Aımaqtar • 25 Qarasha, 2021

Aqseleý baıqaýynyń júldegerleri anyqtaldy

47 ret kórsetildi

Kenshiler astanasynda Aqseleý Seıdimbek atyndaǵy jas jazýshylar men kósemsóz sheberleriniń oblystyq ádebı-shyǵarmashylyq baıqaýynyń qorytyndysy shyǵarylyp, jeńimpazdar men júldegerlerdiń esimderi belgili boldy.

El Táýelsizdi­giniń 30 jyldy­ǵyna oraı «Rýhanı jań­ǵyrý» baǵ­dar­lamasy aıasynda uıymdas­tyrylǵan bul konkýrsqa barly­ǵy 40-qa jýyq úmitker óz ju­mys­taryn usynypty. Jalpy, osymen altynshy ret ótkizilip otyrǵan baıqaýda ár jyldy qosa alǵanda 16 men 35 jas aralyǵyndaǵy barlyǵy 300-den astam jas qalamger baq synaǵan eken.

Marapattaý rásiminiń shy­­­­myl­­dyǵyn Qaraǵandy oblysy ákiminiń orynbasary Abzal Núken quttyqtaý sózben ash­­qan­­nan keıin, jeńimpazdar men júldegerlerdiń esimderi kezek-kezegimen ataldy.

Akademık E.Bóketov atyn­daǵy Qaraǵandy ýnıversıtetiniń professo­ry, fılologııa ǵylym­da­rynyń doktory Jansaıa Ja­ryl­ǵapov tóraǵalyq etken qa­zylar alqasynyń sheshimimen Aqseleý Seıdimbek atyndaǵy Bas júldege aqyn, jýrnalıst, Arda Media Group ortalyǵynyń dırektory, jeke kásipker Ashat Qajytaı laıyqty dep tanyldy.

Jas jazýshylar arasyndaǵy synda Jezqazǵan qalasyndaǵy «Qońyr samal» JShS atqarýshy dırektory Baqtııar Tursynovqa bi­rinshi júlde buıyrdy. Qara­ǵan­dydaǵy Bolashaq akade­mııa­­sy­nyń stýdenti Kúnnur Qabaı ekinshi, al oblys ortaly­ǵyndaǵy №10 JBBM-niń qazaq tili men ádebıeti pániniń muǵalimi Bekzat Altynbek úshinshi orynǵa ıe boldy.

Jas kósemsóz sheberleri arasyndaǵy saıysta «Balqash óńiri» gazetiniń tilshisi Maqsat Kúzemhan top jardy. Oblystyq Ortalyq Qazaqstan gazetiniń tilshisi Erbol Erbolat ekinshi júlde ıegeri atansa, Shahtınsk qalasyndaǵy Álıhan Bókeıhan atyndaǵy mektep-lıseıiniń oqý­shysy Islam Bahatbek úshinshi júldeni mise tutty.

Qaraǵandy oblysynyń til­derdi damytý jónindegi bas­­qarmasy uıymdastyrǵan baı­­­qaýdyń marapat­taý ke­­­shi arnaıy konserttik baǵ­dar­la­maǵa ulasyp, onda oblys­tyń ónerpazdary Aqseleý Seı­dimbektiń «Sary­arqa», «Dáý­­ren-aı!» ánderin shyrqap, «Qos­­ba­sar» kúıin oryndady.

 

QARAǴANDY

Sońǵy jańalyqtar

Álemdegi eń úlken muzdyq erip ketti

Ekologııa • Búgin, 11:05

15169 adam koronavırýs juqtyrdy

Koronavırýs • Keshe

Uqsas jańalyqtar