Aımaqtar • 16 Jeltoqsan, 2021

Otyz áıel – otyz jańa kásipker

161 ret kórsetildi

El Táýelsizdiginiń 30 jyl­dyq mereıtoıy qarsańynda Almaty qalasynyń Medeý aýdanyndaǵy «Baqytty otbasy» áleýmettik ortalyǵy jaǵdaıy tómen áıelder men kópbalaly analardyń shaǵyn kásipterin qoldap, kómek kórsetý aıasynda óz­deriniń alǵa qoıǵan maq­sa­tyna jete bilgen 30 ká­sip­ker anaǵa 2022 jylǵa ar­nal­ǵan jeke kúntizbe jasap berýdi uıymdastyryp otyr.

«Baqytty otbasy» baǵdar­lamasynyń ózi qarjylaı emes qoldaý arqyly kópbala­ly áıelderge kómek kór­setý maq­satynda qurylǵan joba­lardyń biri. Sonymen qatar or­talyqta tirkelgen analar­dy nátıjeli ári turaqty jumys­pen qamtýdy jáne jappaı kásip­kerlikti damytýdyń 2017-2021 jyl­darǵa arnalǵan «Eńbek» mem­lekettik baǵdarlamasyn júzege asyrý aıasynda «Bastaý Bıznes» jobasy boıynsha 505 myń teńgelik grant pen «Bıznestiń jol kartasy-2025» memlekettik baǵdarlamasy arqyly 2 mln-nan bastap 5 mln teńgege deıin granttar bólingen bolatyn. Kómekke muqtaj analar atalǵan memlekettik baǵdarlamalar arqyly tegin oqyp, bólingen granttarǵa qatysty. Jaqsy nátıje kórsete otyryp, toptar arasynan úzdik shyqty. Qa­zir­gi ýaqytta ózderiniń jeke kásip­terin alǵa jyljytyp jatyr.

Qazirdiń ózinde keıbir analar ekinshi qoldaýǵa qol jetkize otyryp, 2-5 mln teńgege deıingi kólemde qarajat alyp, kásipterin damytýǵa jaqsy múmkindik aldy. Sondaı-aq ortalyq usy­ny­sy­men, Medeý aýdany ákimdigi tara­pynan qoldaý taýyp, jas ká­sip­ker analardyń jeke kásip­teri­niń alǵa júrýine, klıentter men tutynýshylardy tez tabý maq­satynda aı saıyn aýdanda jár­meńke uıymdastyrylyp kele­di. Máselen, analar qoldan jasal­ǵan buıymdaryn, jemis shoq­taryn, kartınalar, sómke, kıizden jasalǵan buıymdar, áshekeıler, tátti taǵamdaryn jár­meń­kege shy­ǵaryp júr. Sonymen qatar olarǵa demeý­shilerdiń kómegimen 2 myńnan astam qaıta paıdalanýǵa bolatyn betperde, 20 kombınezon taratyldy. Karantın kezinde on­laın tapsyrys berý, úıde tap­sy­rys qabyldaý arqyly 30 áıel jumyspen qamtyldy. Osy má­mile arqyly 3 myńnan astam ha­lat, 7 myń maska men bahıl tigil­­gen. Kelisimshartqa sáı­kes, áıel­derdiń tájirıbeleri men bilim­deri aqysyz oqýǵa nıet bildirgen basqa adamdarǵa jalǵas­tyqpen be­ri­ledi. Bul bastamanyń ómir­ge qul­shyndyra túsetin tus­ta­ry da bar. О́z kásibinen násip tabýdy kózdegen analar qaýy­myn jiger­lendire túsý úshin Medeý aýdany «Baqytty otbasy» orta­lyǵy uıym­­dastyrýymen, 30 anaǵa kásip­qoı stý­dııada arnaıy fotosessııa ótti.

Eger adam óz súıikti isin ta­ýyp, jaqsy nátıjege jetkisi kelse, ortalyq kýrstaryna qatysý ar­qy­ly óz armandaryna jetýdiń joldaryn taba alady. Jaqsy ortadan tabylyp, múddeles jandarmen birge alǵa júrý de bir ǵanıbet.

 

ALMATY

Sońǵy jańalyqtar

Shıraz bulbuly

Ádebıet • Búgin, 22:05

Ata jurtta

Ádebıet • Búgin, 22:03

Oqý men oqymaý hám talǵam

Ádebıet • Búgin, 22:01

Mal basy ósse, olja kóbeıedi

Aımaqtar • Búgin, 21:57

Abaı oblysynyń aty ozdy

Aımaqtar • Búgin, 21:54

Saq dáýiriniń eskertkishi

Tanym • Búgin, 21:53

Portretin kúrishten jasaǵan

О́ner • Búgin, 21:51

Bes óńirde daýyldy eskertý jarııalandy

Aýa raıy • Búgin, 21:30

Erlan Qııasov jańa qyzmetke taǵaıyndaldy

Taǵaıyndaý • Búgin, 20:10

Tamyz aıyndaǵy UBT aıaqtaldy

Bilim • Búgin, 19:53

Baqyt Sultanov qyzmetinen bosatyldy

Qazaqstan • Búgin, 18:00

Dollar arzandady

Ekonomıka • Búgin, 16:42

Uqsas jańalyqtar