Oqıǵa • 29 Qarasha, 2021

Adam saýdasy úshin izdeýde júrgen ózbekstandyq elordadan ustaldy

107 ret kórsetildi

Nur-Sultan qalasynan adam saýdasyna qatysty aıypty bolǵan О́zbekstan azamaty ustaldy, dep habarlaıdy Egemen.kz.

«Ustalǵan er adam 2014 jyly О́zbekstannyń 6 azamatyn jalaqysy joǵary jumysqa turǵyzýǵa ýáde berip Qazaqstanǵa alyp keledi. Aıypty Almaty qalasyna jetkende otandastarynyń tólqujatyn tartyp alyp, olardy basqa adamdarǵa tapsyrady. Osylaısha atalǵan 6 azamat 7 aı boıy qıyn jáne aýyr jaǵdaıda jumys isteýge májbúr bolǵan. Sondaı-aq, ustalǵan azamattyń 2015 jyly adam saýdasy úshin О́zbekstan Respýblıkasynda 5 jylǵa bas bostandyǵynan aıyrylǵany belgili boldy», delingen habarlamada.

Elordalyq polısııa departamentiniń málimitine sáıkes, óz elinde bas bostandyǵynan aırylǵan azamat 2019 jyly sottyń sheshimimen jazanyń qalǵan bóligin shartty túrde óteý úshin bosatylǵan.

«Merziminen buryn bosatylyp, jazasyn shartty túrde ótep júrgen er adam Qazaqstan Respýblıkasynyń aýmaǵyna qashyp ketedi. Tıisinshe oǵan О́zbekstanda izdeý jarııalanady. Qazirgi ýaqytta sot sheshimimen er adam qamaýǵa alyndy, ony О́zbekstan Respýblıkasyna ekstradısııalaý máselesi sheshilýde», dep málimdedi departamentten.

Aıta keteıik, atalǵan kúdikti elordada ótip jatqan «Stop trafık» atty jedel-aldyn alý is-sharasy barysynda ustalyp otyr. Adam saýdasyna qatysty qylmystyń aldyn alý, anyqtaý jáne ashý maqsatyn kózdegen profılaktıkalyq shara Nur-Sultan qalasynda 22 qarasha men 1 jeltoqsan aralyǵynda ótedi.

 

Sońǵy jańalyqtar

UNESCO Ahmet Baıtursynulyn alqalady

Ahmet Baıtursynuly • Keshe

Aqańnyń «Álippesi»

Rýhanııat • Keshe

Bul – josparly jóndeý

Aımaqtar • Keshe

Kofe jáne ádebıet 7

Ádebıet • Keshe

Alyptar toıynyń aptalyǵy

Aımaqtar • Keshe

Melstiń muńy men mýzasy

О́ner • Keshe

Ańyzǵa aınalǵan áýlet

Qazaqstan • Keshe

Balalarǵa bazarlyq

Qoǵam • Keshe

Jas kompozıtorlar jarysy

О́ner • Keshe

Ahmet Baıtursynuly esimi Parıjde ulyqtaldy

Ahmet Baıtursynuly • Keshe

Uqsas jańalyqtar