Pikir • 10 Jeltoqsan, 2021

Erteńin oılaǵan el ozady

46 ret kórsetildi

Qazaqstan Respýblıkasynyń Tuńǵysh Prezıdenti – Elbasy Nursultan Ábishuly Nazarbaevtyń «Táýelsizdik taǵylymy» atty tanymdyq maqalasy el Táýelsizdiginiń 30 jyldyq toıyna tartý desek bolady.

Egemendiktiń eleń-alańynan búginge deıingi aıtýly oqıǵalar jaı fakti ǵana emes, onyń arǵy jaǵynda Ult kóshbas­shysyna halyq senimin aqtaýǵa júktelgen zor jaýapkershilik, aıanbaı jumsalǵan kúsh-jiger, júrek tebirenterlik tarıhı sátter jatyr. Sondyqtan biz muny otyz jyl­dyq torqaly toı qarsańynda Tuńǵysh Pre­zı­denttiń týǵan halqymen oı bólisýi, Táýelsizdik taǵylymy dep qabyldadyq.

Maqalada qıyndyq ataýlyǵa qasqaıa qarsy turyp, úzdiksiz alǵa jyljyǵan qazaq hal­qy­nyń qıly taǵdyry, kúresi men jasam­paz­­d­yǵy erekshe baıandalady. Ásirese, ashar­shylyqtyń eki birdeı tolqyny – 1921-1922 men 1930-1933 jyldardaǵy sur­qııa saıasat saldarynan orna­ǵan zulmat kezinde ulttyń teń jar­tysy qyrylǵany, odan keıin esin endi jııa bastaǵanda sta­lın­­dik qandy repressııa sút beti­ne shyǵar qaımaqtarymyzdy jalmap ketýi júrekke qansha salmaq túsirse de, Táýelsizdik jolyn­daǵy qurbandyqtyń máni men mártebesin aıqyndaıdy.

«Men bul oqıǵalardyń bárin kózimmen kórmesem de, ákem men anamnyń ózegin muń men zar órtep, janaryn jasqa shylap otyryp aıtqan sózderinen, azattyq jolynda sheıit bolǵan arýaqtarǵa arnap, kúbirlep oqyǵan duǵalarynan estip-bilip, kókiregime túıip óstim», deıdi Elbasy. Sodan keıin Ekinshi dúnıejúzilik soǵysty eske túsire kelip, qarshadaı kúninen ógizge jegilgen soqamen jer jyrtyp, masaq terip, eńbekpen kózin ashqan qatarlastaryn jadynda jańǵyrtady. Biz budan sum soǵysta urlanǵan talaılardyń balalyq shaǵyn ǵana emes, adamdy qandaı qıyndyqtan da aman alyp shyǵatyn qudiret eńbek ekenin ańǵara túsemiz.

Tuńǵysh Prezıdent keshegi Keńes Odaǵy quramyndaǵy jetpis jyldyqtyń da nátıjesi elimizdiń paıdasyna sheshilme­genin aıta kelip, HH ǵasyr basyndaǵy Alash qaıratkerleriniń sózinen mysal keltiredi. Munyń bári azat eldiń jastaryna táýelsizdikke barar joldyń qandaı azapty bolǵanyn jáne ótken tarıhty qasterlep, odan sabaq alýdyń qajet ekenin uǵyndyrady. Elbasynyń «Táýelsizdik – babalar qanymen kelgen kıeli qundylyq» deıtini sondyqtan bolsa kerek.

Qazirgi tańda elimiz damýdyń jańa tarıhı kezeńine aıaq basty. Sebebi osy kúnge deıin qol jet­kizgen jetistikter Qazaq­stan­nyń bolashaǵyn jańasha meje­leýge múmkindik berip otyr. Kelesi kezeńde, ıaǵnı 2030 jyl­ǵa deıin ekonomıkalyq saıa­sat ne­gizine ınnovasııalyq ekonomı­ka alynady. Osylaısha, halqymyz­dyń ómir súrý sapasy ortasha eýro­palyq deńgeıge sáıkes bolmaq.

«Táýelsizdik taǵylymy» el úshin, ásirese, jańa býyn úshin para­sat pen eń­bek­tiń, táýekel men ja­sampazdyqtyń, talǵam men tal­daý­dyń mańyzyn jan-jaq­ty b­a­ıyp­tatady. О́tken jol – taǵy­lym, jańa jol – úmit. Eldiń bere­ke-bir­ligi artsa, ekeýiniń de qadiri ese­lenedi. Erteńin oılaǵan el ozady!

 

Erlan SYDYQOV,

L.N.Gýmılev atyndaǵy  Eýrazııa ulttyq ýnıversıtetiniń basqarma tóraǵacy-rektory,

UǴA akademıgi

Sońǵy jańalyqtar

Elimizde kıik sany kóbeıip keledi

Qazaqstan • Búgin, 14:41

ShQO-da elikti atqan brakoner sottaldy

Qoǵam • Búgin, 11:20

Shýchınskide bazar órtendi

Oqıǵa • Búgin, 09:27

Ań patshasy kóbeıdi

Ekologııa • Búgin, 07:42

Uqsas jańalyqtar