Jumyssyz jastarǵa qoldaý

Memleket basshysynyń aıtýyn­sha, kezdeısoq nápaqamen kún kórip júrgen jumyssyz jastar tabys izdep júrip zańnan attaýy da múm­kin. Rasymen de, bul jaǵdaı osy kúnniń ózekti máselesine aınal­dy. Prezıdent muny bekerden-beker aıtyp otyrǵan joq. Eń bastysy, Memleket basshysy jastar máse­lesin udaıy nazarda ustap keledi. О́s­ke­leń urpaqqa qatysty mańyzdy máse­lelerdi kún tártibine kóterip, qalyp­tasqan jaǵdaıdy búkpesiz, ashyq aıtady. Qur aıtyp qana qoımaı, paıda bolǵan máseleniń sheshý joldaryn da usynady. Máselen, Prezıdent Májilistiń plenarlyq otyrysynda Úkimetke «Jastar is-tájirıbesi» jáne «Alǵashqy jumys orny» jo­ba­larynyń aıasyn keńeıtip, bul baǵ­darlamalarǵa qatysýdyń merzimin sozýdy, jastardyń jalaqysyn kóterý múmkindigin qarastyrýdy tapsyrdy.

Bul qadam eń aldymen jastar arasyndaǵy jumyssyzdyqty joıýǵa serpin beretini belgili. Sondyqtan Pre­zı­denttiń bul usynysyn qoldaı­myn. Asa durys ári mańyzdy bastama. Sebebi mundaı memlekettik baǵ­dar­lamalar eńbek jolyn endi-endi bastaǵan jastarǵa qomaqty qoldaý bolady. Aldaǵy dara dańǵyldyń, jemisti jumystyń irgetasy ispetti mundaı baǵdarlamalar. Sondyqtan mundaı jobalardyń qoljetimdili­gin, jastarǵa beretin múmkindigin shektemegen jón. Jas túlek eńbek jolyn qalaı bastasa, onyń bolashaqtaǵy jemisi men jeńisi soǵan baılanysty bolady. Iаǵnı Memleket basshy­sy bile bilgen adamǵa mańyzdy sheshim jasap otyr. Alaıda mundaı baǵ­dar­­lamalardyń bar-joǵy týraly bar­lyq jas azamat bile bermeýi múmkin. Sondyqtan jas býyn bul baǵdar­lamaǵa qatysyp, óz múmkindigin synaýdan tartynbaýy tıis.

Máselen, «Jastar is-tájirıbesi» baǵdarlamasyna qatysqan kóptegen jas urpaq tájirıbe jınap, turaqty jumysqa ornalasyp jatyr. Iаǵnı baǵdarlama óz tıimdiligin dáleldeı aldy deýge tolyq negiz bar. Mine sondyqtan, Prezıdent bul baǵdar­lamalardyń aıasyn keńeıtýdi tapsyryp otyr. Memleket basshysy Úki­metke is-sharalar josparyn ázirleýdi tapsyrǵany belgili. Sol jospardyń nátıjesinde qosymsha sharalar da qabyldanatyny anyq.

Árıne, jastardy jumyspen qamtý máselesin bir emes, birqatar vedomstvo qolǵa alyp keledi. «Jastar resýrstyq ortalyqtary» da jemisti jumys istep jatyr. О́ńirlerdegi osy ortalyqtar jastardy jumyspen qamtý úshin bos jumys oryndary jár­meńkelerin uıymdastyrady. Jas­tarǵa túrli aqyl-keńes beredi. Túrli jobalarǵa grant bóledi. Jeke kási­bin bastaǵysy kelgen jastardy oqy­tady. Iаǵnı bul baǵytta burynnan beri júıeli jumys júrgizilip keledi. Jal­py, buǵan deıingi jyldarda jastar saıa­satyna qatysty júıeli is-táji­rıbesi qalyptasqan. Sonyń nátıje­sinde keıingi bes jylda elimizdegi ju­myssyz jastardyń deńgeıi 4,1%-dan 3,8%-ǵa deıin tómendedi. Endigi maqsat – onyń aıasyn keńeıtý.

Elına PAÝLI,

«Jastar» ǵylymı-zertteý ortalyǵy dırektorynyń

orynbasary, Jastar kadrlyq rezerviniń múshesi