Aımaqtar • 03 Jeltoqsan, 2021

Jambyl jastary Elbasy úndeýin qoldaıdy

56 ret kórsetildi

Tuńǵysh Prezıdent kúnine oraı M.H.Dýlatı atyndaǵy Taraz óńirlik ýnıversıtetinde Elbasy Nursultan Nazarbaevtyń «Eldiktiń jeti tuǵyry» atty jastarǵa arnalǵan úndeýi boıynsha ashyq dıalog ótti. Sharaǵa qatysýshylar áýeli «Eldiktiń jeti tuǵyry» atty jeti taqyryptaǵy kitap pen foto, kartınalar jáne jobalar kórmesimen tanysty. Sondaı-aq Elbasy týraly beınerolıkti tamashalady.

Jıynǵa qatysqan Jam­byl oblysynyń ákimi Berdi­bek Saparbaev Tuńǵysh Pre­zıdent kúni merekesiniń mańyzdylyǵyn jáne Nur­sul­tan Nazarbaevtyń el úshin sińirgen eńbegin atap ótti. О́z sózinde táýelsizdik jyl­daryndaǵy elimizdiń jáne oblystyń tolaıym tabystaryna da jan-jaqty toqtaldy. «Elbasy – elimizdegi tarıhı betburys tusynda táýel­sizdigimizdiń tuǵyrly, ege­men­digimizdiń eńseli bolýyna ólsheýsiz úles qosty. Táýelsizdik alǵan jyldan beri elimizdiń bir bólshegi retinde oblysymyz da áleýmettik-ekonomıkalyq damýdy bastan keshti. О́zderińiz bilesizder, jaqynda ǵana Nur Otan par­tı­ıasy Saıası keńesiniń keńeı­tilgen otyrysynda El­basy Nursultan Ábishuly Nazarbaev jańa dáýirdegi qazaqstandyqtarǵa baǵdar bolatyn «Eldiktiń jeti tu­ǵy­ry» atty qaǵıdattaryn usyndy. Olar: Táýelsizdik – kez kelgen azamat úshin eń qasterli qundylyq. Birlik pen kelisim – eldigimizdiń myz­­ǵymas tuǵyry. Jer – ata-baba murasy, halyq qa­zy­­n­asy. Otbasy men salt-dástúr – qoǵamnyń altyn diń­gegi. Ulttyq mádenıet – ha­lyqtyń rýhanı tiregi. Bilim men eńbek – baqýatty ómirdiń kilti. Pragmatızm – básekege qabiletti bolýdyń kepili. Bul qaǵıdattardyń halqymyz úshin, ásirese jas urpaq úshin mańyzy zor. Osy qundylyqtardy boıyna sińirý arqyly árbir jas jetistikke jetýge, qoǵamǵa paıdaly adam bolýǵa, qoǵam­nyń belsendi múshesi retinde ómirlik ustanymdaryn qa­lyp­tas­tyrýǵa umtylýy tıis. Bizdiń aldymyzda atal­ǵan qaǵıdattan týyndaıtyn asa úlken mindetter tur. Eń aldymen, qaǵıdatty oblys tur­­ǵyndary arasynda keń aýqym­dy túsindirý sharalaryn qolǵa alýymyz kerek. Búgingi kezdesýimiz de der kezinde uıym­dastyrylyp otyr. Osy baǵyttaǵy is-shara­lar barlyq óńirde, ujym­da óz jalǵasyn tabýy kerek», dedi B.Sapar­baev.

Sonymen qatar ákim táýel­sizdik jyldary memleket tarapynan jastarǵa kórse­tilip kele jat­qan aıryq­sha qoldaýlar týraly da aıtyp, erteńgi el tutqasy sanalatyn búgingi jastarǵa úlken senim artylatynyn jetkizdi. «Eńbek etseń erinbeı, toıady qarnyń tilenbeı», dep dana Abaı aıtqandaı, búgingi jastar eńbekke beıim, bilimge qush­­tar bolýy kerek. Kóp dú­nıe óskeleń urpaqqa baılanys­ty. Memleketimiz táýelsiz­dik­tiń alǵashqy jyl­­da­­rynan bastap jastar saıasa­tyna aıryqsha kóńil bólip keledi. Elbasymyzdyń bastamasymen «Bolashaq» baǵdarlamasy qolǵa alynyp, memleket ese­binen jastarymyzdy she­tel­derdegi eń úzdik oqý oryn­darynda oqytýǵa jaǵ­daı jasaldy. Mundaı múmkindik basqa eshqandaı elde joq», dedi B.Saparbaev.

