Aımaqtar • 01 Jeltoqsan, 2021

Almatyda qalalyq Dostyq úıi ashyldy

66 ret kórsetildi

Búgin Almatynyń qalalyq Dostyq úıi saltanatty túrde ashyldy, dep habarlaıdy Egemen.kz.

Dostyq úıi elimizdiń Tuńǵysh Prezıdenti kúni ashyldy, bul Almatydaǵy etnomádenı birlestikterdiń barlyq ókilderi úshin úlken mańyzǵa ıe. Qazaqstan halqy Assambleıasyn qurýdyń bastaýynda Elbasy Nursultan Nazarbaev turdy. Tuńǵysh Prezıdent ulttyq tarıhqa degen qushtarlyq barlyq qazaqstandyqtardyń boıynda óz bastaýlarynyń birligi sezimin qalyptastyratynyn atap ótti.

Almaty – kóptegen erekshelikteri jáne túrli ólshemderi boıynsha biregeı qala. Eń aldymen, etnıkalyq, mádenı ártúrlilik boıynsha. Sondyqtan megapolıs ákimi Baqytjan Saǵyntaevtyń tapsyrmasy boıynsha ashylǵan qalalyq Dostyq úıi etnosaralyq dıalog, ózara is-qımyl jáne qoǵamdyq uıymdarmen yntymaqtastyq alańyna aınalady. Endi 36 etnomádenı birlestik bir shańyraq astynda bolady.

1

Jarokov kóshesinde ornalasqan keń ǵımaratta dástúrlerdi, tilderdi, mádenıetti saqtaý úshin barlyq jaǵdaı jasalǵan. 24 kabınet, konferens-zal, til synyby, bı zaly, medıasııa jáne qoǵamdyq kelisim keńesi kabınetteri, sondaı-aq qoǵamdyq qabyldaý bólmesi qarastyrylǵan.

Almaty qalasy Qazaqstan halqy Assambleıasy tóraǵasynyń qoǵamdyq orynbasary, «Ildash» tatar gýmanıtarlyq damý ortalyǵynyń tóraıymy Nurııa Nııazova Dostyq úıiniń ashylýy qalalyq etnomádenı birlestikter úshin tarıhı sát bolyp tabylatynyn atap ótti.

2

«Almaty ákimi Baqytjan Saǵyntaevtyń bizge, qalalyq Assambleıaǵa turaqty qoldaýynyń arqasynda kópten kútken ózimizdiń qalalyq Dostyq úıimiz ashylady. Bul Qazaqstan Respýblıkasy Táýelsizdiginiń 30 jyldyǵynda jáne Tuńǵysh Prezıdent kúnine oraılastyrylǵan. Osy múmkindikti paıdalana otyryp, búkil qalalyq Assambleıa atynan qalalyq etnomádenı birlestikter úshin osy mereıtoılyq syılyq úshin shynaıy alǵysymdy bildirgim keledi», dedi N. Nııazova.

Almaty qalasy QHA Qoǵamdyq kelisim keńesiniń tóraǵasy Ahmetjan Shardınov ortaq shańyraq astyndaǵy etnomádenı ortalyqtar megapolıstegi etnosaralyq kelisimdi saqtaý úshin odan ári jumys isteıtinin aıtty.

«Dostyq úıi – bul bizdiń qoǵamda ornyqqan úılesim men berik beıbitshilikti beıneleıtin sımvoldyq nyshan. Sondyqtan onyń ashylýy qalamyzda beıbitshilik pen kelisimniń saqtalýyna yqpal etetin taǵy bir faktor bolýy tıis. Qazaqstanda turatyn barlyq ult ókilderiniń arasyndaǵy beıbitshilik turaqty ekonomıkalyq ósimniń, Áleýmettik jáne mádenı progrestiń negizi bolyp tabylady», deıdi A. Shardınov.

О́z kezeginde, «Qazaqstandyq orys mádenı ortalyǵynyń» basshysy, Almaty qalasy QHA tóraǵasynyń orynbasary Vsevolod Lýkashev jańa qalalyq Dostyq úıi endi barlyq qaýymdar úshin etnosaralyq qatynastar salasyndaǵy odan ári jumys boıynsha naǵyz baǵdar bolady dep esepteıdi.

«Qalalyq Dostyq úıiniń ashylýy qazaqstandyq biregeılik pen jalpyulttyq birlikti nyǵaıtýǵa, Qazaqstannyń etnostyq toptarynyń dástúrlerin, tilderin, mádenıetterin saqtaý, etnosaralyq toleranttylyq pen qoǵamdyq kelisimdi qalyptastyrý boıynsha ortaq mindetterdi sheshýge, sondaı-aq Assambleıanyń maqsattary men mindetterine qol jetkizýde etnomádenı birlestikterdiń kúsh-jigerin biriktirýge yqpal etedi», dedi ol.

Sońǵy jańalyqtar

Ýtıl alymy ýaqytsha toqtatyldy

Ekonomıka • Búgin, 12:51

Elordada avtokólik aýdarylyp qaldy

Elorda • Búgin, 12:18

Dennı Dıgnam Jánibekpen jekpe-jekke daıyn

Kásipqoı boks • Búgin, 11:43

Dollar baǵasy arzandady

Ekonomıka • Búgin, 11:32

WBO Andradeni qorǵaýǵa kóshti

Kásipqoı boks • Búgin, 09:55

Uqsas jańalyqtar