaı joǵary kórsetkishterin, sondaı-aq koronavırýs ınfeksııasymen aýyrǵan naýqastar kórsetkishin eskersek, kompıýterlik jáne magnıttik-rezonanstyq tomografııa qyzmetteriniń azamattardyń dıagnostıkalyq tekserýden ótýi úshin qanshalyqty suranysqa ıe ekendigi belgili. Bıyl osy KT/MRT bo­ıynsha qyz­met jetkizýshiler sany 26%-ǵa jáne 21%-ǵa artty», dep habarlaıdy Áleýmettik medısınalyq saqtandyrý qorynyń elordadaǵy fılıalynyń baspasóz qyzmeti.

Qyzmet jetkizýshiler kóbeıse, qoljetimdilik artady

Mindetti áleýmettik medısınalyq saqtandyrý júıesin engizgenge deıin KT jáne MRT qyzmetterin usyný turaqty túrde qarjylandyrylmaıtyn. О́z aýmaǵynyń aýrýhanasynda nemese emhanasynda kezekte turǵan azamattar KT nemese MRT-dan ótý múmkindigin keıde birneshe aılar boıy kútetin.

Jaǵdaı qalaı ózgerdi? 2020 jyly KT boıynsha Áleýmettik medısı­na­lyq saqtandyrý qorynyń qyz­met jetkizýshileri 135 medısınalyq uıym bolsa, bıyl 190 medısınalyq uıym bar. Byltyr MRT qyzmetin jetkizýshiler sany 95 bolsa, bıyl 121 medısınalyq uıym osy dıagnostıka boıynsha qyzmet kórsetedi. Bul úrdis aldaǵy jyldary da jalǵasady. О́ıtkeni qor olardy naryqqa jaqyndatý jáne jeke qyzmet jetkizýshilerdi tartý maqsatynda tólem tarıfterin kóterýdi qoldaıdy. Qazir kóptegen eldi mekende KT/MRT jeke kabınetteri ashylýda, olardyń keıbiri qyzmetterge degen joǵary suranysty eskere otyryp, táýlik boıy jumys isteıdi.

Nur-Sultan qalasynda MÁMS júıesinde KT qyzmetteri boıynsha 17 me­dısınalyq uıym jáne MRT bo­ıynsha 11 medısınalyq uıym ju­mys isteıdi. Aıta keteıik, aımaqtar­da qajetti medısınalyq qyzmetter­diń qoljetimdiligin qamtamasyz etý jer­gilikti atqarýshy organdardyń quzy­retine kiredi. Sondyqtan aımaq­tardyń medısınalyq qural-jab­dyqtarmen jabdyqtalý monı­to­rın­gin jáne qyzmet jetkizýshiler­diń qa­tysýy boıynsha qajetti jumys­tardy jergilikti densaýlyq saqtaý basqarmalary júrgizedi.

Qarjylandyrý artqan saıyn suranys ta ósedi

Bıyl KT jáne MRT qyzmetterin kórsetý boıynsha jasalǵan shart­tardyń somasy 2 esege jýyq ósti. Eger 2020 jyly búkil el boıynsha shart­tardyń somasy shamamen 706 mln teńgeni qurasa, 2021 jylǵy 1 qarashadaǵy jaǵdaı boıynsha 1,4 mlrd teńgege derlik sharttar jasaldy.

Aǵymdaǵy jyldyń 10 aıy­nyń qo­rytyndysyna súıensek, KT jáne MRT-ǵa tıesili, ıaǵnı emdeýshi dári­gerdiń joldamasy boıynsha jos­par­ly túrde, medısınalyq saq­tan­dyrý boıynsha 46,9 myńǵa jýyq qyz­met kórsetildi. Jalpy, el bo­ıyn­sha kór­setilgen qyzmetter somasy 2021 jyl­dyń qańtar-qazan aılary ara­ly­ǵynda sha­mamen 907 mln teńgeni qurady. Salystyrmaly túrde, ótken jyl­dyń osy kezeńinde KT/MRT bo­ıynsha jalpy quny 207,5 mln teńge bolatyn barlyǵy 11,4 myń qyzmet kórsetildi. Osylaısha, kórsetilgen qyzmetter kó­lemi 4 eseden astam ósti.

MÁMS arqyly tomografııadan qalaı tegin ótýge bolady?

Naýqasqa kez kelgen dıagnos­tıka­lyq prosedýrany emdeýshi dári­ger taǵaıyndaıdy. Ol naýqastyń jaǵ­daıyn, shaǵymdaryn, aýrýdyń belgi­lerin zerdeleıdi. Tıisti kórsetkishter bolǵan jaǵdaıda dáriger KT nemese MRT túsýge joldama beredi. Bul qyz­metti josparly túrde alý úshin MÁMS júıesinde pasıenttiń «saqtan­dyrylǵan» mártebesi bolýy tıis.

Eger KT/MRT qyzmetterin alýǵa qatysty suraqtaryńyz bolsa nemese siz osy qyzmetterge qol jetkize al­­­masańyz, onda óz emhanańyzdaǵy em­de­lýshini qoldaý qyzmetine habar­lasýyńyzǵa bolady. Sondaı-aq óz aımaǵyńyzda tomografııadan ótý múmkindigi bolmaı, uzaq kútken jaǵ­daıda, siz óz aımaǵyńyzdyń densaýlyq saq­taý basqarmasynan jaǵdaıdy naq­tylaı alasyz. Eger máseleni sol jerde sheshý múmkin bolmasa, onda Áleýmettik medısınalyq saqtandyrý qoryna ózińizge yńǵaıly tásilmen: fms.kz resmı saıty, 1406 baılanys ortalyǵy, Telegram-daǵy 24/7 Qoldau jáne SaqtandyryBot mobıldi qosymshasy arqyly ótinish-shaǵym qaldyra alasyz.

Sońǵy jańalyqtar

Sal-seriniń sońy

Qazaqstan • Keshe

Jazda lager jetispeıdi

Qoǵam • Keshe

Alash ardaqtysyn túrki álemi ulyqtady

Ahmet Baıtursynuly • Keshe

Bizdiń Saıyn

Ádebıet • Keshe

Shavqat jeńiske jetti

Sport • Keshe

Maǵjannyń qarasózderi

Ádebıet • Keshe

Saf aýadaǵy serýen

Egemen Qazaqstan • Keshe

Uqsas jańalyqtar