Qazaqstan • 17 Qańtar, 2022

2 mıllıon montajdalǵan anod óndirdi

38 ret kórsetildi

Pavlodardaǵy Qazaqstan elektrolız zaýyty 2 mıllıon mon­taj­dalǵan anod óndirdi. Anod – alıýmınıı óndirisindegi negizgi shıkizattyń biri. Bul kásiporynnyń elektrod óndirý sehynda 14 jyl boıy turaqty túrde montajdalyp keledi.

Kásiporynnyń habarlaýynsha, anod óndirisinde zamanaýı tehnologııalar men tıimdiligi 99,8 paıyzdy quraıtyn gaz­ta­zar­tý jabdyqtary paıdala­­ny­­la­dy. Iаǵnı prosess eko­lo­­gııa­­lyq turǵyda barynsha qaýip­­siz. Elektrod óndirý sehy­­nyń qýaty kásiporyndy materıaldyń qajetti qorymen qamdaýǵa jetkilikti. Qazir zaýyt kásiporynnyń montajdalǵan anodqa degen suranysyn tolyq qamtamasyz etip otyr.

Anod quıýshy Qýat Medeý­baevtyń aıtýynsha, anod qajetti qalypqa keltiriledi. Keıin tıisti standarttarǵa saı bolýy úshin aldymen ony syǵymdap, kúıdirip, sosyn baryp montajdaıdy. Bul isti túrli ýchaskelerdiń bilikti mamandary óz aýysymdarynda atqarady.

Eki mıllıonynshy anodty №54 aýysym mamandary óndirgenin aıta ketken abzal. Oleg Serebrennıkov atalǵan elektrod óndirý sehynda anod quıýshy bolyp jumys isteıdi.

– Zaýytta 2013 jyldan beri eńbek etip kelemin. Ár aýysym aldynda azdap qobaljıtynymyz bar. О́ıtkeni anod sapasy túp­ki­likti ónimge de áser etedi. Meniń­she, bul kásipte óz isińdi shyn súıip, janyńdy sala isteseń, ju­mys jaqsy júredi. Nátıje de kóńil toltyryp, jumystan rahat alasyń. Men úshin osy eki mıllıonynshy anodtyń mańyzy zor. Sebebi ony óz qolymmen daıyndadym, – deıdi O.Serebrennıkov.

Aýysym saıyn anod montajdaý ýchaskesinen 250 anod ótedi. Bul – aıyna 12 myń 900 anod degen sóz. Qazaqstan elektro­lız zaýytynda óndirilgen anod otandyq alıýmınıı sapasyn baqylaýǵa múmkin­dik berip, ónimdegi jergilikti úles­ti 90 paıyzǵa jetkizýge septese­di. 2013 jyly óz anod óndirisin iske qosqan sátten beri kásiporyn Qytaıdan anod ımporttaýdan bas tartqan bolatyn.

Sońǵy jańalyqtar

Aldaǵy kúnderi aýa raıy qandaı bolady

Aýa raıy • Búgin, 11:35

Búgingi valıýta baǵamy

Qarjy • Búgin, 09:32

Elimizdiń birqatar oblysynda úsik júredi

Aýa raıy • Búgin, 09:18

Arǵymaqtar alamany

Aımaqtar • Búgin, 08:42

Azııanyń úzdigi dep tanyldy

Sport • Búgin, 08:40

Eki oıyn keıinge shegerildi

Sport • Búgin, 08:37

Jan Joandy jeńdi

Sport • Búgin, 08:34

Jeńilisten kóz ashpaı tur

Hokkeı • Búgin, 08:32

Túrik qyzdary top jardy

Sport • Búgin, 08:30

О́nerpaz órender tánti etti

Aımaqtar • Búgin, 08:25

Basty maqsat – qoǵam dertinen arylý

Ekonomıka • Búgin, 08:23

Sahna sańlaqtary qýanǵan kún

Pikir • Búgin, 08:18

О́ner adamdaryn alqalaý kerek

Pikir • Búgin, 08:15

Kásipkerliktiń áleýeti joǵary

Pikir • Búgin, 08:12

Sheshilýi kerek tórt túıtkil bar

Pikir • Búgin, 08:10

О́ńiraralyq kóshpeli kezdesý ótti

Referendým-2022 • Búgin, 08:05

Assambleıa belsene qatysady

Referendým-2022 • Búgin, 08:02

Uqsas jańalyqtar