Turǵyndarǵa berilgen baspana

Mundaı sharalar Taraz qalasy men aýdandarda da jalǵasýda. Atalǵan joba aıasynda Taraz qalasyndaǵy birqatar jomart azamat ta «Shalǵaı Qarasý» tur­ǵyn alabynan qaralǵan jer te­liminen 15 úıdiń qurylysyn bastaǵan bolatyn. Jýyrda el Táýelsizdiginiń 30 jyldyǵyna oraı, jeti úı paıdalanýǵa be­rildi. Qalǵan segiz úıdiń de qu­rylysy jyl sońyna deıin aıaq­­talady dep josparlanǵan. Oblys ákimi B.Saparbaev taraz­dyqtardyń qýanyshyna ortaq­tasyp, qonystoı ıelerin arnaıy kelip quttyqtady.

«Ejelden beri eldik murat­ty, ulttyq qundylyqtardy erekshe dáriptegen halqymyzda ǵasyrlar boıy kisiliktiń kórkem úlgileri qalyptasqan. «Jumy­la kótergen júk jeńil» degendeı, qolda baryn bir-birimen bó­lisip, birine-biri qamqor, tileý­les bolǵan ulttyń ulylyǵy da osynda. Qazaq topyraǵynda qa­lyp­tasqan «Asar» ıgi dástúri so­nyń bir aıǵaǵy. Búginde ulttyń bolmysyndaǵy osy bir erekshe qasıet oblysymyzda jańǵyryp, jalǵasyn taýyp, týǵan-týystar men aýyldastar jıylyp muqtaj jandarǵa kómek qolyn sozýda. Oǵan jergilikti bılik te atsalysýda. Biz sonaý asharshylyq jáne soǵystan keıingi qıyn jyldary da bir-birimizge qol­ǵabys bildirip, birligimizden aıyryl­maǵan elmiz. О́zge ult ókil­derin de baýyrymyzǵa basyp, meıirimdilik tanytqanbyz. «Asarlatyp úı salý» jobasynyń maqsaty muqtaj jandarǵa úı salyp berý ǵana emes, ózara bir­ligimiz men yntymaǵymyzdy, qoǵam­daǵy ózara kelisimdi, qam­qorlyqty arttyrýǵa negiz­del­gen», dedi B.Saparbaev.

Sondaı-aq oblys ákimi qonys­toı ıelerine baspana kiltterin tapsyryp, úılerdiń qurylysy­na atsalysqan barsha azamattar­ǵa, jeke kásipkerler men qala basshylyǵyna rızashylyǵyn bil­dirdi. B.Saparbaev óz sózinde «Jomart túlek», «Tarazǵa tar­tý» sekildi jobalary aıasyn­da demeýshiler esebinen atqa­ry­lyp jatqan jumystardyń nátı­jelerine de toqtaldy.

Baspanaly bolǵan turǵyndar atynan Aıda Abdezova sóz alyp, ózi sekildi talaı jyl páter jaldap kelgen otbasylar, kópbalaly analar úshin bul úlken kómek, tamasha tartý ekenin aıtyp, oblys basshylyǵyna jáne bul iske atsalysqan barsha jandarǵa alǵys aıtty. Búginde atalǵan tur­ǵynjaı alabynda ınjenerlik-ınfraqurylymdyq máseleleri de ońynan sheshilýde. Eń basty­sy, jaryq pen gaz tartylǵan. ­Ke­lesi jyly taza aýyz sý men jol má­se­lesi túbegeıli sheshiletin bo­la­dy. Jaqyn mańnan jańa mektep te salynýda. Paıdalaný­­ǵa be­rilgen úsh bólmeli ár úıdiń aýmaǵynda segiz sotyq jeri bar. Al úılerdiń aýlalaryna taq­­­­tatastar tóselip, qorshaý da orna­­tylǵan. Sonymen qatar ár ból­me qajetti jıhazdarmen jab­dyqtalyp, turmystyq zattar­men de qamtylǵan.

Jalpy, oblys boıynsha «Asar­latyp úı salý» jobasy aıasyn­da byltyr 99 úı salyn­sa, bıyl 133 úı turǵyzý jos­par­lanǵan. Al búginge deıin 75 úı­diń qurylysy aıaqtalǵan. Qal­ǵan úıler jyl sońyna deıin paı­da­lanýǵa beriledi. Budan ke­ıin oblys ákimi B.Saparbaev atal­ǵan turǵyn alapta salynyp jat­qan 600 oryndy jańa mek­teptiń qurylysyn baryp kórdi. Merdiger – «Temir Stroı servıs ı Ko» JShS. Búginde qurylys ju­mystarynyń basym bóligi aıaq­talǵan. Atalǵan nysan kelesi jyl­dyń basynda paıdalanýǵa be­rilmek. О́z sózinde B.Saparbaev jumysty sapaly ári jedeldetip júrgizýdi tapsyrdy. Sonymen qa­tar bilim oshaǵynyń ishki jáne syrt­qy árleý jumystaryna aıryqsha den qoıý kerektigin basa aıtyp, jaýaptylarǵa naqty tapsyr­ma berdi.