Úkimet • 07 Jeltoqsan, 2021

Senatorlar sot júıesi týraly zań jobalaryn talqylady

22 ret kórsetildi

Senator Vladımır Volkovtyń tóraǵalyq etýimen Senattyń Konstıtýsııalyq zańnama, sot júıesi jáne quqyq qorǵaý organdary komıtetiniń keńeıtilgen otyrysy boldy, dep jazady Egemen.kz.

Onda senatorlar Parlament depýtattarynyń bastamasymen ázirlengen sot júıesin odan ári reformalaý týraly zań jobalaryn qarady.

«Qazaqstan Respýblıkasynyń sot júıesi men sýdıalarynyń mártebesi týraly» Qazaqstan Respýblıkasynyń Konstıtýsııalyq zańyna ózgerister men tolyqtyrýlar engizý týraly» Konstıtýsııalyq zań jobasynda sýdıalar korpýsynyń kásibı biliktiligin kóterý, tar aıadaǵy quqyq salalary boıynsha mamandanǵan sarapshylardy sot júıesine tartý jáne sýdıalardyń jaýapkershiligi men táýelsizdigin arttyrýdy kózdeıtin birqatar túzetýler bar.

«Qazaqstan Respýblıkasynyń keıbir zańnamalyq aktilerine sot júıesiniń máseleleri boıynsha ózgerister men tolyqtyrýlar engizý týraly» zań jobasy arqyly qoldanystaǵy zańnamany Konstıtýsııalyq zańǵa engiziletin ózgeristerge sáıkes keltirý kózdelip otyr. Qujatta sonymen qatar Joǵary Sot Keńesiniń sýdıalardyń bos laýazymdaryna kandıdattardy taǵaıyndaý máselelerin qaraý, sottardy qarjylandyrýdyń jańa úlgisin belgileý jáne sot júıesiniń táýelsizdigin qamtamasyz etý úshin sýdıalar qoǵamdastyǵy organdarynyń qarjy bólý jónindegi ókilettikterin keńeıtý týraly tolyqtyrýlar qamtylǵan.

Qaralǵan zań jobalarynyń úshinshisi daýlardy sottan tys jáne sotqa deıin retteý ınstıtýttaryn damytýǵa, sondaı-aq azamattyq is júrgizý zańnamasyn jetildirýge baǵyttalǵan. Ol jańalyqtar «Qazaqstan Respýblıkasynyń keıbir zańnamalyq aktilerine azamattyq prosestik zańnamany jetildirý jáne daýlardy sottan tys jáne sotqa deıingi retteý ınstıtýttaryn damytý máseleleri boıynsha ózgerister men tolyqtyrýlar engizý týraly» zań jobasynda jazylǵan.

Otyrys qorytyndysy boıynsha zań jobalaryn Palatanyń qaraýyna jiberý týraly sheshim qabyldandy.

 

Sońǵy jańalyqtar

Ýtıl alymy ýaqytsha toqtatyldy

Ekonomıka • Búgin, 12:51

Elordada avtokólik aýdarylyp qaldy

Elorda • Búgin, 12:18

Dennı Dıgnam Jánibekpen jekpe-jekke daıyn

Kásipqoı boks • Búgin, 11:43

Dollar baǵasy arzandady

Ekonomıka • Búgin, 11:32

Uqsas jańalyqtar