Budan keıin, ashyq  dıa­log­­qa qatysýshylar ár adam rýhanı jańǵyrýdy ózi­nen bastaý kerektigi jaıynda pikir almas­ty. Ol úshin ba­la­ǵa erte jas­tan durys tárbıe berý, óziniń ana tilin úıretý, ǵasyrlar boıy jasap kele jatqan ult­tyq qun­dylyqtardy sanasyna sińi­rý, úzdiksiz bilim alý men tynymsyz eńbek etý kerek­tigi de aıtyldy. Jıyn­­­ǵa qa­­ty­sýshy jas­tar da El­ba­­­sy­­nyń júktegen min­de­t­teri ózderine úlken se­nim, ji­­ger syılaıtynyn jet­kiz­­di. Máselen, «Eýrazııa álemi – jastardyń ǵylymı izdenisinde» halyqaralyq ǵyly­mı baıqaýynyń jáne respýblıkalyq ǵylymı-ın­novasııalyq jobalar baı­qaýynyń jeńimpazy Mar­jan Qalmahanova, Sý sharýa­shylyǵy, ekologııa já­ne qurylys ınstıtýtynyń stý­denti, Enactus Kazakhstan National Expo-2021 jary­synyń jeńimpazy Donıor Sharahmonov, M.H.Dýlatı atyndaǵy Taraz óńirlik ýnı­ver­sıteti «Ustaz» ınstı­tý­tynyń stýdenti, respýb­lıkalyq ǵylymı Science slam baıqaýynyń jeńimpa­zy Aleksandr Skalkın, atal­ǵan oqý ordasynyń «Jýrna­lıstıka» mamandyǵynyń stýdenti, «Qasıetti Qazaq eli» halyqaralyq festıvaliniń bas júldegeri Jumataı Kók­sýbaı, sambodan Azııa chempıony, álem chempıonatynyń qola júldegeri, elimizde ótken XI jazǵy ýnıversıadasynda qazaq kúresiniń jeńimpazy atanǵan Aıazbek Elızat jáne taǵy da basqa jas­tar oılaryn ortaǵa salyp, jastardy qoldaýǵa qatysty usynys-pikirlerin bildirdi. Bul rette B.Saparbaev erkin dıalog barysynda aıtylǵan barlyq usynystyń nazar­ǵa alynatynyn atap ótti.

Kezdesýde óńirdiń táýel­siz­dik jyldardaǵy damý tarıhy týraly beınerolık kórse­tildi. Sonymen qatar M.H.Dýlatı atyndaǵy Taraz óńirlik ýnıversıtetiniń oqy­týshy-professorlary já­­ne stýdentteri marapattaldy. Birqatar stýdentke Nur Otan partııasynyń múshelik bıletteri tabystaldy.

Ashyq dıalog aıasynda ýnıversıtet jastary elimiz­diń Tuńǵysh Prezıdenti Nursul­tan Nazarbaevtyń «Eldiktiń jeti tuǵyry» qaǵıdattary boıynsha el jastaryna ún­deý arnap, Shymkent qala­syndaǵy M.Áýezov atyn­daǵy ýnıversıtettiń stýdent­terine chellendj joldady.

 

Jambyl oblysy

Sońǵy jańalyqtar

Elordadaǵy JEO-3 bıyl iske qosylady

Elorda • Búgin, 11:10

Almatyda epıdahýal kúrdelenip barady

Koronavırýs • Búgin, 11:00

«Omıkronnyń» bastapqy belgileri qandaı?

Koronavırýs • Búgin, 10:50

Dúısenbige arnalǵan aýa raıy boljamy

Aýa raıy • Búgin, 09:25

«Sary» aımaqta Túrkistan oblysy tur

Koronavırýs • Búgin, 09:10

Oıyn-saýyq ortalyqtary jumysyn toqtatty

Koronavırýs • Búgin, 09:00

Jetisýda juqpaly indettiń ekpini qatty

Koronavırýs • Búgin, 08:57

Koronavırýs qaıta kúsheıdi

Koronavırýs • Búgin, 08:54

Ońtaılysy – onlaın oqý

Aımaqtar • Búgin, 08:53

Qyzmet túrleriniń tizbesin keńeıtti

Ekonomıka • Búgin, 08:50

Sapa artpaıynsha, sýbsıdııa joq

Aımaqtar • Búgin, 08:45

Koronavırýs qaıta órshidi

Álem • Búgin, 08:42

Antıbıotıkti orynsyz qoldaný qaýipti

Medısına • Búgin, 08:35

Vırýs juqtyrý azaımaı tur

Koronavırýs • Búgin, 08:30

Asyǵys sheshim

Qazaqstan • Búgin, 08:15

Kómek kórsetiledi

Qoǵam • Búgin, 08:10

Qor strategııasy ázirlenedi

Qazaqstan • Búgin, 08:00

Uqsas jańalyqtar