Pikir • 10 Jeltoqsan, 2021

Bilimniń júgi salmaqty

275 ret kórsetildi

Elbasy Nursultan Nazarbaevtyń «Egemen Qazaqstan» gazetine shyqqan «Táýelsizdik taǵylymy» atty tálimi mol maqalasyn oılana oqydyq. Rasymen de, Tuńǵysh Prezıdent aıtqandaı, Táýelsizdikti jarııalaý ońaı emes, ony búkil álemge moıyndatý odan da qıyn. Munyń bárine tereń parasat-bilim men tabandy eńbektiń nátıjesinde qol jetkizdik.

Qol jetkizgen egemendikti saqtap qalý jolyndaǵy jankeshti ju­mys taǵy bar. Táýelsizdiktiń tuǵy­ryn bıik­tetýde bilimniń júgi salmaqty. О́ıt­keni Elbasy tilge tıek etkendeı, jahandy jaılaǵan indet eńbek nary­ǵyna aıtarlyqtaı jańa ózgerister ákel­di. Robottar adamdardy almastyra bas­tady. Endigi jerde jańa mamandar, múlde jańa daǵdyny ıgergen urpaq kerek. Aldaǵy ýaqytta bilim berý salasy da jańa zamannyń suranysyna saı baǵyt alyp, jańartylyp, ózgerip otyrýǵa tıis.

Mundaı jańa baǵytqa betburys bilim salasynda qazirdiń ózinde baı­qalyp keledi. Sonyń biri retinde mek­tep­terdegi oqý baǵdarlamasyna bıyl­­dan bastap engizilgen «Kompıý­terlik saýattylyq» pánin ataýǵa bolady. Barlyq bilim berý júıesiniń irgetasy balabaqshada qalanady. Bala mekteptegi qazirgi baǵdarlamaǵa ilesip, qınalmaı alyp ketýi úshin ony balabaqshadan bastap jańa júıege beıimdeý qajet. Túptep kelgende mektepke deıingi bilim berýdiń negizgi mindetteriniń biri – balalardy mektepke daıyndaý.

Al osy mindetti Tuńǵysh Prezı­dentimiz N.Nazarbaev joǵarydaǵy maz­mundy maqalasynda atap ótken robot tehnıkasy ınjeneri, kıberqaýip­sizdik mamanyn daıarlaý arqyly oryn­daý úshin búgingi jas urpaqqa jańa daǵ­dyny sińire bergen abzal. Bul ju­mysty neǵurlym erterek qolǵa alsaq, soǵurlym jemisti bolatyny anyq. Qazirdiń ózinde elimiz­diń bir­qatar balabaqshalarynda robot teh­nıka­sy­nyń qarapaıym element­terin úıretedi. Ony oqytatyn maman da daıar­lanǵan bolýy tıis qoı. Bizdiń pedago­gıkalyq joǵary kolledjimizdegi «Mektepke deıingi tárbıe jáne oqytý» maman­dyǵynyń stýdentteri World Skills Kazakhstan chempıonatyna qatysty. Sonyń nátıjesinde biz bolashaq tár­bıeshilerge «Amına» pedago­gı­kalyq shyǵarmashylyq ortalyǵy­men birlesip, robot tehnıkasyn oqytýdy bastaǵaly otyrmyz. Bolashaqta osy jáne kompıý­terlik saýattylyq baǵytyndaǵy saǵattar sanyn arttyrǵan abzal. Bul máseleni, ásirese, pedagogıkalyq kolledjder men ýnıversıtetter nazarǵa alsa ıgi.

 

Ǵazıza DILMANOVA,

M.Mámetova atyndaǵy pedagogıkalyq joǵary kolledjiniń arnaıy pán oqytýshysy

Sońǵy jańalyqtar

Kaspıı teńizine úsh adam batyp ketken

Aımaqtar • Búgin, 21:18

Tekeli laı kóshkininen tazartylyp jatyr

Aımaqtar • Búgin, 19:53

Bıyl Almatyda myń jas baspanaly bolady

Aımaqtar • Búgin, 17:44

AQSh-ta shirkeýge shabýyl jasaldy

Oqıǵa • Búgin, 17:15

Batys Qazaqstanda jastar shtaby quryldy

Aımaqtar • Búgin, 16:23

Dollar qymbattady

Qarjy • Búgin, 15:55

Uqsas jańalyqtar