Aımaqtar • 08 Jeltoqsan, 2021

Toqsannyń tórinde

128 ret kórsetildi

Qazynaly Qaraǵandy óńiriniń shejiresin toqsan jyldan beri túzip kele jatqan qos basylym – «Ortalyq Qazaqstan» jáne «Indýstrıalnaıa Karaganda» gazetteriniń mereıtoıy keń kólemde atalyp ótti.

Is-shara ótken Sáken Seıfýllın atyndaǵy oblystyq akademııalyq qazaq teatrynyń foıesinde búginde «Saryarqa aqparat» medıaholdınginiń qaramaǵyna kóshken qos basylymnyń tarıhynan syr shertken kórme toıǵa kelgen qonaqtardyń kózaıymyna aınaldy.

Saltanatqa arnaıy kelip qatysqan oblys ákimi Jeńis Qasymbek sahna tórinen quttyqtaý sózin aıtyp, izgi tilegin joldady.

– Toqsan jyldan beri jaryq kó­rip kele jatqan «Ortalyq Qazaqstan» men «Indýstrıalnaıa Karaganda» gaze­tteriniń mereıtoıy Táýelsizdiktiń 30 jyldyǵy merekesimen tuspa-tus kelip otyr. Qos basylymnyń el múd­desi jolyndaǵy eńbegi zor. Alash qaıratkeri Mirjaqyp Dýlatovtyń «Qaı eldiń baspasózi myqty bolsa, sol eldiń bolashaǵy da myqty» degen sózi bar. Otandyq massmedıanyń bedeli el damýyna tikeleı yqpal etedi. Sondyqtan da aqparat quraldaryna jan-jaqty qoldaý kórsetý – ýaqyt talaby. Oblysymyzda bul baǵytta atqarylyp jatqan birqatar is bar. Jyl saıyn sala úzdikterine oblys ákiminiń arnaıy syılyǵy berilip keledi. Aldaǵy ýaqytta ashylatyn «Qasym úıi» de rýhanııattyń ortalyǵyna aınalyp, ol jerden Jýr­nalıster odaǵynyń fılıaly da oıyp oryn alady. Qalyń oqyrmany qalyptasqan eki gazet búginde «Saryarqa aqparat» medıaholdıngi quramynda jemisti qyzmet etýde. Bıyl qos gazettiń «Altyn suńqar» syılyǵyn ıelenýi – osynaý eńbekke berilgen shynaıy baǵa, – dedi óńir basshysy.

Saltanatty keshke oblys ákimi qur qol kelmegen eken. О́ziniń quttyqtaý sózinde ol qaraǵandylyq jýrnalısterge baspana alýǵa arnaıy kvota bólinetinin málim etip, qalam ustaǵan qaýymǵa qýanyshty habardy jetkizdi.

Sonymen birge bul keshte qos ga­zettiń ujymyna Parlament Májilisiniń Tóraǵasy Nurlan Nyǵma­týlınniń, Pre­zıdent Ákimshiliginiń basshysy Er­lan Qoshanovtyń, Aqparat jáne qoǵam­dyq damý mınıstri Aıda Balaevanyń arnaıy joldaǵan quttyqtaý hattary oqyldy.

Qos basylym­nyń mereıtoıyna arnaıy kelgen «Egemen Qazaqstan» RG» AQ basqarma tór­aǵasynyń orynbasary Aıbyn Shaǵa­laq, tóraǵa Darhan Qydyráliniń quttyq­taýyn jetkizdi.

Keshtiń qurmetti qonaǵy Qazaqstan Jýr­nalıster odaǵynyń bas­qarma tór­aǵasy Seıitqazy Mataev Qara­ǵandyda eń­­bek etken jyldaryn eske alyp, qa­la­nyń ózi úshin qashanda ystyq ekenin aıtty.

Budan keıin aımaq jýrnalıs­tıka­synyń damýyna súbeli úles qosyp, san­daǵan shákirt tárbıelegen qart qa­lam­ger Aman Janǵojın, «Ortalyq Qa­­zaq­stan» gazetiniń tilshisi Álibek Ábdi­rash, «Indýstrıalnaıa Karaganda» gaze­tiniń ardageri Andreı Pýhalskıı «Qazaq­stannyń Qurmetti jýrnalısi» ataǵymen marapattaldy.

