Qoǵam • 17 Qańtar, 2022

Jańa jyldan bastap jalaqy ósti

146 ret kórsetildi

Eńbek jáne halyqty áleýmettik qorǵaý mınıstrliginiń málimetine súıensek, elimizde áleýmettik sala qyzmetkerleriniń jalaqysyn kezeń-kezeńimen arttyrý jalǵasýda. Naqtyraq aıtsaq, 2022 jylǵy 1 qańtardan bastap pedagogter men áleýmettik qamsyzdandyrý salasyndaǵy qyzmetkerlerdiń jalaqysy 25%-ǵa, medısına qyzmetkerleriniń jalaqysy orta eseppen 20-30%-ǵa ósti.

Memleket basshysynyń 2019 jylǵy 2 qyrkúıektegi «Cyndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna Joldaýynda aıtylǵan tapsyrmany oryndaý úshin 2020 jyldan bastap shamamen 600 myń pedagogtiń jalaqysyn kezeń-kezeńimen arttyrý, al 2021 jyldan bastap memlekettik mekemeler men kommýnaldyq kásiporyndarda jumys isteıtin 247 myń medısına qyzmetkeriniń jalaqysyn kezeń-kezeńimen arttyrý bas­taldy. 2023 jylǵa qaraı olardyń jalaqysy 2 ese ósedi.

2022 jylǵy 1 qańtardan bastap pedagogterdiń jala­qysy 25%-ǵa, medısına qyzmet­kerleriniń jalaqysy orta eseppen 20-30%-ǵa ósti.

«Sondaı-aq, 2022 jylǵy 1 qań­tardan bastap áleýmettik qamsyzdandyrý salasyndaǵy 21 myń jumyskerdiń laýazymdyq aılyq aqylary 25%-ǵa arttyryldy. Jalaqynyń ósýi óz qyzmetin stasıonarlyq jáne jartylaı stasıonarlyq úlgidegi medısınalyq-áleýmettik mekemelerde, úıde qyzmet kórsetý uıymdarynda, ýaqytsha bolý uıymdarynda jáne jumyspen qamtý ortalyqtarynda júzege asyratyn basshylyq quram men negizgi personalǵa (áleýmettik qyzmetkerler, pedagogter, medısına qyzmetkerleri jáne t.b.) qatysty boldy», delingen mınıstrlik taratqan aqparatta.

Esterińizge sala keteıik, 2021 jyldyń 1 qańtarynan bastap áleýmettik qyzmetkerlerdiń jalaqysy 50%-ǵa ósti. Sondaı-aq 2021 jyly ákimshilik jáne qosalqy personaldyń, sta­sı­o­nar­lyq jáne jartylaı stasıo­narlyq úlgidegi MÁM-de, úıde qyzmet kórsetý jáne ýaqytsha bolý uıymdarynda jumys isteıtin jumysshylardyń jalaqysy qoldanystaǵy q­o­symsha aqynyń mólsherin laýa­zym­dyq jalaqydan 30%-dan 40%-ǵa ózgertý arqyly arttyryldy.

Mınıstrlik málimdegendeı, bıylǵy 1 qańtardan bastap azamattyq qyzmetshilerdiń jekelegen sanattarynyń jala­qysyn kezeń-kezeńimen arttyrý bastalǵan. Nátıjesinde, 4 jyl ishinde olardyń jalaqysy 2 ese artady.

Sońǵy jańalyqtar

Aldaǵy kúnderi aýa raıy qandaı bolady

Aýa raıy • Búgin, 11:35

Búgingi valıýta baǵamy

Qarjy • Búgin, 09:32

Elimizdiń birqatar oblysynda úsik júredi

Aýa raıy • Búgin, 09:18

Arǵymaqtar alamany

Aımaqtar • Búgin, 08:42

Azııanyń úzdigi dep tanyldy

Sport • Búgin, 08:40

Eki oıyn keıinge shegerildi

Sport • Búgin, 08:37

Jan Joandy jeńdi

Sport • Búgin, 08:34

Jeńilisten kóz ashpaı tur

Hokkeı • Búgin, 08:32

Túrik qyzdary top jardy

Sport • Búgin, 08:30

О́nerpaz órender tánti etti

Aımaqtar • Búgin, 08:25

Basty maqsat – qoǵam dertinen arylý

Ekonomıka • Búgin, 08:23

Uqsas jańalyqtar