Aımaqtar • 17 Qańtar, 2022

Almatydaǵy jappaı ereýil kezinde 28 avtobýsqa zaqym kelgen

70 ret kórsetildi

220 velosıped pen 21 Almaty Bike velostansııasy buzylǵan. Bul týraly qalalyq Mobıldilik basqarmasynyń basshysy Ǵanı Myrzahanov málimdedi, dep habarlaıdy Egemen.kz.

«220 velosıped pen 21 Almaty Bike velostansııasy buzyldy. Oǵan qosa 170 velosıped urlanǵan. Qazirgi ýaqytta aqparattyq júıeni qalpyna keltirý jáne tekserý jumystary júrgizilýde. Halyqqa qyzmet kórsetýdi jańartý 20 qańtarǵa deıin josparlanǵan», dedi Ǵanı Myrzahanov.

Ǵanı Myrzahanovtyń aıtýynsha, zaqymdanǵan velosıpedterdi jóndeý jáne urlanǵan velosıpedterdi qalpyna keltirý úshin qosymsha 370 mln teńge bólý máselesi qaralyp jatyr.

Sondaı-aq Almatydaǵy jappaı ereýil kezinde 28 avtobýsqa zaqym kelgeni anyqtalǵan. Búginde barlyq 151 baǵyt jáne 1600 birlik jyljymaly quram, onyń ishinde trolleıbýs jáne qala mańyndaǵy baǵyttar iske qosyldy. Qalalyq marshrýttardyń jumys tártibi 8.00-den 21.00-ge deıin, qala mańyndaǵy marshrýttarda 9.00-den 21.00-ge deıin.

Sonymen qatar metro jumysy qaıta jandandy.

Sońǵy jańalyqtar

Uqsas jańalyqtar