«Ortalyq Qazaqstan» gazetiniń bas redaktory Ersin Musabek pen belgili fototilshi Valerıı Petýhovqa Qazaqstan Jýrnalıster odaǵynyń Altyn medali tabys etildi.

Sondaı-aq saltanatty keshte Pre­zıdent Ákimshiligi basshysynyń Al­ǵys hatyna «Ortalyq Qazaqstan» gaze­tiniń bólim meńgerýshisi Jansaıa Omar­bek, «In­dýstrıalnaıa Karaganda» basy­ly­mynyń tilshisi Svetlana Svıch ıe boldy. «Ortalyq Qazaqstan» gazetiniń ardageri Súıindik Janysbaı, «Indýstrıalnaıa Karaganda» gazetiniń bas redaktory Oksana Mıagkıh pen «Or­talyq Qazaq­stan» gazeti bas redaktorynyń orynbasa­ry Ilııas Muqaı Aqparat jáne qoǵam­dyq damý mınıstrliginiń «Aqparat sala­sy­nyń úzdigi» tósbelgisimen marapat­taldy.

Aqparat jáne qoǵamdyq damý mınıs­triniń Alǵys hatyn «Ortalyq Qazaqstan» gazetiniń bet qattaýshysy Shynar Adam­bekova jáne «Indýstrıalnaıa Ka­ra­gan­da» basylymynyń tilshisi Samal Shıl ıelendi.

Qaraǵandy oblysy ákiminiń Qurmet gramotasy «Ortalyq Qazaqstan» gazetiniń bólim meńgerýshisi, aǵa dızaıner-bet qattaýshy Maral Áınekovaǵa, «Ortalyq Qazaqstan» gazetiniń ardager jýrnalısi Aman Janǵojınge, «Indýstrıalnaıa Karaganda» basylymynyń aǵa dızaı­ner-bet qattaýshysy Iýrıı Bılýshen­koǵa, «Indýstrıalnaıa Karaganda» basyly­mynyń tilshisi Ásel Jetpisbaevaǵa jáne korrektory Baǵdat Nurmaǵambetovaǵa tabys etildi.

Qazaqstan Jýrnalıster odaǵynyń Qurmet gramotasymen «Ortalyq Qazaq­stan» gazetiniń bólim meńgerýshileri Já­lel Shalqar, Aıaýlym Sovet jáne gazet til­shisi Nurdos Kárim, «Indýstrıalnaıa Ka­raganda» basylymynyń dızaıner-bet qat­taýshysy Dmıtrıı Mehaev mara­pat­taldy.

Odan keıin Maǵaýııa Sembaı atyn­­­daǵy oblystyq baıqaýdyń jeńim­paz­dary retinde belgili qalamger Tóleý­baı Ermekbaev pen «Ortalyq Qazaqstan» gazetiniń jaýapty hatshysy Qyzǵaldaq Aıtjanova arnaıy júldege ıe boldy.

Saltanatty jıyndy túıindegen «Saryarqa Aqparat» medıaholdınginiń dırektory Qambar Ahmetov qos gazettiń ýaqyt talabyna saı qyzmet etip kele jatqanyn aıtty.

 

QARAǴANDY

Sońǵy jańalyqtar

Elimizdiń eki oblysynda úsik júredi

Aýa raıy • Búgin, 15:18

Aqtaýdyń jańa ákimi taǵaıyndaldy

Aımaqtar • Búgin, 12:58

О́zbekstanda qazaqstandyq zaýyt ashyldy

Ekonomıka • Búgin, 12:22

Japonııada jer silkindi

Álem • Búgin, 10:22

32 qazaqstandyq indetten saýyqty

Koronavırýs • Búgin, 09:14

Koronavırýs juqtyrý jaǵdaılary azaıdy

Koronavırýs • Búgin, 09:12

AQSh – álem chempıony

Sport • Búgin, 07:59

El chempıondary anyqtaldy

Tennıs • Búgin, 07:57

Álem kýbogynda top jardy

Sport • Búgin, 07:55

Uqsas jańalyqtar