Qazaqstan • 08 Jeltoqsan, 2021

Jastar táýelsizdiktiń qadirin túsinse ıgi

61 ret kórsetildi

Táýelsiz memleketimizdiń 30 jylda júrip ótken joly orda buzar jastaǵy azamattyń ǵumyrymen teń. Osy ýaqyt aralyǵynda Elbasynyń atqarǵan isteri, kótergen bas­tamalary Qazaqstannyń zamanaýı jylnamasynda oıyp turyp oryn alaryna shák keltirmeımin. Tuńǵysh Prezıdenttiń taǵylymdy maqalasynda, ásirese, jastar den qoıyp, oqıtyn qundy dúnıe az emes.

Egemendiktiń alǵashqy jyl­dary jaqsy esimde. 1991 jyly Qy­zyl armııa qataryna shaqy­ry­lyp, 1993 jyly Táýelsiz Qazaq­stan­nyń Qarýly kúshteriniń qura­mynda boryshymdy ótep shyq­tym. Sol kezeńde elimizdegi jaǵ­daı qandaı edi? Odaq taraǵan boıda ónerkásip oryndarynda óndiris turaqtap, aýyl sharýashy­ly­ǵy­nyń jaǵdaıy múshkil bola­tyn. Jumyssyzdyq beleń aldy. Kópshilik menen «30 jylda a­t­qarylǵan sharýaǵa qandaı baǵa berer ediń» dep suraǵanda aıta­rym, bul ýaqytta iske asyrylǵan aýqymdy jumystyń barlyǵy Nursultan Ábishuly Nazarbaevtyń atqarǵan qajyrly eńbegi men salıqaly saıasatynyń jemisi. О́z basym Elbasy qolǵa alǵan barlyq iske zor qurmetpen qaraımyn!

Nursultan Nazarbaev óz maqa­lasynda aıtqandaı, biz – kóshpendi halyqtyń urpaǵymyz. Osyndaı ulan-ǵaıyr dalany bizge amanattap, tabystaǵan babalarymyzdyń aldynda boryshtarmyz. Kólemdiligi jaǵynan álemde 9-oryn alatyn memleketti qanattyǵa qaqtyrmaı, tumsyqtyǵa shoqyttyrmaı ustaý ońaı emes.

Ras, qazir dúnıe júzinde óz al­dy­na tý tigip, memleket qurýdy ar­­man­­dap otyrǵan halyqtar qan­shama?! Sondyqtan da bardy bar dep baǵalaǵanymyz durys dep esepteımin.

Ásirese, atalǵan maqalany jas­tar zeıin qoıyp, oqyp shyqsa artyq bolmaıdy. Búgingi jastar baqytty urpaq dep aıtýǵa tolyq negiz bar. Nege deseńiz, olardyń qazir kez kelgen memleketke saıa­hattap, bilim alyp, ozyq ıdeıa­laryn júzege asyrýǵa tolyq múm­kindigi bar. Mine osynyń bári ege­mendiktiń jemisi demeı ne deı­siz? Táýelsizdik ońaı jolmen kel­medi. Sondyqtan osy baǵymyzǵa buıyr­ǵan derbestigimizdi saqtap, ony keler urpaqqa amanattaý – siz ben bizdiń paryzymyz. Elimizdiń bolashaǵy jarqyn bolsyn desek, ózgeristi ár adam aldymen ózinen bastaǵan lázim. Búgingi urpaq zama­naýı Qazaqstannyń jylnamasy qalaı bastalǵanyn bilse, elimizden jyraqtamaı, ony órkendetý úshin atsalysady degen oıdamyn.

 

Qýanysh SÚLEIMENOV,

Qazaq Aqbas respýblıkalyq palatasynyń tóraǵasy

Sońǵy jańalyqtar

Elordada Ulttyq Onim kórmesi ashyldy

Elorda • Búgin, 16:52

Dollar 425 teńgeni qurady

Qarjy • Búgin, 16:33

Aqtóbede jol apatynan eki adam qaza tapty

Aımaqtar • Búgin, 13:35

Uqsas jańalyqtar