Elorda • 09 Jeltoqsan, 2021

Elorda ákimdigi bıyl 5 myń azamatty qabyldady

45 ret kórsetildi

Nur-Cultan qalasynyń ákimi Altaı Kólginov óziniń Instagram paraqshasynda qala turǵyndarynyń azamattardy qabyldaý kezinde qandaı suraqtar qoıatynyn aıtyp berdi, dep habarlaıdy Egemen.kz. 

«Bıyl áriptesterimizben birge 5 myń qala turǵynyn qabyldadyq. Suraqtardyń bir bóligin qabyldaý barysynda sheshsek, qalǵandaryn nazarymyzǵa alamyz. Búgin onlaın-qabyldaýda taǵy 14 otbasy qabyldandy. Problemalardy sheshýge júıeli negizde qaraımyz. Kelip túsken máselelerdi, qala turǵyndarynyń usynystaryn eskere otyryp, elordany damytý josparyna engizemiz. Máselen, negizinen áleýmettik turǵyn úı, mektepter, medısınalyq ortalyqtar salý, aýdandardy abattandyrý, gazdandyrý, uzaq qurylystardy aıaqtaý jáne t.b. máseleler túsedi», dep jazdy Elorda ákimi.

Sondaı-aq, Altaı Kólginov áleýmettik salada júrgizilip jatqan qurylys barysyn da aıtyp ótti.

«Prezıdenttiń tapsyrmasy boıynsha áleýmettik nysandar qurylysynyń kólemin jyl saıyn arttyrý boıynsha jumys júrgizip jatyrmyz. Máselen bıyl 10 myń áleýmettik páter, 40 myń oqýshy ornyna arnalǵan 15 mektep, 200 aýla jáne qoǵamdyq keńistikter (saıabaqtar, gúlzarlar, jelekjoldar) salyndy, «úı mańyndaǵy dáriger» nysandaryn, dene shynyqtyrý-saýyqtyrý keshenderin ashtyq, 9 eldimekende gaz taratý jelileri salynyp, iske qosyldy, qurylysy uzaqqa sozylǵan 57 úı aıaqtalmaq jáne t.b.

Sondaı-aq, Memleket basshysynyń «halyq únine qulaq asatyn memleket» tujyrymdamasy aıasynda ózara baılanysty nyǵaıtýǵa áleýmettik ortalyqtar kómektesedi. Olardyń qatarynda «Januıa» otbasy ınstıtýtyn qoldaý ortalyǵy, turǵyn úı salasynda qyzmet kórsetetin biryńǵaı ortalyq, iQala ortalyǵy, jastarǵa qyzmet kórsetý ortalyǵy bar. Jalpy alǵanda, tek bıyldyń ózinde atalǵan ortalyqtar qala turǵyndary tarapynan túsken 150 myńǵa jýyq ótinishti óńdedi.

Elordany «Nur-Sultan – jaıly qala» master-jospary aıasynda damytyp jatyrmyz, oǵan sáıkes aýdandardy ortalyqtandyryp damytýdamyz. Bul - áleýmettik nysandar, aýlalar/qoǵamdyq keńistikter jáne t.b. qadamdyq qoljetimdilikte ornalasýy», dep jazdy Altaı Kólginov.

Sońǵy jańalyqtar

Agrosalada ilkimdi ister kóp

Aımaqtar • Keshe

«Aıqaıdyń» astary

О́ner • Keshe

Baıron uıyǵy

Ádebıet • Keshe

Berikqara shatqalyndaǵy baılyq

Ekologııa • Keshe

Qasteev qazynalary

О́ner • Keshe

«Balapan qazdyń» tarıhy

О́ner • Keshe

Abaı kúni atalyp ótti

Abaı • Keshe

Kún gúli

Tanym • Keshe

Uqsas jańalyqtar