Qazaqstan • 07 Jeltoqsan, 2021

Elbasy júregindegi sóz

67 ret kórsetildi

Táýelsizdigimizdiń 30 jyldyǵynyń qarsańynda Qazaqstan Respýblıkasynyń Tuńǵysh Prezıdenti – Elbasy Nursultan Ábishuly Nazarbaevtyń «Táýelsizdik taǵylymy» atty maqalasy jarııalandy. Babalarymyz armandaǵan eldik pen erkindiktiń sımvoly bolyp jalǵasqan uly armany – Táýelsizdik edi. Ulan-ǵaıyr zamandardyń tarıhı kartınasyn Elbasy maqalasynan kóresiń. Saqtar men ǵundar, odan soń túrki halqy Uly dalada óz memleketin qurdy.

Elbasy daýyldar men dabyldar, «jan alysyp, jan berisken», «egeýli naıza» ustaǵan yqylym zamandardan beri ultymyzdyń baǵa jetpes ózindik dástúrleri men ǵurpyn, erkindiktiń rýhy men rýhanı keńistigin, ǵajaıyp tili men sulý sazyn saqtap qalǵan qasıetterin tebirene jazady.

Ǵasyrlar toǵysynda adamzat tarıhynda, onyń ishinde Qazaqstan tarıhynda erekshe orny bar Táýelsizdik salmaǵyn kóterý óz taǵdyryna tıesili ekenin joǵary jaýapkershilikpen jet­kizedi. Árıne Elbasy júregindegi sóz – tarıh sózi, zaman sózi, urpaq sózi.

Rasynda, Elbasy jazǵandaı Qazaq­stan halqy «bir jaǵadan bas shyǵardy». Ortaq maqsat úshin nebir qıyndyqtardy jumyla jeńdi, ulttyq birlik pen tatý­lyqqa qol jetkizdi. О́tken tarıh – ketken tarıh emes. Ol – ult jadynda, ur­paq sanasynda qalatyn qıyn, zobalań jyl­darǵa ulasqan tarıh bolsa da, babalar armanyn júzege asyrǵan tarıh.

Maqalada Elbasy halyq rýhyna bas ıedi. Qıynshylyqqa kóndi, biraq moıyǵan joq, úmiti úziler jerde – bolashaqqa sendi, keri emes – alǵa júrdi. Uly Otan soǵysy jyldarynda Otan úshin ot keshti. Keńes Odaǵynyń tarıhı joldaryna sholýdy da osy maqaladan taba alasyń. О́tken ǵasyrdyń 70-jyldaryndaǵy jaǵdaı, odan keıin Gorbachevtik «qaıta qurý» saıasaty da qalaı kúıregenin Elbasy ashyq jazady.

Bul – taǵylymdyq maqala. Bul – Táýelsizdik jolynyń jylnamasy. Otyz jyl boıy Elbasy óziniń búkil ǵumy­ry men saıasaty halyq taǵdyryn, ult taǵdyryn, táýelsizdikti saqtaýǵa arnal­ǵanyn eline, jas urpaqqa syr etip aıta­dy. Sonyń nátıjesinde, Qazaqstan órke­nıetti elderdiń qataryna qosylyp otyr.

Maqala ulttyq murattarymyzdy saralaıdy. Bolashaq jolymyzdy aıǵaq­taıdy. Elbasy júreginen shyqqan sóz tarıhılyǵymen, shynaıylyǵy­men erekshelenedi. О́zi qurǵan jáne qalyptas­tyrǵan Táýelsizdik qundylyqtarynyń ulttyq biregeılik pen ulttyq tatýlyq sımvoly retinde, tarıhı jádiger retinde qala beredi. Elbasy joly – Qazaqstan joly ekenine kóz jetkizesiń.

 

Baqytjan JUMAǴULOV,

Parlament Senatynyń depýtaty

Sońǵy jańalyqtar

Elimizde kıik sany kóbeıip keledi

Qazaqstan • Búgin, 14:41

ShQO-da elikti atqan brakoner sottaldy

Qoǵam • Búgin, 11:20

Shýchınskide bazar órtendi

Oqıǵa • Búgin, 09:27

Ań patshasy kóbeıdi

Ekologııa • Búgin, 07:42

Uqsas jańalyqtar