Koronavırýs • 09 Jeltoqsan, 2021

Indet kezinde tynyshtyq ta em

90 ret kórsetildi

Qazir Pavlodar óńiri «sary aımaqqa» ótip, epıdemıologııalyq ahýal birtindep turaqtalyp keledi. Degenmen oblystyq sanıtarlyq-epıdemıologııalyq baqylaý departamentiniń málimetinshe, Baıanaýyl aýdanynan basqa, Aqqýly aýdany jáne Ekibastuz qalasy «qyzyl aımaqta» qalyp otyr. О́tken aptada indet juqtyrǵan 56 091 naýqas tirkelse, 30 999 naýqas – oblys ortalyǵynyń turǵyndary.

Al «sary aımaqqa» Pavlodar jáne Aqsý qalalary, Ýspen, Te­reń­kól, Jelezın jáne Ertis aýdan­dary ótse, «jasyl aımaq­qa» Aq­toǵaı, Pavlodar, Maı, Shar­baqty aýdandary engen.

Sońǵy táýlikte indet juq­tyrǵan 87 adam tirkelgen (Pav­lodarda – 50, Ekibastuzda – 15, Aq­sýda – 6 adam), onyń 85-i derttiń sımp­tomdyq túrine shaldyqqan. Qazir oblys boıynsha stasıonarda 731 adam emdelýde.

– Jalpy, aýrýhanalardaǵy tósektik oryndar sany 25 paıyzǵa qysqartyldy. Qazir 342 myńnan astam adam 1 komponentpen egil­se, 317 myńnan astam adam eki kom­po­nentti qabyldaǵan. Oblys­qa eki komponentti Pfizer vak­sınasynyń 29 250 dozasy áke­lingen. Búginde ekpe alǵan 1 726 adamnyń 1 155-i – jas­óspirim, 61-i – júkti áıel, 510 áıeldiń emizýli balasy bar. Oblysta revaksınalaý bastalǵaly 654 adam ekpe alǵan, 58 júkti áıel em qabyldaýda, 54 bala medısınalyq baqylaýda, – dedi oblystyq densaýlyq saqtaý basqarmasynyń  bólim basshysy Erǵaly Asylbek.

Oblys ortalyǵyndaǵy temir­jol aýrýhanasyndaǵy emdeý oryndary jabylsa, №3 qalalyq aýrý­hanada tósek sany azaıtyldy. Epıdemıologtardyń baǵalaýy bo­­ıynsha, óńirde syrqattanýdyń ap­talyq ósimi 22-28 qarasha ara­ly­­ǵynda 684 jaǵdaıdy, 29 qarasha men 5 jeltoqsan aralyǵynda 596 jaǵ­daıdy quraǵan. Oblystyń vırý­so­­logııalyq zerthanalary sońǵy táý­likte 616 PTR test ótkizdi, óńirde bar­lyǵy 855 310 zertteý júrgizildi.

Biraq monıtorıngtik top ka­rantın talaptaryn buzǵan ny­sandardyń azaımaı turǵanyn anyq­taýda. Mysaly 3-6 jel­toq­san aralyǵynda reıdtik is-shara­larmen 72 shaǵyn jáne orta bıznes nysany tekserilgen.

Qalalyq máslıhat depýtattary jáne Namys-PVL qoǵam­dyq uıymynyń ókili Man­sur Belgibaevpen birlesken mo­nı­torıngtik toptyń jumysy  jal­ǵasýda. Nátıjesinde, oblys or­talyǵyndaǵy «Halyqqa qyzmet kórsetý ortalyǵy», «Sberbank» AQ, «Manaqbaı», «Otaý» saýda úıleri, Royall hall meıramhanasy jáne basqa da nysandarda 12 shekteý sharalary tártibin buzýshylyq anyqtaldy. Sonymen birge indet kezinde áıelderge qatysty quqyq buzýshylyq ta baıqalǵan. Ýspen aýdany ákiminiń orynbasary Sáýle Júnispaeva ishki ister, ishki saıasat, sondaı-aq áleýmettik qorǵaý ókilderiniń qatysýymen zorlyq-zombylyqtan áıelder quqyǵyn qorǵaý jónindegi komıssııanyń otyrysyn ótkizdi. Aýdandyq ıývenaldy polısııanyń aǵa ınspektory Damıra Býkaevanyń aıtýynsha, is-shara barysynda áıelderge qatysty qylmystar men quqyq buzýshylyqtardyń, otbasyndaǵy zorlyq-zombylyqtyń aldyn alý máseleleri talqylandy. О́ıtkeni indet taraǵan ýaqytta otbasynda tynyshtyq, tatýlyq asa qajet. Otbasyndaǵy tynyshtyq – rýhanı em, kóńil qýanyshy, balalar úshin baqytty ómir syılaıdy.

 

Pavlodar oblysy

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar